×
login
ബംഗാളിൽ തദ്ദേശ തിരഞ്ഞെടുപ്പിനിടെ തൃണമൂൽ ഗുണ്ടകളുടെ അഴിഞ്ഞാട്ടം; ബിജെപി സ്ഥാനാർത്ഥിക്ക് മര്‍ദ്ദനം ; ബിജെപി പ്രചാരണ കേന്ദ്രങ്ങൾക്ക് തീയിട്ടു

ബംഗാളില്‍ 108 നഗരസഭകളിലേക്കും 2,117 വാർഡുകളിലേക്കും നടന്ന തദ്ദേശ തെരഞ്ഞെടുപ്പിനിടെ തൃണമൂൽ ഗുണ്ടകളുടെ അഴിഞ്ഞാട്ടം. പോളിംഗിനിടെ സംസ്ഥാനത്തെ വിവിധ കേന്ദ്രങ്ങളില്‍ ബിജെപിപ്രവര്‍ത്തകര്‍ക്ക് തൃണമൂൽ ഗുണ്ടകളില്‍ നിന്നും മര്‍ദ്ദനമേറ്റു. തെരഞ്ഞെടുപ്പ് പ്രവർത്തനങ്ങൾക്കായി ബിജെപി സ്ഥാപിച്ച കേന്ദ്രങ്ങൾ തൃണമൂൽ ഗുണ്ടകൾ നശിപ്പിച്ചു.

കൊൽക്കത്ത : ബംഗാളില്‍ 108 നഗരസഭകളിലേക്കും 2,117 വാർഡുകളിലേക്കും നടന്ന തദ്ദേശ തെരഞ്ഞെടുപ്പിനിടെ  തൃണമൂൽ ഗുണ്ടകളുടെ അഴിഞ്ഞാട്ടം.  വോട്ടെടുപ്പ് തുടങ്ങി ആദ്യത്തെ മൂന്ന് മണിക്കൂര്‍ നേരത്തായിരുന്നു അക്രമം അരങ്ങേറിയത്. കള്ളവോട്ട്, ബുത്ത് പിടിച്ചെടുക്കല്‍, തെരഞ്ഞെടുപ്പ് അട്ടിമറികള്‍, സ്ഥാനാര്‍ത്ഥികള്‍ക്ക് നേരെയുള്ള അക്രമം എന്നിവ രാവിലെ മുതല്‍ പലയിടത്തും അരങ്ങേറി.

 പോളിംഗിനിടെ സംസ്ഥാനത്തെ വിവിധ കേന്ദ്രങ്ങളില്‍  ബിജെപിപ്രവര്‍ത്തകര്‍ക്ക്  തൃണമൂൽ ഗുണ്ടകളില്‍ നിന്നും മര്‍ദ്ദനമേറ്റു.  തെരഞ്ഞെടുപ്പ് പ്രവർത്തനങ്ങൾക്കായി ബിജെപി സ്ഥാപിച്ച കേന്ദ്രങ്ങൾ തൃണമൂൽ ഗുണ്ടകൾ നശിപ്പിച്ചു.  

രാവിലെ പോളിംഗ് ആരംഭിച്ചതിന് പിന്നാലെ തൃണമൂൽ പ്രവർത്തകർ വിവിധ കേന്ദ്രങ്ങളില്‍ സംഘർഷം സൃഷ്ടിച്ചു. ഇതിനിടെയാണ് ബിജെപി സ്ഥാനാർത്ഥിയ്‌ക്ക് മർദ്ദനമേറ്റത്.ശനിയാഴ്ച രാത്രി തന്നെ തൃണമൂൽ പ്രവർത്തകർ ബിജെപിയുടെ പ്രവർത്തന കേന്ദ്രങ്ങൾ ആക്രമിച്ചിരുന്നു. അര്‍ദ്ധരാത്രി എത്തിയ ഗുണ്ടകൾ പ്രവര്‍ത്തന കേന്ദ്രങ്ങൾ തീയിട്ടു നശിപ്പിക്കുകയായിരുന്നു. അർദ്ധ രാത്രി മുതൽ തന്നെ പ്രദേശത്ത് സംഘർഷാവസ്ഥ നിലനിന്നിരുന്നു.  


തൃണമൂല്‍ ഗുണ്ടായിസത്തിന്റെ ശക്തകേന്ദ്രമായ കൂച് ബീഹാറിലെ ദിന്‍ഹാത മുനിസിപ്പാലിറ്റിയിലെ സീറ്റുകളില്‍ തെരഞ്ഞെടുപ്പ് നടന്നില്ല. എതിര്‍സ്ഥാനാര്‍ത്ഥികളില്ലാത്തതിനാല്‍ ഇവിടെ തൃണമൂല്‍ ജയിച്ചതായി പ്രഖ്യാപിച്ചു.

ഭത്പാര നഗരസഭയിലും ബിജെപി പ്രവർത്തകരെ തൃണമൂൽ ഗുണ്ടകൾ ആക്രമിച്ചു. പോലീസ് എത്തിയാണ് പിന്നീട് പ്രശ്‌നം പരിഹരിച്ചത്. ഇംഗ്ലീഷ് ബസാർ നഗരസഭയിൽ തൃണമൂൽ പ്രവർത്തകർ വോട്ടെടുപ്പ് അട്ടിമറിക്കാൻ ശ്രമിച്ചത് നേരിയ സംഘർഷത്തിലേക്ക് വഴിവെച്ചിരുന്നു. അക്രമങ്ങൾ അഴിച്ചുവിട്ടവർക്കെതിരെ നടപടി സ്വീകരിച്ചിട്ടുണ്ടെന്നും അധികൃതർ വ്യക്തമാക്കി.  അക്രമങ്ങള്‍ നടന്ന ഏതാനും കേന്ദ്രങ്ങള്‍ ഒഴികെ മറ്റിടങ്ങളില്‍ പൊതുവേ വോട്ടെടുപ്പ് സമാധാനപരമായിരുന്നു എന്ന് റിപ്പോര്‍ട്ടുണ്ട്.  

 

    comment

    LATEST NEWS


    ആധുനികവല്‍ക്കരണ പാതയില്‍ ഹരിതകര്‍മസേന; പ്ലാസ്റ്റിക് ശേഖരണ പ്രവര്‍ത്തനങ്ങള്‍ കൂടുതല്‍ ശാസ്ത്രീയമാകുന്നു


    മണിരത്‌നം മാജിക്ക്: പൊന്നിയിന്‍സെല്‍വനില്‍ 'വന്തിയ ദേവനായി' കാര്‍ത്തി; ക്യാരക്ടര്‍ ലുക്ക് പോസ്റ്റര്‍ പുറത്ത്


    മന്ത്രി സജി ചെറിയാന്‍ പ്രസംഗിച്ചത് രാജ്യത്തെ ജനങ്ങളുടെ അവസ്ഥയെക്കുറിച്ച്; ഭരണഘടനയെ അവഹേളിച്ചെന്നത് മാധ്യമങ്ങളുടെ വ്യാഖ്യാനമെന്ന് സിപിഎം


    'വിധി' എന്റെ രണ്ട് കുഞ്ഞുങ്ങളെയും ഒരു ദിവസം കവര്‍ന്നു; ജീവിതത്തില്‍ തളര്‍ന്നു പോയ നിമിഷത്തിലെ വേദന പങ്കുവച്ച് ഏകനാഥ് ഷിന്‍ഡെ (വീഡിയോ)


    അധിക്ഷേപിക്കാനും അപഹസിക്കാനും കുന്തവും കുടചക്രവുമല്ല ഇന്ത്യന്‍ ഭരണഘടന; മന്ത്രി സജി ചെറിയാന്‍ മാപ്പ് പറയണമെന്ന് ബി.ഗോപാലകൃഷ്ണന്‍


    തൃപ്പൂണിത്തുറയില്‍ ടാങ്കര്‍ ലോറിയും സ്‌കൂട്ടറും കൂട്ടിയിടിച്ച് അപകടം: രണ്ട് യുവാക്കള്‍ മരിച്ചു, ഒരാള്‍ക്ക് പരിക്ക്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.