ന്യൂദല്ഹി: സ്വാതന്ത്ര്യത്തിന്റെ 75-ാം വാര്ഷികാഘോഷങ്ങള്ക്ക് തുടക്കം കുറിച്ച് ഈ സ്വാതന്ത്ര്യദിനത്തില് രാജ്യമെങ്ങും ഒന്നിച്ച് ദേശീയഗാനം ആലപിക്കും. മന് കീ ബാത്ത് അഭിസംബോധനയില് പ്രധാനമന്ത്രി നരേന്ദ്ര മോദിയുടെ ആഹ്വാനമാണിത്.
കേന്ദ്ര സാംസ്ക്കാരിക മന്ത്രാലയത്തിന്റെ നേതൃത്വത്തിലായിരിക്കും സമൂഹ ദേശീയഗാനാലാപനം രാജ്യമെങ്ങും നടക്കുക. ഒരുമിച്ചു ചേര്ന്ന് ദേശീയഗാനം ആലപിക്കുന്നത് റെക്കോര്ഡ് ചെയ്യുന്നതിനായി രാഷ്ട്രഗാന് ഡോട്ട് ഇന് എന്ന വെബ്സൈറ്റും പ്രവര്ത്തനം ആരംഭിച്ചിട്ടുണ്ട്. ഈ മഹത്തായ ഉദ്യമത്തില് എല്ലാവരും പങ്കാളികളാവണമെന്ന് പ്രധാനമന്ത്രി അഭ്യര്ത്ഥിച്ചു.
രാജ്യത്തിന്റെ 75-ാം സ്വാതന്ത്ര്യദിനാഘോഷങ്ങളുടെ ഭാഗമായി നടക്കുന്ന അമൃത മഹോത്സവം ഏതെങ്കിലും രാഷ്ട്രീയ പാര്ട്ടിയുടേയോ സര്ക്കാരിന്റെയോ പരിപാടിയല്ല. സ്വാതന്ത്ര്യസമര സേനാനികള് ഒരുമിച്ചു പൊരുതിയതു പോലെ ദേശത്തിന്റെ വികസനത്തിനായി നമുക്കെല്ലാം ഒരുമിച്ചു ചേര്ന്ന് പ്രവര്ത്തിക്കേണ്ടതുണ്ട്. ഇതിനായി കോടിക്കണക്കിന് ഭാരതീയര് ഇത്തരം വേദികളില് യോജിച്ച് പ്രവര്ത്തിക്കണം, മോദി ആഹ്വാനം ചെയ്തു.
പ്രതികരിക്കാൻ ഇവിടെ എഴുതുക: