×
login
ആംആദ്മി പാര്‍ട്ടിക്ക് ഉത്തരാഖണ്ഡില്‍ തിരിച്ചടി; ആം ആദ്മി പാര്‍ട്ടി‍യുടെ മുഖ്യമന്ത്രി സ്ഥാനാര്‍ത്ഥിയായിരുന്ന അജയ് കോതിയാല്‍ പാര്‍ട്ടി ‍വിട്ടു

ഉത്തരാഖണ്ഡില്‍ ഈ ഫിബ്രവരിയില്‍ നടന്ന നിയമസഭാ തെരഞ്ഞെടുപ്പില്‍ ആം ആദ്മി പാര്‍ട്ടിയുടെ മുഖ്യമന്ത്രി സ്ഥാനാര്‍ത്ഥിയായിരുന്ന അജയ് കോതിയാല്‍ രാജിവെച്ചു. ഉത്തരാഖണ്ഡ് നിയമസഭാ തെരഞ്ഞെടുപ്പില്‍ 70 സീറ്റുകളില്‍ ഒന്നില്‍ പോലും ആം ആദ്മിക്ക് വിജയിക്കാനായില്ല

ഡെറാഡൂണ്‍: ഉത്തരാഖണ്ഡില്‍ ഈ ഫിബ്രവരിയില്‍ നടന്ന നിയമസഭാ തെരഞ്ഞെടുപ്പില്‍ ആം ആദ്മി പാര്‍ട്ടിയുടെ മുഖ്യമന്ത്രി സ്ഥാനാര്‍ത്ഥിയായിരുന്ന അജയ് കോതിയാല്‍ രാജിവെച്ചു.  

ഉത്താരഖണ്ഡില്‍ സൈന്യത്തില്‍ സേവനമനുഷ്ഠിക്കുന്നവരും വിരമിച്ചവരുമായി നല്ലൊരു വിഭാഗം ഉള്ളതിനാലാണ് അജയ് കോതിയാലിനെ ആം ആദ്മി പാര്‍ട്ടി മുഖ്യമന്ത്രിസ്ഥാനാര്‍ത്ഥിയായി ഉയര്‍ത്തിക്കാട്ടിയത്. അധികാരത്തില്‍ വന്നാല്‍ 300 യൂണിറ്റ് വരെ വൈദ്യുതി ജനങ്ങള്‍ക്ക് സൗജന്യമായി നല്‍കുമെന്നതായിരുന്നു മറ്റൊരു വാഗ്ദാനം. എന്നാല്‍ 70 സീറ്റുകളില്‍ ഒന്നില്‍ പോലും വിജയിക്കാനായില്ല. ഇതോടെ അജയ് കോതിയാലിനെതിരെ വന്‍ വിമര്‍ശനം ഉയര്‍ന്നിരുന്നു. സാഗര്‍ ഭണ്ഡാരി ഉള്‍പ്പെടെയുള്ള ആം ആദ്മി നേതാക്കള്‍ തോല്‍വിയുടെ ഉത്തരാവാദിത്വം അജയ് കോതിയാല്‍ ഏറ്റെടുക്കണമെന്ന് ആവശ്യപ്പെട്ടു. തെരഞ്ഞെടുപ്പില്‍ പുറത്തിറങ്ങിയ എല്ലാ പോസ്റ്ററുകളിലും അജയ് കോതിയാലിന്‍റെ ചിത്രം ഉപയോഗിച്ചിരുന്നു. അജയ് കോതിയാലകട്ടെ ഉത്തരകാശി സീറ്റില്‍ ബിജെപിയുടെ സുരേഷ് ചൗഹാനോട് തോറ്റു. കനത്ത പരാജയവും പാര്‍ട്ടിക്കുള്ളില്‍ നിന്നുയരുന്ന വിമര്‍ശനവും കണക്കിലെടുത്താണ് കോതിയാല്‍ രാജിവെച്ചത്.  


വിരമിച്ച സൈനികള്‍, വിരമിച്ച പാര്‍ലമെന്‍റംഗങ്ങള്‍, മുതിര്‍ന്ന പൗരന്മാര്‍, പ്രബുദ്ധ വ്യക്തികള്‍, വനിതകള്‍, യുവാക്കള്‍ എന്നിവരുടെ വികാരം കണക്കിലെടുത്താണ് താന്‍ പാര്‍ട്ടിയില്‍ നിന്നും രാജിവെയ്ക്കുന്നതെന്ന് അജയ് കോഠിയാല്‍ പറഞ്ഞു.  

ഉത്തരാഖണ്ഡില്‍ അധികാരം പിടിക്കുമെന്ന് പറഞ്ഞ കെജ്രിവാളിന് തെരഞ്ഞെടുപ്പിലെ മോശം പ്രകടനത്തെ തുടര്‍ന്ന് ആം ആദ്മി സംസ്ഥാനഘടകവും 13 ജില്ലാ ഘടകങ്ങളും പിരിച്ചുവിടേണ്ടിവന്നു.  

2021 ഏപ്രിലിലാണ് കോതിയാല്‍ എഎപിയില്‍ അംഗമായത്. സൈനിക സേവനത്തില്‍ നിന്നും വിരമിച്ച ശേഷം സൈന്യത്തില്‍ ചേരാന്‍ ആഗ്രഹിക്കുന്ന യുവാക്കള്‍ക്ക് പരിശീലനം നല്‍കാന്‍ ഒരു സ്ഥാപനം നടത്തിയിരുന്നു. വിശിഷ്ട സേവനത്തിന് കീര്‍ത്തിചക്ര, ശൗര്യ ചക്ര, വിശിഷ്ഠ സേവാ മെഡല്‍ എന്നിവ കോതിയാലിന് കിട്ടിയിട്ടുണ്ട്. രണ്ട് തവണ എവറസ്റ്റ് കീഴടക്കിയ അദ്ദേഹം ഉത്തരാഖണ്ഡിലെ നെഹ്രു മൗണ്ടനീയറിംഗ് ഇന്‍സ്റ്റിറ്റ്യൂട്ടിന്‍റെ പ്രിന്‍സിപ്പലായിരുന്നു. 

    comment

    LATEST NEWS


    കുട്ടികളുടെ ക്ഷേമത്തിനും പുനരധിവാസത്തിനും മിഷന്‍ വാത്സല്യ; പദ്ധതിക്കുള്ള മാര്‍ഗനിര്‍ദേശങ്ങള്‍ പുറത്തിറക്കി കേന്ദ്ര സര്‍ക്കാര്‍


    ചരിത്ര നേട്ടത്തിനരികെ ഭാരതം; 198.33 കോടി പിന്നിട്ടു കോവിഡ് പ്രതിരോധ കുത്തിവയ്പുകള്‍; ദേശീയ രോഗമുക്തി നിരക്ക് 98.52% ആയി


    ശക്തമായ കാറ്റും മോശം കാലാവസ്ഥയും: കേരള-ലക്ഷദ്വീപ്-കര്‍ണാടക തീരങ്ങളില്‍ മത്സ്യത്തൊഴിലാളികള്‍ കടലില്‍ പോകരുതെന്ന് നിര്‍ദേശം


    ഗുരുവായൂര്‍ ദേവസ്വത്തില്‍ അസിസ്റ്റന്റ് എന്‍ജിനീയര്‍ ഇലക്ട്രിക്കല്‍, ഹോസ്പിറ്റല്‍ അറ്റന്‍ഡന്റ്, വാച്ച്മാന്‍: ഒഴിവുകള്‍ 22


    ടിഎച്ച്ഡിസി ഇന്ത്യ ലിമിറ്റഡില്‍ 45 എന്‍ജിനീയര്‍ ട്രെയിനി; അവസരം സിവില്‍, ഇലക്ട്രിക്കല്‍, മെക്കാനിക്കല്‍ ബിഇ/ബിടെക് 65% മാര്‍ക്കോടെ ജയിച്ചവര്‍ക്ക്


    ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ രാജിവെച്ചു; പാര്‍ട്ടി നേതൃസ്ഥാനവും ഒഴിഞ്ഞു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.