login
കേന്ദ്രത്തില്‍ നിന്നും കൈപ്പറ്റി ഉപയോഗിക്കാത്ത വെന്റിലേറ്ററുകളും, ജീവന്‍രക്ഷാ ഉപകരണങ്ങളും ഏതെല്ലാം; സംസ്ഥാനങ്ങള്‍ കണക്കെടുപ്പ് നടത്തണമെന്ന് മോദി

വെന്റിലേറ്ററുകള്‍ ഉണ്ടായിട്ടും സര്‍ക്കാര്‍ ആശുപത്രികളില്‍ ചിലത് ഉപയോഗിക്കാതെ വെച്ചിരിക്കുന്നതായുള്ള റിപ്പോര്‍ട്ടുകളെ അത്യധികം ഗൗരവത്തോടെയാണ് കാണുന്നതെന്ന് പറഞ്ഞ പ്രധാനമന്ത്രി, വെന്റിലേറ്ററുകള്‍ ശരിയായി പ്രവര്‍ത്തിപ്പിക്കാന്‍ ആരോഗ്യ പ്രവര്‍ത്തകര്‍ക്ക് പരിശീലനം നല്‍കാനും നിര്‍ദ്ദേശിച്ചു.

ന്യൂദല്‍ഹി : കേന്ദ്ര സര്‍ക്കാരില്‍ നിന്നും വാങ്ങി സംസ്ഥാനങ്ങള്‍ ഉപയോഗിക്കാതെ വെച്ചിരിക്കുന്ന വെന്റിലേറ്ററുകളുടെ കണക്കെടുപ്പ് നടത്തണമെന്ന് പ്രധാനമന്ത്രി നരേന്ദ്രമോദി. ഗ്രാമീണ മേഖലയിലും കോവിഡ് വ്യാപിക്കുന്ന സാഹചര്യത്തില്‍ ഈ പ്രദേശങ്ങളിലെ കോവിഡ് പരിശോധനയും ഓക്‌സിജന്‍ വിതരണവും ഊര്‍ജ്ജിതമാക്കുന്നതിനാണ് ഈ നടപടി.  

കേന്ദ്രത്തില്‍ നിന്നും വാങ്ങിയിട്ട അടിയന്തിര സാഹചര്യത്തില്‍ ഉപയോഗിക്കാത്ത ജീവനരക്ഷാ ഉപകരണങ്ങളുടെ വിവരങ്ങളാണ് ആവശ്യപ്പെട്ടിട്ടുള്ളത്. വെന്റിലേറ്ററുകള്‍ ഉണ്ടായിട്ടും സര്‍ക്കാര്‍ ആശുപത്രികളില്‍ ചിലത് ഉപയോഗിക്കാതെ വെച്ചിരിക്കുന്നതായുള്ള റിപ്പോര്‍ട്ടുകളെ അത്യധികം ഗൗരവത്തോടെയാണ് കാണുന്നതെന്ന് പറഞ്ഞ പ്രധാനമന്ത്രി, വെന്റിലേറ്ററുകള്‍ ശരിയായി പ്രവര്‍ത്തിപ്പിക്കാന്‍ ആരോഗ്യ പ്രവര്‍ത്തകര്‍ക്ക് പരിശീലനം നല്‍കാനും നിര്‍ദ്ദേശിച്ചു. ഇത് കൂടാതെ വെന്റിലേറ്ററുകളില്‍ ചിലത് പ്രവര്‍ത്തന രഹിതമാണെന്നും ആരോപണമുയര്‍ന്നിട്ടുണ്ട്. ഇവ പരിഹരിക്കുന്നതിനും കൂടി വേണ്ടിയാണ് ഈ തീരുമാനം. രാജ്യത്തെ കോവിഡ് വ്യാപനം സംബന്ധിച്ച് വിലയിരുന്നതിനായി ചേര്‍ന്ന യോഗത്തിലാണ് മോദി ഇക്കാര്യം അറിയിച്ചത്.  

