×
login
സൈന നെഹ്‌വാളിനെതിരെ അശ്ലീല ചുവയുള്ള പോസ്റ്റ്; നടന്‍ സിദ്ധാര്‍ത്ഥിനെതിരെ വനിതാ കമ്മീഷന്‍ അന്വേഷണം

സംഭവത്തില്‍ ദേശീയ വനിതാ കമ്മീഷന്‍ അന്വേഷണം ആരംഭിച്ചു.

ന്യൂദല്‍ഹി: പഞ്ചാബില്‍ പ്രധാനമന്ത്രിയുടെ യാത്രയ്ക്കിടെ ഉണ്ടായ സുരക്ഷാ വീഴ്ചയില്‍ ദുഃഖം പ്രകടിപ്പിച്ച ബാഡ്മിന്റണ്‍ താരം സൈന നെഹ്‌വാളിനെ അശ്ലീല ചുവയുള്ള പോസ്റ്റിലൂടെ വിമര്‍ശിച്ച് ചലച്ചിത്ര താരം സിദ്ധാര്‍ഥ്. രാജ്യത്തെ പ്രധാനമന്ത്രിക്ക് പോലും സുരക്ഷ ഉറപ്പാക്കാനാകുന്നില്ല. സാധാരണ പൗരന്മാര്‍ എങ്ങനെ സുരക്ഷിതരാകും. ഇത്തരം സാഹചര്യങ്ങളില്‍ പ്രതികരിക്കുക തന്നെ വേണം. സുരക്ഷാ വീഴ്ചയ്‌ക്കെതിരെ പഞ്ചാബ് സര്‍ക്കാരിനോട് ജനങ്ങള്‍ ചോദ്യങ്ങള്‍ ഉയര്‍ത്തണമെന്നും സൈന ട്വീറ്റ് ചെയ്തിരുന്നു. ഇതിനാണ് അശ്ലീല ഭാഷയില്‍ സിദ്ധാര്‍ഥ് മറുപടി നല്കിയത്.  

സംഭവത്തില്‍ ദേശീയ വനിതാ കമ്മീഷന്‍ അന്വേഷണം ആരംഭിച്ചു. വിവാദമായെങ്കിലും ട്വീറ്റ് ഒഴിവാക്കാനോ മാപ്പ് പറയാനോ സിദ്ധാര്‍ഥ് തയ്യാറായിട്ടില്ല. ഒളിമ്പിക്‌സില്‍ മൂന്ന് തവണ രാജ്യത്തെ പ്രതിനിധീകരിച്ച താരമാണ് സൈനയെന്നും സിദ്ധാര്‍ഥിന്റെ വാക്കുകള്‍ പ്രതിഷേധാര്‍ഹമാണെന്നും ദേശീയ വനിതാ കമ്മീഷന്‍ ചെയര്‍പേഴ്‌സണ്‍ രേഖ ശര്‍മ പറഞ്ഞു.

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.