.jpg)
മുന്‍കൂട്ടി ലക്ഷ്യമിട്ട ശത്രുക്കളെ വധിക്കുകയെന്നതായിരുന്നു ഈ സംഘത്തിന്റെ പദ്ധതിയെന്നും എന്‍ഐഎ നടത്തിയ അന്വേഷണത്തില്‍ കണ്ടെത്തി. ടീം അംഗങ്ങള്‍ക്ക് ആക്രമണ, നിരീക്ഷണ സാങ്കേതിക പരിശീലനത്തോടൊപ്പം ആയുധങ്ങളും നല്‍കിയെന്നും കുറ്റപത്രത്തിൽ പറയുന്നു.
ബെംഗളുരു: കർണാടക സുള്ള്യയിലെ യുവമോര്‍ച്ച നേതാവായിരുന്ന പ്രവീണ്‍ നെട്ടാരുവിനെ വധിച്ച കേസില്‍ ദേശീയ അന്വേഷണ ഏജന്‍സി കുറ്റപത്രം സമര്‍പ്പിച്ചു. നിരോധിത തീവ്രവാദ സംഘടനയായ പോപ്പുലര്‍ ഫ്രണ്ട് ഓഫ് ഇന്ത്യയുമായി (പിഎഫ്ഐ) ബന്ധമുള്ള 20 പ്രതികള്‍ക്കെതിരെയാണ് കുറ്റപത്രം. 2022 ജൂലൈയിലാണ് യുവമോര്‍ച്ചയുടെ ജില്ലാ കമ്മിറ്റി അംഗമായിരുന്ന പ്രവീണ്‍ നെട്ടാരുവിന്റെ കൊലപാതകം.
പ്രതികള്‍ക്കെതിരെ ഇന്ത്യന്‍ ശിക്ഷാ നിയമത്തിലെ 120 ബി (ക്രിമിനല്‍ ഗൂഢാലോചന ശിക്ഷ), 153 എ (വിവിധ ഗ്രൂപ്പുകള്‍ക്കിടയില്‍ ശത്രുത വളര്‍ത്തല്‍), 302 (കൊലപാതകത്തിനുള്ള ശിക്ഷ), 34 (പൊതു ഉദ്ദേശ്യത്തിനായി നിരവധി ആളുകള്‍ ചെയ്ത പ്രവൃത്തികള്‍), 1967ലെ യുഎ (പി) നിയമത്തിലെ കോഡും സെക്ഷന്‍ 16, 18, 20, ആയുധ നിയമത്തിലെ സെക്ഷന്‍ 25(1)(എ) എന്നിവ പ്രകാരമാണ് കുറ്റപത്രം സമര്‍പ്പിച്ചിരിക്കുന്നത്.
സുള്ള്യ ടൗണിലെ മഹമ്മദ് ഷിയാബ്, സുള്ള്യ താലൂക്കിലെ അബ്ദുള്‍ ബഷീര്‍, പാല്‍ത്താടിയിലെ റിയാസ്, സുള്ള്യ താലൂക്കിലെ മുസ്തഫ പായിച്ചാര്‍, നെക്കിലാടിയില്‍ നിന്നുള്ള മസൂദ് കെ.എ, ബണ്ട്വാളില്‍ നിന്നുള്ള കൊടാജെ മുഹമ്മദ് ഷെരീഫ്, ബെല്ലാരെയില്‍ നിന്നുള്ള അബൂബക്കര്‍ സിദ്ദിഖ്, സുള്ള്യ താലൂക്കിലെ ഇസ്മായില്‍ കെ. ബെല്ലാരെ വില്ലേജിലെ കെ മഹമ്മദ് ഇഖ്ബാല്‍, ബെല്ലാരെ വില്ലേജിലെ കെ മഹമ്മദ് ഇഖ്ബാല്‍, മംഗലന്തിയിലെ ഷഹീദ് എം, ബെല്ലാരെയില്‍ നിന്നുള്ള മഹമ്മദ് ഷഫീഖ്, സുള്ള്യയില്‍ നിന്നുള്ള ഉമ്മര്‍ ഫാറൂഖ് എം ആര്‍, മസീദിയിലെ അബ്ദുള്‍ കബീര്‍, നെല്ലുരുകേംരാജെ ഗ്രാമത്തിലെ മുഹമ്മദ് ഇബ്രാഹിം ഷാ, നാവൂരിലെ സൈനുല്‍ ആബിദ് വൈ, ബെല്ലാര വില്ലേജിലെ ഷെഖ് സദ്ദാം ഹുസൈന്‍ , സവനൂരിലെ സക്കിയാര്‍ എ, ബെള്ളാരെ വില്ലേജിലെ എന്‍ അബ്ദുള്‍ ഹാരിസ്, മടിക്കേരിയിലെ തുഫൈല്‍ എം.എച്ച് എന്നിവരാണ് പ്രതികള്‍.
