×
login
ബുദ്ധന്റെ സമാധി ഗ്രാമത്തില്‍ വിമാനത്താവളം; അന്താരാഷ്ട്ര ടൂറിസ്റ്റുകളെ ലക്ഷ്യമിട്ട് യുപി; കുശിനഗര്‍ എയര്‍പോര്‍ട്ട് പ്രധാനമന്ത്രി നാളെ ഉദ്ഘാടനംചെയ്യും

നൂറിലധികം ബുദ്ധ സന്യാസികളുമായി ആദ്യ വിമാനം ശ്രീലങ്കയിലെ കൊളംബോയില്‍ നിന്നാണ് എത്തുക.

ലഖ്‌നൗ: കുശിനഗര്‍ അന്താരാഷ്ട്ര വിമാനത്താവളം പ്രധാനമന്ത്രി നരേന്ദ്രമോദി ബുധനാഴ്ച ഉദ്ഘാടനം ചെയ്യും. 260 കോടി രൂപ ചെലവില്‍ കിഴക്കന്‍ ഉത്തര്‍ പ്രദേശിലെ കുശിനഗര്‍ ജില്ലയിലാണ് വിമാനത്താവളം ഒരുക്കിയിരിക്കുന്നത്. അന്താരാഷ്ട്ര ബുദ്ധ തീര്‍ത്ഥാടന കേന്ദ്രത്തില്‍ നേരിട്ട് വിമാനത്താവളം സ്ഥാപിക്കുന്നതിലൂടെ കിഴക്കന്‍ ഏഷ്യന്‍ രാജ്യങ്ങളില്‍ നിന്നുള്ള തീര്‍ത്ഥാടകരുടെ എണ്ണം വര്‍ധിക്കുമെന്നാണ് സര്‍ക്കാര്‍ വിലയിരുത്തല്‍.  

നൂറിലധികം ബുദ്ധ സന്യാസികളുമായി ആദ്യ വിമാനം ശ്രീലങ്കയിലെ കൊളംബോയില്‍ നിന്നാണ് എത്തുക. ശ്രീലങ്കയിലെ ബുദ്ധമതത്തിലെ നാല് നികാതകളായ അസ്ഗിരിയ, അമരപുര, രമണ്യ, മാല്‍വട്ട, എന്നിവയുടെ പ്രതിനിധികള്‍ സംഘത്തിലുണ്ടാകും. കാബിനറ്റ് മന്ത്രി നാമല്‍ രാജപക്‌സെയുടെ നേതൃത്വത്തിലുള്ള ശ്രീലങ്കന്‍ ഗവണ്മെന്റിന്റെ അഞ്ച് മന്ത്രിമാരും ചടങ്ങില്‍ പങ്കെടുക്കും.  

പ്രധാനമന്ത്രി മഹാപരിനിര്‍വാണ ക്ഷേത്രം സന്ദര്‍ശിച്ച് ബുദ്ധന്റെ പ്രതിമയില്‍ അര്‍ച്ചനയും അലങ്കാര വസ്ത്രവും അര്‍പ്പിക്കുകയും ബോധി വൃക്ഷത്തൈ നടുകയും ചെയ്യും. ഗുജറാത്തിലെ വഡ്‌നഗറില്‍ നിന്നും മറ്റ് സ്ഥലങ്ങളില്‍ നിന്നും ഖനനം ചെയ്ത അജന്ത ചുമര്‍ച്ചിത്രങ്ങള്‍, ബുദ്ധ സൂത്ര കാലിഗ്രാഫി, ബുദ്ധ കലാരൂപങ്ങള്‍ എന്നിവയുടെ പ്രദര്‍ശനം പ്രധാനമന്ത്രി സന്ദര്‍ശിക്കും. ശ്രീലങ്ക, തായ്‌ലന്‍ഡ്, മ്യാന്‍മര്‍, ദക്ഷിണ കൊറിയ, നേപ്പാള്‍, ഭൂട്ടാന്‍, കംബോഡിയ എന്നിവിടങ്ങളില്‍ നിന്നുള്ള പ്രമുഖ സന്യാസികളും വിവിധ രാജ്യങ്ങളിലെ അംബാസഡര്‍മാരും പരിപാടിയില്‍ പങ്കെടുക്കും.

വിമാനത്താവളം വരുന്നതോടെ കുശിനഗര്‍ ലോകമെമ്പാടുമുള്ള ബുദ്ധമത തീര്‍ത്ഥാടന കേന്ദ്രങ്ങളുമായി ബന്ധിപ്പിക്കപ്പെടും. ഈ വിമാനത്താവളം ഉത്തര്‍പ്രദേശിലെയും ബീഹാറിലെയും സമീപ ജില്ലകളിലുള്ളവര്‍ക്കും പ്രയോജനപ്പെടും.  ഈ മേഖലയിലെ നിക്ഷേപവും തൊഴിലവസരങ്ങളും വര്‍ദ്ധിപ്പിക്കുമെന്നുമാണ് സര്‍ക്കാര്‍ വിലയിരുത്തല്‍.

 

    comment

    LATEST NEWS


    മുല്ലപ്പെരിയാറില്‍ പഞ്ചപുച്ഛമടക്കി 'പിണറായി സംഘം'; പാര്‍ലമെന്റില്‍ മലയാളിക്ക് വേണ്ടി വാദിച്ചത് കണ്ണന്താനം മാത്രം; ഡാംസുരക്ഷാ ബില്‍ രാജ്യസഭയില്‍ പാസായി


    തലശ്ശേരിയില്‍ ബിജെപി ഓഫീസ് ആക്രമിക്കാന്‍ എസ്ഡിപിഐ തീവ്രവാദികളുടെ ശ്രമം; കലാപം ഉണ്ടാക്കാനെത്തിയ ക്രിമിനലുകളെ നാട്ടുകാരും പോലീസും ചേര്‍ന്ന് തല്ലിഓടിച്ചു


    2024 ഒളിംപിക്‌സ് ലക്ഷ്യമിട്ട് മോദി സര്‍ക്കാര്‍ മിഷന്‍; ഒളിംപിക്‌സ് സെല്‍ പുനസംഘടിപ്പിച്ചു; അഞ്ജുബോബി ജോര്‍ജ്ജും ബൈച്ചൂങ് ഭൂട്ടിയയും അംഗങ്ങള്‍


    ജീവിതം വഴിമുട്ടിയെന്ന് കരുതിയപ്പോള്‍ രക്ഷകനായി; തിരക്കിനിടയിലും കേന്ദ്രമന്ത്രിയുടെ ഇടപെടല്‍ വിലപ്പെട്ടത്; വി മുരളീധരന് നന്ദിപറഞ്ഞ് മലയാളികള്‍


    ശബരി റെയില്‍ പദ്ധതിക്ക് കേരളത്തിന് താത്പര്യമില്ല എസ്റ്റിമേറ്റ് സമര്‍പ്പിച്ചില്ല; കത്തുകള്‍ക്ക് മറുപടിയില്ല; തുറന്നടിച്ച് മന്ത്രി അശ്വനി വൈഷ്ണവ്.


    ഇടനിലക്കാരെ ഒഴിവാക്കി പച്ചക്കറി വാങ്ങാന്‍ കേരളം; മോദി സര്‍ക്കാര്‍ മുന്നോട്ട് വെച്ച കാര്‍ഷിക നിയമം പരോഷമായി നടപ്പിലാക്കി പിണറായി സര്‍ക്കാര്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.