ന്യൂദല്ഹി: ഇന്ത്യന് റെയില്വേയുടെ ഓക്സിജന് എക്സ്പ്രസ് ബംഗ്ലാദേശിലേക്കുള്ള യാത്ര ആരംഭിച്ചു. ഇതാദ്യമായാണ് ഓക്സിജന് എക്സ്പ്രസ് ഏതെങ്കിലും ഒരു അയല്രാജ്യത്തേക്ക് ഓക്സിജന് എത്തിക്കുന്നത്. തെക്ക് കിഴക്കന് റെയില്വേയ്ക്ക് കീഴിലുള്ള ചക്രധര്പൂര് ഡിവിഷനിലെ ടാറ്റയില് നിന്ന് 200 മെട്രിക് ടണ് ലിക്വിഡ് മെഡിക്കല് ഓക്സിജന് ബംഗ്ലാദേശിലെ ബെനാപോളിലേക്ക് എത്തിക്കാനുള്ള നടപടി പൂര്ത്തിയായിരുന്നു. 10 കണ്ടെയ്നറുകളില് 200 മെട്രിക് ടണ് ലിക്വിഡ് മെഡിക്കല് ഓക്സിജന് നിറയ്ക്കുന്നത് രാവിലെ 09.25 ഓടെ പൂര്ത്തിയായി.
ലിക്വിഡ് മെഡിക്കല് ഓക്സിജന് ആവശ്യമുള്ള ഇന്ത്യന് സംസ്ഥാനങ്ങള്ക്ക് ആശ്വാസം നല്കുന്നതിനായി 2021 ഏപ്രില് 24 ന് ആണ് ഇന്ത്യന് റെയില്വേ ഓക്സിജന് എക്സ്പ്രസ് ആരംഭിച്ചത് . ഇതിനോടകം 35000 മെട്രിക് ടണ് ലിക്വിഡ് മെഡിക്കല് ഓക്സിജന് 15 സംസ്ഥാനങ്ങളിലേക്ക് എത്തിച്ചു. ഏകദേശം 480 ഓക്സിജന് എക്സ്പ്രസ്സുകള് ഇതിനുവേണ്ടി ഉപയോഗിച്ചു ..
കഴിയുന്നത്ര കുറഞ്ഞ സമയത്തിനുള്ളില് ലിക്വിഡ് മെഡിക്കല് ഓക്സിജന് ആവശ്യമുള്ള ഇടങ്ങളില് എത്തിക്കാനാണ് ഇന്ത്യന് റെയില്വേ ശ്രമിച്ചുകൊണ്ടിരിക്കുന്നത് .
പ്രതികരിക്കാൻ ഇവിടെ എഴുതുക: