ന്യൂദല്ഹി : കോവിഡ് പ്രതിരോധ വാക്സിന് രാഷ്ട്രപതി രാംനാഥ് കോവിന്ദ് സ്വീകരിച്ചു. ദല്ഹിയിലെ ആര്ആര് സൈനിക ആശുപത്രിയിലെത്തിയാണ് രാഷ്ട്രപതി കോവിഡ് വാക്സിന് ആദ്യ ഡോസ് സ്വീകരിച്ചത്.
രാജ്യത്തെ കൊറോണ മുക്തമാക്കാന് എല്ലാവരും വാക്സിന് സ്വീകരിക്കണമെന്ന് രാം നാഥ് കോവിന്ദ് കുത്തിവെപ്പിന് ശേഷം പ്രതികരിച്ചു. വാക്സിന് വിതരണം രണ്ടാംഘട്ടം ആരംഭിച്ചതോടെയാണ് രാഷ്ട്രപതി വാക്സിന് സ്വീകരിച്ചത്.
അറുപത് വയസ്സിന് മുകളില് പ്രായമുള്ളവര്ക്കും ആരോഗ്യ പ്രശ്നങ്ങളുള്ള 45 വയസ്സിന് മുകളില് പ്രായമുള്ളവര്ക്കാണ് രണ്ടാംഘട്ടത്തില് വാക്സിന് വിതരണം ചെയ്യുന്നത്. മാര്ച്ച് ഒന്നിന് രണ്ടാംഘട്ടം ആരംഭിച്ചതിനെ തുടര്ന്ന് പ്രധാനമന്ത്രി നരേന്ദ്രമോദി, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിങ്, ആരോഗ്യമന്ത്രി ഹര്ഷ് വര്ധന് തുടങ്ങിയവര് വാക്സിന് സ്വീകരിച്ചു.
പ്രതികരിക്കാൻ ഇവിടെ എഴുതുക: