×
login
ദേശസുരക്ഷ ‍അപകടത്തിലാക്കുന്ന വ്യാജ പാസ്പോര്‍ട്ട് തട്ടിപ്പ് ‍പുറത്തുകൊണ്ടുവന്നതിന് ബിജെപി പ്രസിഡന്‍റ് അണ്ണാമലൈ‍‍യെ അഭിനന്ദിച്ച് മദ്രാസ് ഹൈക്കോടതി

ശ്രീലങ്കക്കാര്‍ക്കും ഇന്ത്യക്കാര്‍ക്കും വ്യാജരേഖകള്‍ ഉപയോഗിച്ച് വ്യാജ ഇന്ത്യന്‍ പാസ്പോര്‍ട്ടുകള്‍ നല്‍കിയെന്ന പ്രശ്നം ഏറ്റെടുത്തതിന് ബിജെപി തമിഴ്നാട് പ്രസിഡന്‍റ് അണ്ണാമലൈയെ അഭിനന്ദിച്ച് മദ്രാസ് ഹൈക്കോടതിയുടെ മധുരൈ ബെഞ്ച്.

ചെന്നൈ:ശ്രീലങ്കക്കാര്‍ക്കും ഇന്ത്യക്കാര്‍ക്കും വ്യാജരേഖകള്‍ ഉപയോഗിച്ച് വ്യാജ ഇന്ത്യന്‍ പാസ്പോര്‍ട്ടുകള്‍ നല്‍കിയെന്ന പ്രശ്നം ഏറ്റെടുത്തതിന് ബിജെപി തമിഴ്നാട് പ്രസിഡന്‍റ് അണ്ണാമലൈയെ അഭിനന്ദിച്ച് മദ്രാസ് ഹൈക്കോടതിയുടെ മധുരൈ ബെഞ്ച്.  

ഈ പ്രശ്നത്തില്‍ ഒരു നീതിയുടെ കാവല്‍ക്കാരന്‍റെ പങ്ക് വഹിച്ചതിന് അണ്ണാമലൈയെ ജസ്റ്റിസ് ജി.ആര്‍. സ്വാമിനാഥന്‍ അഭിനന്ദിച്ചു. "ഈ പ്രശ്നം ഉയര്‍ത്തിക്കൊണ്ടുവന്നതില്‍ ഞാന്‍ ബിജെപി പ്രസിഡന്‍റ് അണ്ണാമലൈയെ അഭിനന്ദിക്കുന്നു. ജനാധിപത്യത്തില്‍ ഒരു കാവല്‍ക്കാരന്‍റെ പങ്ക് അണ്ണാമലൈ വഹിച്ചു. അണ്ണാമലൈ ഇല്ലായിരുന്നെങ്കില്‍ ഈ പ്രശ്നം വെളിച്ചം കാണില്ലായിരുന്നു"- ജഡ്ജി പറഞ്ഞു.  

54 വ്യാജപാസ്പോര്‍ട്ടുകള്‍ അനുവദിക്കാന്‍ സഹായിച്ച മധുരൈയിലെ പൊലീസ് സ്റ്റേഷനെക്കുറിച്ച് ജസ്റ്റിസ് സ്വാമിനാഥന്‍ നടുക്കം പ്രകടിപ്പിച്ചു. അഴിമതിക്കാരായ ശക്തികളെ നിയമത്തിന് മുന്‍പില്‍ കൊണ്ടുവരണമെന്നും അദ്ദേഹം പറഞ്ഞു.  

ജഡ്ജിമാര്‍ എല്ലാറ്റില്‍ നിന്നും ഒളിഞ്ഞ് ജീവിക്കുകയല്ലെന്നും അടിസ്ഥാന യാഥാര‍്ത്ഥ്യങ്ങളില്‍ നിന്നും അവര്‍ക്ക് ഒഴിഞ്ഞുമാറി നില്‍ക്കാനാവില്ലെന്നും ജഡ്ജി പറഞ്ഞു. "പത്രങ്ങളിലാണ് ബിജെപി അധ്യക്ഷന്‍ അണ്ണാമലൈ ഈ പ്രശ്നങ്ങള്‍ വന്‍തോതില്‍ ഉയര്‍ത്തുന്നതായി ഞാന്‍ വായിച്ചത്."- ജഡ്ജി അഭിപ്രായപ്പെട്ടു. .  

54 വ്യാജപാസ്പോര്‍ട്ടുകള്‍ അനുവദിക്കാന്‍ സഹായിച്ച മധുരൈയിലെ പൊലീസ് സ്റ്റേഷനെക്കുറിച്ച് ജസ്റ്റിസ് സ്വാമിനാഥന്‍ നടുക്കം പ്രകടിപ്പിച്ചു. ഈ കേസ് ഫയല്‍ ചെയ്തിട്ട് മൂന്ന് വര്‍ഷം കഴിഞ്ഞു. കഴിഞ്ഞ വര്‍ഷം ഈ കേസില്‍ സിബി ഐ അന്വേഷണം ആവശ്യപ്പെട്ട് നല്‍കിയ പൊതുതാല്‍പര്യ ഹര്‍ജിയില്‍ ഹൈക്കോടതി ഡിവിഷന്‍ ബെഞ്ച് ക്യു ബ്രാഞ്ചിനോട് മൂന്ന് മാസത്തിനകം ഈ കേസില്‍ അന്വേഷണം പൂര്‍ത്തിയാക്കാന്‍ ആവശ്യപ്പെട്ടിരുന്നു. പിന്നീട് അത് ആറ് മാസത്തേക്ക് കാലാവധി നീട്ടി നല്‍കി. എന്നാല്‍ ഇതില്‍ വീഴ്ച വരുത്തിയ ഉദ്യോഗസ്ഥരെ (പാസ്പോര്‍ട്ട് ഓഫീസിലെ ജീവനക്കാരെയും പൊലീസുകാരെയും) ചോദ്യം ചെയ്യാന്‍ കേന്ദ്ര-തമിഴ്നാട് സര്‍ക്കാര്‍ അനുമതി നല്‍കാത്തതില്‍ കേസില്‍ ക്യു ബ്രാഞ്ച് അന്തിമ റിപ്പോര്‍ട്ട് സമര്‍പ്പിച്ചിട്ടില്ല.  

ക്യു ബ്രാഞ്ച് ഇപ്പോള്‍ നല്‍കിയിട്ടുള്ള സ്റ്റാറ്റസ് റിപ്പോര്‍ട്ട് പ്രകാരം കേന്ദ്രം 14 പാസ്പോര്‍ട്ട് കേന്ദ്രം ജീവനക്കാരില്‍ ഒരാളെ പ്രോസിക്യൂട്ട് ചെയ്യാന്‍ അനുമതി നല്‍കിയിട്ടുണ്ട്. പൊലീസിലെ അസിസ്റ്റന്‍റ് കമ്മീഷണറായ ശിവകുമാറിനെ പ്രോസിക്യൂട്ട് ചെയ്യാന്‍ തമിഴ്നാട് സര്‍ക്കാരും അനുമതി നല്‍കിയിട്ടുണ്ട്.  


 

 

 

 

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.