നിലവിലെ കോവിഡ് വ്യാപനം കുറയ്ക്കുന്നതിനായി പ്രാദേശികമായി കണ്ടെയ്ന്‍മെന്റ് സോണുകളാക്കുക എന്ന രീതിയാണ് ആവശ്യം. ഉയര്‍ന്ന ടെസ്റ്റ് പോസിറ്റിവിറ്റി നിരക്കുള്ള പ്രദേശങ്ങളില്‍ പരിശോധന വര്‍ധിപ്പിക്കുകയും കടുത്ത നിയന്ത്രണങ്ങള്‍ ഏര്‍പ്പെടുത്തുകയും വേണം. ഗ്രാമപ്രദേശങ്ങളില്‍ വീടുകളിലെത്തി പരിശോധന നടത്തുന്ന രീതി വ്യാപിപ്പിക്കണം.  

ഗ്രാമീണ മേഖലകളില്‍ ഓക്സിജന്‍ വിതരണം ശരിയായി നടക്കുന്നുണ്ടോ എന്ന കാര്യം ഉറപ്പുവരുത്തണമെന്നും കോവിഡ് രോഗബാധയും മരണവും സംബന്ധിച്ച കണക്കുകള്‍ കൂടുതല്‍ സുതാര്യമാകണമെന്നും പ്രധാനമന്ത്രി യോഗത്തില്‍ പറഞ്ഞു. ക്യാബിനറ്റ് സെക്രട്ടറി ഉള്‍പ്പെടെയുള്ള ഉന്നത ഉദ്യോഗസ്ഥര്‍ പ്രധാനമന്ത്രി വിളിച്ചുചേര്‍ത്ത യോഗത്തില്‍ പങ്കെടുത്തു. വ്യത്യസ്ത മന്ത്രാലയങ്ങളുടെ പ്രതിനിധികളും യോഗത്തില്‍ പങ്കെടുത്തിരുന്നു.  

 

 

 

 

    comment

    LATEST NEWS


    ജയരാജ് തിരക്കഥയെഴുതി സംവിധാനം ചെയ്ത 'ദി റീബര്‍ത്' വെള്ളിയാഴ്ച മുതല്‍ റൂട്‌സ് വീഡിയോയില്‍


    അസമില്‍ ചില പദ്ധതികളുടെ അനുകൂല്യങ്ങള്‍ രണ്ടു കുട്ടികള്‍ എന്ന മാനദണ്ഡം വരുന്നു; നയം ക്രമേണ നടപ്പാക്കുമെന്ന് മുഖ്യമന്ത്രി ഹിമന്ത ബിശ്വ ശര്‍മ


    വിദേശത്ത് പോകുന്നവരുടെ സര്‍ട്ടിഫിക്കറ്റില്‍ ഇനി വാക്‌സിന്‍ ബാച്ച് നമ്പറും തീയതിയും; സെറ്റില്‍ നിന്നും നേരിട്ട് ഡൗണ്‍ലോഡ് ചെയ്യാം


    കേരളത്തിലെ ചെറുകിട കര്‍ഷകര്‍ക്ക് 1870 കോടിയുടെ വായ്പയുമായി റിസര്‍വ്വ് ബാങ്കും കേന്ദ്രസര്‍ക്കാരിന്‍റെ മേല്‍നോട്ടത്തിലുള്ള നബാര്‍ഡും


    മകളുടെ ശരീരത്തില്‍ 30 തവണ കത്തി കുത്തിയിറക്കിയ മാതാവ് അറസ്റ്റില്‍, മകനെ മാരകമായി കുത്തി പരുക്കേല്‍പ്പിച്ചു


    മഹാകവി രമേശന്‍ നായരുടെ ഓര്‍മ്മകളില്‍ കൊല്ലവും


    ഊരാളുങ്കലിന്റെ അശാസ്ത്രീയ നിർമാണം; പത്തനാപുരം പഞ്ചായത്തിന്റെ 23 കോടി വെള്ളത്തില്‍, അഞ്ചു നില മാളിന്റെ താഴത്തെ നില വെള്ളത്തിൽ മുങ്ങി


    കേന്ദ്രമന്ത്രി വി. മുരളീധരന് എസ്‌കോര്‍ട്ടും പൈലറ്റ് വാഹനവും മനപ്പൂര്‍വ്വം നല്‍കാതെ കേരളം; എന്നാല്‍ ഗണ്‍മാനും വേണ്ട, ഒഴിവാക്കി മന്ത്രി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.