×
login
ചെന്നൈ‍യില്‍ ദമ്പതികളെ കൊന്ന് ആയിരം പവന്‍ മോഷ്ടിച്ചു; നേപ്പാളിലേക്ക് കടക്കുംമുമ്പ് വീട്ടുസഹായിയായ ഡ്രൈവറും കൂട്ടുകാരനും പിടിയില്‍

അമേരിക്കയില്‍ മകളുടെ അടുത്ത് സന്ദര്‍ശനം നടത്തി മടങ്ങി ചെന്നൈയിലെത്തിയ ദമ്പതികളെ വീട്ടിലെ ഡ്രൈവറും സഹായിയും ചേര്‍ന്ന് കൊലപ്പെടുത്തി. ആയിരം പവന്‍റെ സ്വര്‍ണ്ണാഭരണങ്ങളും മോഷ്ടിച്ചു. ഏകദേശം അഞ്ചുകോടി രൂപ വിലവരും.

ചെന്നൈ:അമേരിക്കയില്‍ മകളുടെ അടുത്ത് സന്ദര്‍ശനം നടത്തി മടങ്ങി ചെന്നൈയിലെത്തിയ ദമ്പതികളെ വീട്ടിലെ ഡ്രൈവറും സഹായിയും ചേര്‍ന്ന് കൊലപ്പെടുത്തി. ആയിരം പവന്‍റെ സ്വര്‍ണ്ണാഭരണങ്ങളും മോഷ്ടിച്ചു. ഏകദേശം അഞ്ചുകോടി രൂപ വിലവരും.

60 വയസ്സുള്ള ചാര്‍ട്ടേഡ് അക്കൗണ്ടന്‍റായ ശ്രീകാന്തും ഭാര്യ 55 കാരിയായ അനുരാധയുമാണ് കൊല ചെയ്യപ്പട്ടത്. ഇവരുടെ വീട്ടില്‍ താമസിച്ച് ദീര്‍ഘകാലമായി ജോലി ചെയ്യുന്ന കൃഷ്ണനും ഇദ്ദേഹത്തിന്‍റെ കൂട്ടുകാരനായ രവിയും ചേര്‍ന്നാണ് അതിക്രൂരമായ കൊല ചെയ്തത്. കൊന്നതിന് ശേഷം ഇവരുടെയും ജഡം ചെന്നൈയ്ക്ക് പുറത്തുള്ള ഫാം ഹൗസില്‍ കുഴിച്ചിടുകയായിരുന്നു. അതിന് ശേഷം രണ്ട് പേരും സ്വര്‍ണ്ണമെടുത്ത് രക്ഷപ്പെട്ടു.

ഇതിനിടെ അച്ഛനും അമ്മയും സുരക്ഷിതമായി നാട്ടിലെത്തിയോ എന്നറിയാന്‍ മകള്‍ വിളിച്ചപ്പോള്‍ ഫോണില്‍ മറുപടി കിട്ടാത്തതിനെ തുടര്‍ന്ന് ഇവരാണ് പൊലീസില്‍ വിവരമറിയിച്ചത്.


എന്നാല്‍ പൊലീസ് കരുതലോടെയാണ് നീങ്ങിയത്. അത്യാധുനിക ട്രാക്കിങ് സംവിധാനം ഉപയോഗിച്ചാണ് ക്രിമിനലുകളെ പിടികൂടിയത്. സിസിടിവി ദൃശ്യങ്ങളും നിര്‍ണ്ണായക തെളിവുകളായി. സിസിടിവി റെക്കോഡറും പ്രതികള്‍ രക്ഷപ്പെടുമ്പോള്‍ കയ്യിലെടുത്തിരുന്നെങ്കിലും പിന്നീട് പൊലീസ് ഇവരില്‍ നിന്നും പിചിച്ചെടുത്തതായി ചെന്നൈ പൊലീസിലെ സീനിയര്‍ ഉദ്യോഗസ്ഥനായ ഡോ. കണ്ണന്‍ പറഞ്ഞു.

ഇവരുടെ വീട്ടില്‍ സ്ഥിരതാമസക്കാരനായ കൃഷ്ണന്‍ ദമ്പതികളുടെ കയ്യില്‍ 40 കോടി രൂപയുണ്ടെന്ന് അറിഞ്ഞിരുന്നു. ഈയിടെ നടന്ന ഒരു റിയല്‍ എസ്റ്റേറ്റ് ഇടപാടില്‍ നിന്നാണ് ദമ്പതികള്‍ക്ക് ഈ പണം ലഭിച്ചത്. ഇത് കൊള്ളയടിക്കാന്‍ കുറച്ചുനാളായി കൃഷ്ണന്‍ പദ്ധതിയിട്ടു വരികയായിരുന്നു. പിന്നീട് കൊലപാതകത്തിന് കൂട്ടാളിയായി രവിയെ കിട്ടിയത്. ഇരുവരെയും ആന്ധ്രയിലെ ഒംഗോളില്‍ നിന്നാണ് പിടികൂടിയത്. ഇരുവരും നേപ്പാളിലേക്ക് കടക്കാനുള്ള പദ്ധതിയിലായിരുന്നു.

പൊലീസ് കുഴിച്ചിട്ട ജഡ‍ങ്ങള്‍ പുറത്തെടുത്ത് ഫോറന്‍സിക് പരിശോധനയ്ക്കയച്ചു.

    comment

    LATEST NEWS


    വിമത ശിവസേന എംഎല്‍എമാരുടെ ഭാര്യമാരെ വശത്താക്കാന്‍ രശ്മി താക്കറെ രംഗത്ത്; അതിനിടെ ഒരു ശിവസേന മന്ത്രി കൂടി വിമതരുടെ അടുത്തേക്ക്


    സംഘടനയെ സ്വന്തം അമ്മയെ പോലെയാണ് കാണുന്നത്; പുറത്താക്കാന്‍ മാത്രമുള്ള ഒരു തെറ്റും ചെയ്തിട്ടില്ലെന്ന് നടന്‍ ഷമ്മി തിലകന്‍


    മാധ്യമ വാര്‍ത്തകള്‍ ശരിയല്ല; ഷമ്മി തിലകനെ സംഘടനയില്‍ നിന്നു പുറത്താക്കിയിട്ടില്ല; അദേഹത്തിന് പറയാനുള്ളതും കേള്‍ക്കും നിലപാട് വ്യക്തമാക്കി അമ്മ


    കണ്ണിന് കണ്ണ്;ചരിത്രത്തിലാദ്യമായി ബാല്‍താക്കറെയുടെ മകന്‍റെ ചിത്രത്തില്‍ കരി ഓയിലൊഴിച്ചു; ഉദ്ധവ്-ഷിന്‍ഡെ യുദ്ധം തെരുവിലേക്ക്


    ഗോത്ര വനിതയെ രാഷ്ട്രപതിയാക്കുന്നത് സംഘപരിവാര്‍; അംഗീകരിക്കാന്‍ കഴിയില്ല; ദ്രൗപതി മുര്‍മുവിനെതിരെ വ്യാജ ആരോപണങ്ങളുമായി സിപിഎം ആക്ടീവിസ്റ്റ് ബിന്ദു


    197.08 കോടി പിന്നിട്ട് കൊവിഡ് പ്രതിരോധ കുത്തിവയ്പ്പ്; ദേശീയ രോഗമുക്തി നിരക്ക് 98.58% ആയി; കഴിഞ്ഞ 24 മണിക്കൂറില്‍ 11,739 പേര്‍ക്ക് കൂടി വൈറസ് ബാധ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.