×
login
7.46 ലക്ഷം തൊഴിലവസരങ്ങള്‍; രാജ്യത്തെ അംഗീകൃത സ്റ്റാര്‍ട്ടപ്പുകളുടെ എണ്ണം 75,000 കടന്നു; പ്രതിദിനം അംഗീകാരം ലഭിക്കുന്നത്ത് 80ലധികം വ്യവസായങ്ങള്‍ക്ക്

ആറു വര്‍ഷത്തിനിപ്പുറം ഇന്ത്യയെ മൂന്നാമത്തെ വലിയ സ്റ്റാര്‍ട്ടപ്പ് ആവാസവ്യവസ്ഥയാക്കി മാറ്റുന്നതില്‍ കര്‍മ്മ പദ്ധതി വിജയം കണ്ടു. ഇതേതുടര്‍ന്ന് ജനുവരി 16 ദേശീയ സ്റ്റാര്‍ട്ടപ്പ് ദിനമായി സര്‍ക്കാര്‍ പ്രഖ്യാപിച്ചു. ആദ്യ 10,000 സ്റ്റാര്‍ട്ടപ്പുകള്‍ 808 ദിവസം കൊണ്ട് അംഗീകരിക്കപ്പെട്ടപ്പോള്‍, ഏറ്റവും അവസാനത്തെ 10,000 സ്റ്റാര്‍ട്ടപ്പുകള്‍ അംഗീകരിക്കപ്പെട്ടത് 156 ദിവസങ്ങള്‍ കൊണ്ടാണ്.

ന്യൂദല്‍ഹി: ഇതുവരെ 75,000ലധികം സ്റ്റാര്‍ട്ടപ്പുകള്‍ക്ക് വ്യവസായ-ആഭ്യന്തര വ്യാപാര പ്രോത്സാഹന വകുപ്പ് (ഡിപിഐഐടി) അംഗീകാരം നല്‍കി. സ്വാതന്ത്ര്യത്തിന്റെ 75ാം വര്‍ഷത്തോട് അനുബന്ധിച്ച് പിന്നിടുന്ന ഒരു സുപ്രധാന നാഴികക്കല്ലാണിത്. 2016 ജനുവരി 16ന് രാജ്യത്ത് നൂതനത്വവും സ്റ്റാര്‍ട്ടപ്പുകളും പോഷിപ്പിക്കുന്നതിന് ശക്തമായ ഒരു ആവാസവ്യവസ്ഥ കെട്ടിപ്പടുക്കുന്നതിനുള്ള കര്‍മ്മ പദ്ധതി ആവിഷ്‌കരിക്കുന്നതിനുള്ള പരിപാടിക്ക് തുടക്കമായി.

ആറു വര്‍ഷത്തിനിപ്പുറം ഇന്ത്യയെ മൂന്നാമത്തെ വലിയ സ്റ്റാര്‍ട്ടപ്പ് ആവാസവ്യവസ്ഥയാക്കി മാറ്റുന്നതില്‍ കര്‍മ്മ പദ്ധതി വിജയം കണ്ടു. ഇതേതുടര്‍ന്ന് ജനുവരി 16 ദേശീയ സ്റ്റാര്‍ട്ടപ്പ് ദിനമായി സര്‍ക്കാര്‍ പ്രഖ്യാപിച്ചു. ആദ്യ 10,000 സ്റ്റാര്‍ട്ടപ്പുകള്‍ 808 ദിവസം കൊണ്ട് അംഗീകരിക്കപ്പെട്ടപ്പോള്‍, ഏറ്റവും അവസാനത്തെ 10,000 സ്റ്റാര്‍ട്ടപ്പുകള്‍ അംഗീകരിക്കപ്പെട്ടത് 156 ദിവസങ്ങള്‍ കൊണ്ടാണ്.


പ്രതിദിനം ശരാശരി 80ലധികം സ്റ്റാര്‍ട്ടപ്പുകള്‍ക്ക് രാജ്യത്ത് അംഗീകാരം ലഭിക്കുന്നുണ്ട്. ലോകത്തെ തന്നെ ഏറ്റവും ഉയര്‍ന്ന നിരക്കാണിത്. പ്രതീക്ഷാ നിര്‍ഭരവും പ്രോത്സാഹജനകവുമാണ് രാജ്യത്തെ സ്റ്റാര്‍ട്ടപ്പ് സംസ്‌കാരത്തിന്റെ ഭാവി. അംഗീകൃത സ്റ്റാര്‍ട്ടപ്പുകളില്‍ ഏകദേശം 12% ഐടി സേവനങ്ങളും, 9% ആരോഗ്യസംരക്ഷണവും ജീവശാസ്ത്രപരവുമാണ്. 7% വിദ്യാഭ്യാസം, 5% പ്രൊഫഷണല്‍, വാണിജ്യ സേവനങ്ങള്‍ക്കും ഉള്ളതാണ്.

ആഞ്ചു ശതമാനമാണ് കൃഷിക്കായിയുള്ളത്. ഇന്ത്യന്‍ സ്റ്റാര്‍ട്ടപ്പ് ആവാസ വ്യവസ്ഥയിലൂടെ ഇതുവരെ 7.46 ലക്ഷം തൊഴിലവസരങ്ങള്‍ സൃഷ്ടിക്കപ്പെട്ടിട്ടുണ്ട്. കഴിഞ്ഞ ആറു വര്‍ഷം തൊഴില്‍ സൃഷ്ടിയില്‍ 110% വാര്‍ഷിക വര്‍ധന രേഖപ്പെടുത്തി. ഏകദേശം 49% സ്റ്റാര്‍ട്ടപ്പുകളും ടയര്‍ 2 & ടയര്‍ 3 വിഭാഗങ്ങളില്‍പ്പെടുന്നവയാണ്.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.