പ്രതികളിൽ മുസ്തഫ പൈച്ചാര്‍, മസൂദ് കെ എ, കൊഡാജെ മുഹമ്മദ് ഷെരീഫ്, അബൂബക്കര്‍ സിദ്ദിഖ്, ഉമ്മര്‍ ഫാറൂഖ് എംആര്‍, തുഫൈല്‍ എംഎച്ച് എന്നിവര്‍ ഒളിവിലാണെന്നും വിവരം നല്‍കുന്നവര്‍ക്ക് പാരിതോഷികം നല്‍കുമെന്നും പ്രഖ്യാപിച്ചിട്ടുണ്ട്. സമൂഹത്തില്‍ ഭീകരതയും വര്‍ഗീയ വിദ്വേഷവും അശാന്തിയും സൃഷ്ടിക്കാനാണ് കൊലപാതകത്തിലൂടെ പ്രതികള്‍ ശ്രമിച്ചതെന്ന് കുറ്റപത്രത്തിൽ വ്യക്തമാക്കുന്നു. 2047-ഓടെ ഇസ്ലാമിക ഭരണം സ്ഥാപിക്കാനുമുള്ള അജണ്ടയുടെ ഭാഗമായി സര്‍വീസ് ടീമുകള്‍/കൊലയാളി സ്‌ക്വാഡുകള്‍ എന്ന പേരില്‍ രഹസ്യ സംഘത്തിന് രൂപം നല്‍കി. മുന്‍കൂട്ടി ലക്ഷ്യമിട്ട ശത്രുക്കളെ വധിക്കുകയെന്നതായിരുന്നു ഈ സംഘത്തിന്റെ പദ്ധതിയെന്നും എന്‍ഐഎ നടത്തിയ അന്വേഷണത്തില്‍ കണ്ടെത്തി. ടീം അംഗങ്ങള്‍ക്ക് ആക്രമണ, നിരീക്ഷണ സാങ്കേതിക പരിശീലനത്തോടൊപ്പം ആയുധങ്ങളും നല്‍കിയെന്നും കുറ്റപത്രത്തിൽ പറയുന്നു.
മുതിര്‍ന്ന പോപ്പുലർ ഫ്രണ്ട് നേതാക്കളുടെ നിര്‍ദ്ദേശപ്രകാരം, പട്ടികയിലുള്ളവരെ ആക്രമിക്കുന്നതിനോ കൊല്ലുന്നതിനോ ഈ ടീമുകള്‍ക്ക് കൂടുതല്‍ പരിശീലനം നല്‍കി. ബെംഗളൂരു, സുള്ള്യ ടൗണ്‍, ബെല്ലാരെ ഗ്രാമം എന്നിവിടങ്ങളില്‍ പിഎഫ്ഐ അംഗങ്ങളുടെയും നേതാക്കളുടെയും ഗൂഢാലോചന യോഗങ്ങള്‍ സംഘടിപ്പിച്ചു. അവിടെ ജില്ലാ സര്‍വീസ് ടീം തലവന്‍ മുസ്തഫ പൈച്ചാറിനോട് ഒരു പ്രത്യേക സമുദായത്തിലെ പ്രമുഖരെ തിരിച്ചറിയാനും ടാര്‍ഗെറ്റുചെയ്യാനും നിര്‍ദ്ദേശിച്ചു. ഇത് പ്രകാരം നാലുപേരെ കണ്ടെത്തി. തുടര്‍ന്നാണ് 2022 ജൂലൈയില്‍ യുവമോര്‍ച്ചയുടെ ജില്ലാ കമ്മിറ്റി അംഗമായിരുന്ന പ്രവീണ്‍ നെട്ടാരുവിനെ കൊലപ്പെടുത്തിയത്.
ജനങ്ങള്‍ക്കിടയില്‍, പ്രത്യേകിച്ച് ഒരു പ്രത്യേക സമുദായത്തില്‍പ്പെട്ടവര്‍ക്കിടയില്‍ ഭീകരത സൃഷ്ടിക്കുന്നതിനായി മാരകായുധങ്ങള്‍ ഉപയോഗിച്ച് പൊതുജനങ്ങള്‍ കാണുന്നിടത്ത് വെച്ച് ആക്രമിച്ച് കൊലപ്പെടുത്തുകയായിരുന്നു.
മുഹമ്മദ് റിയാസിന് ക്രിസ്റ്റ ഉള്‍പ്പെടെ രണ്ട് ഔദ്യോഗിക വാഹനങ്ങള്‍; എട്ടു മന്ത്രിമാര്‍ക്കും ചീഫ് സെക്രട്ടറിക്കും പുതിയ ഇന്നോവ ക്രിസ്റ്റ
നടി കീര്‍ത്തി സുരേഷ് ബാല്യകാല സുഹൃത്തിനെ വിവാഹം കഴിക്കുന്നു എന്ന വാര്‍ത്ത തെറ്റാണെന്ന് മേനക സുരേഷ് കുമാര്‍
സ്വന്തം പറമ്പില്‍ നിന്നുള്ള വാഴക്കുല വെട്ടി ഡോ. ഹരീഷ് പേരടി
എഫ് പിഒ വഴി നിശ്ചിത ദിവസത്തില്‍ 20000 കോടി സമാഹരിക്കുമെന്ന് അദാനി പറഞ്ഞു; അത് നടന്നു; ഹിന്‍ഡന്‍ബര്‍ഗിന് ആദ്യ തോല്‍വി
ഹിന്‍ഡന്‍ബര്‍ഗിന്‍റെ വെല്ലുവിളി അതിജീവിച്ച് അദാനി; അദാനിയുടെ അനുബന്ധ ഓഹരി വില്‍പന 100 ശതമാനം വിജയം; മുഴുവന്‍ ഓഹരികളും വിറ്റു
അദാനിയുടെ ഓഹരികള്‍ വാങ്ങി വായ്പ നല്‍കിയിട്ടില്ല; അദാനിഗ്രൂപ്പുമായി 7000 കോടി രൂപയുടെ വ്യാപാര ബന്ധം; ഭയപ്പെടാനില്ലെന്നും പിഎന്‍ബി
ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.
മാളില്‍ മുന്നറിയിപ്പ് ബോര്‍ഡുകള്‍; നിസ്‌കരിച്ചവര്‍ അതിക്രമിച്ച് കയറിയവരെന്ന് ലുലു ഗ്രൂപ്പ്; ദൃശ്യങ്ങള്‍ അടക്കം പരാതി നല്‍കി; കേസെടുത്ത് യുപി പോലീസ്
നൂപുര്‍ ശര്‍മയ്‌ക്കെതിരേ സുപ്രീം കോടതി; ഉദയ്പൂര്‍ കൊലപാതകം അടക്കം രാജ്യത്ത് അനിഷ്ടസംഭവങ്ങള്‍ക്ക് ഉത്തരവാദി നൂപുര്‍;രാജ്യത്തോട് മാപ്പുപറയണമെന്ന് കോടതി
ഇന്ത്യയുടെ ശത്രുവായ സക്കീര്‍ നായിക്ക് ഖത്തറില്‍ മതപ്രഭാഷണം നടത്തുന്ന പ്രശ്നം ഇന്ത്യ ഏറ്റെടുക്കുമെന്ന് കേന്ദ്രമന്ത്രി ഹര്‍ദീപ് സിങ്ങ് പുരി
ഹിന്ദു ദൈവങ്ങളെ അപകീര്‍ത്തിപ്പെടുത്തിയതിന് അറസ്റ്റിലായ മുഹമ്മദ് സുബൈറിനെ പിന്തുണച്ച് രാഹുല്‍ഗാന്ധി;സത്യത്തിന്‍റെ ശബ്ദമെന്ന് ട്വീറ്റ്
ന്യൂനപക്ഷ മോര്‍ച്ച വഴി ബിജെപിയുടെ ഭാഗമാകാന്‍ തീവ്രവാദികളുടെ ശ്രമം; ജിഹാദിനെ കാവിയുടുപ്പിക്കാനുള്ള കോണ്‍ഗ്രസ് ഗൂഢപദ്ധതിയോ?
നൂപുര്‍ ശര്‍മ്മയെ അഭിസാരികയെന്ന് വിളിച്ച് കോണ്‍ഗ്രസ് നേതാവ്; നിയമലംഘനമെന്ന് കണ്ട് ട്വിറ്റര്‍ ട്വീറ്റ് നീക്കം ചെയ്തു