ന്യൂദല്ഹി : ഇന്ദിരാഗാന്ധി സര്ക്കാര് ഏര്പ്പെടുത്തിയ അടിയന്തിരാവസ്ഥ തെറ്റാണെന്ന് തുറന്ന് സമ്മതിച്ച് കൊച്ചുമകനും കോണ്ഗ്രസ് നേതാവുമായ രാഹുല് ഗാന്ധി. അന്ന് സംഭവിച്ചത് തെറ്റാണെന്ന് ഇന്ദിരാ ഗാന്ധി തന്നെ തുറന്ന് സമ്മതിച്ചിട്ടുണ്ട്. കോര്ണല് സര്വകലാശാല പ്രൊഫ. കൗശിക് ബസുവുമായുള്ള സംവാദത്തിനിടെയാണ് രാഹുലിന്റെ ഈ വെളിപ്പെടുത്തല്.
അടിയന്തരാവസ്ഥ തീര്ച്ചയായും ഒരു തെറ്റായിരുന്നു. രാജ്യത്തെ ഇന്നത്തെ സാഹചര്യവും അടിയന്തരാവസ്ഥ കാലത്ത് സംഭവിച്ചതും തമ്മില് അടിസ്ഥാനപരമായ വ്യത്യാസങ്ങളുണ്ട്. ഒരു ഘട്ടത്തിലും രാജ്യത്തെ ഭരണഘടനാ ചട്ടക്കൂട് പിടിച്ചെടുക്കാന് കോണ്ഗ്രസ് ശ്രമിച്ചിട്ടില്ല.
1975 മുതല് 77 വരെ അടിയന്തരാവസ്ഥ പ്രഖ്യാപിച്ചത് തെറ്റായിരുന്നുവെന്ന് തന്റെ മുത്തശ്ശിയായ ഇന്ദിര ഗാന്ധി മനസിലാക്കിയിരുന്നു. നടപടി തെറ്റാണെന്ന് പറഞ്ഞിരുന്നുവെന്നും രാഹുല് വിശദീകരിച്ചു. കഴിഞ്ഞ ലോക്സഭാ തിരഞ്ഞെടുപ്പ് വേളയിലും അടിയന്തരാവസ്ഥ ഏര്പ്പെടുത്തിയ തീരുമാനം തെറ്റായിരുന്നുവെന്ന് രാഹുല് അഭിപ്രായപ്പെട്ടിരുന്നു.
പ്രതികരിക്കാൻ ഇവിടെ എഴുതുക: