×
login
ഭാരത് ജോഡോ യാത്ര വ്യാഴാഴ്ച ജമ്മു കശ്മീരിൽ; രാഹുലിന് മുന്നറിയിപ്പുമായി സുരക്ഷാ ഏജൻസികൾ, കാല്‍നട യാത്ര ഒഴിവാക്കി കാറില്‍ സഞ്ചരിക്കണം

നിലവില്‍ ഭാരത് ജോഡോ യാത്ര പഞ്ചാബിലാണ് നടക്കുന്നത്. വ്യാഴാഴ്ച കാശ്മീരിലെ കാഠ്‌വയില്‍ പ്രവേശിക്കും. ജനുവരി ഇരുപത്തിയഞ്ചിന് ബനിഹാലില്‍ രാഹുല്‍ ഗാന്ധി ദേശീയ പതാക ഉയര്‍ത്തും. ഇരുപത്തിയേഴിന് അനന്ത്നാഗ് വഴി ശ്രീനഗറില്‍ പ്രവേശിക്കും.

ന്യൂദല്‍ഹി: ഭാരത് ജോഡോ യാത്ര ജമ്മുകശ്മീരില്‍ പ്രവേശിക്കാനിരിക്കെ കോണ്‍ഗ്രസ് നേതാവ് രാഹുല്‍ ഗാന്ധിയ്ക്ക് മുന്നറിയിപ്പുമായി കേന്ദ്ര സുരക്ഷാ ഏജന്‍സികള്‍. കശ്മീരില്‍ കാല്‍നട യാത്ര ഒഴിവാക്കി കാറില്‍ സഞ്ചരിക്കണമെന്ന് ഏജന്‍സികള്‍ മുന്നറിയിപ്പ് നൽകി. വ്യാഴാഴ്ചയാണ് യാത്ര ജമ്മു കശ്മീരിൽ പ്രവേശിക്കുന്നത്.  

രാഹുൽ ഗാന്ധിയുടെ സുരക്ഷയ്ക്കായി വിശദമായ പദ്ധതികൾ തയാറാക്കിയതായും സുരക്ഷാ ഏജൻസികൾ അറിയിച്ചു. യാത്ര ശ്രീനഗറില്‍ എത്തുമ്പോള്‍ ജനക്കൂട്ടം പാടില്ലെന്നും സുരക്ഷാ ഏജന്‍സികള്‍ മുന്നറിയിപ്പ് നല്‍കിയിട്ടുണ്ട്. യാത്ര കടന്നു പോകുന്ന പ്രദേശങ്ങളിലും നേതാക്കള്‍ രാത്രി താമസിക്കുന്നയിടത്തുമെല്ലാം ഏജന്‍സികള്‍ പരിശോധന നടത്തുന്നുണ്ട്.


നിലവില്‍ ഭാരത് ജോഡോ യാത്ര പഞ്ചാബിലാണ് നടക്കുന്നത്. വ്യാഴാഴ്ച കാശ്മീരിലെ കാഠ്‌വയില്‍ പ്രവേശിക്കും. ജനുവരി ഇരുപത്തിയഞ്ചിന് ബനിഹാലില്‍ രാഹുല്‍ ഗാന്ധി ദേശീയ പതാക ഉയര്‍ത്തും. ഇരുപത്തിയേഴിന് അനന്ത്നാഗ് വഴി ശ്രീനഗറില്‍ പ്രവേശിക്കും. രാഹുല്‍ ഗാന്ധി ശ്രീനഗറില്‍ എത്തുമ്പോൾ വിരലിലെണ്ണാവുന്ന ആളുകള്‍ മാത്രമേ അദ്ദേഹത്തോടൊപ്പം യാത്ര ചെയ്യാവൂ എന്നാണ് സുരക്ഷാ ഏജന്‍സികള്‍ ആവശ്യപ്പെടുന്നത്.

സുരക്ഷാ പ്രശ്നങ്ങളുള്ളതിനാല്‍ രാഹുലിനൊപ്പം നടക്കുന്നവരുടെ വിവരങ്ങള്‍ ഏജന്‍സികള്‍ ശേഖരിക്കുന്നുണ്ട്. നിലവില്‍ ഇസഡ് കാറ്റഗറി സുരക്ഷയാണ് അദ്ദേഹത്തിന് നല്‍കുന്നത്. ജനുവരി മുപ്പതിന് ശ്രീനഗറില്‍ ഭാരത് ജോഡോ യാത്രയുടെ സമാപന സമ്മേളനം നടക്കും.

    comment

    LATEST NEWS


    മുഹമ്മദ് റിയാസിന് ക്രിസ്റ്റ ഉള്‍പ്പെടെ രണ്ട് ഔദ്യോഗിക വാഹനങ്ങള്‍; എട്ടു മന്ത്രിമാര്‍ക്കും ചീഫ് സെക്രട്ടറിക്കും പുതിയ ഇന്നോവ ക്രിസ്റ്റ


    നടി കീര്‍ത്തി സുരേഷ് ബാല്യകാല സുഹൃത്തിനെ വിവാഹം കഴിക്കുന്നു എന്ന വാര്‍ത്ത തെറ്റാണെന്ന് മേനക സുരേഷ് കുമാര്‍


    സ്വന്തം പറമ്പില്‍ നിന്നുള്ള വാഴക്കുല വെട്ടി ഡോ. ഹരീഷ് പേരടി


    എഫ് പിഒ വഴി നിശ്ചിത ദിവസത്തില്‍ 20000 കോടി സമാഹരിക്കുമെന്ന് അദാനി പറഞ്ഞു; അത് നടന്നു; ഹിന്‍ഡന്‍ബര്‍ഗിന് ആദ്യ തോല്‍വി


    ഹിന്‍ഡന്‍ബര്‍ഗിന്‍റെ വെല്ലുവിളി അതിജീവിച്ച് അദാനി; അദാനിയുടെ അനുബന്ധ ഓഹരി വില്‍പന 100 ശതമാനം വിജയം; മുഴുവന്‍ ഓഹരികളും വിറ്റു


    അദാനിയുടെ ഓഹരികള്‍ വാങ്ങി വായ്പ നല്‍കിയിട്ടില്ല; അദാനിഗ്രൂപ്പുമായി 7000 കോടി രൂപയുടെ വ്യാപാര ബന്ധം; ഭയപ്പെടാനില്ലെന്നും പിഎന്‍ബി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.