×
login
പിന്നാക്ക ജാതി സര്‍ട്ടിഫിക്കറ്റ് ഹാജരാക്കി വാങ്കഡെയും കുടുംബവും; വാങ്കഡെയെ വേട്ടയാടാന്‍ നവാബ് മാലിക്കിനെ അനുവദിക്കില്ലെന്നും അരുണ്‍ ഹല്‍ദാര്‍

ദേശീയ പട്ടികജാതി കമ്മീഷന് മുൻപാകെ തന്‍റെ പിന്നാക്ക ജാതി തെളിയിക്കുന്ന സർട്ടിഫിക്കറ്റുകള്‍ ഹാജരാക്കി എൻസിബി സോണൽ ഡയറക്ടർ സമീർ വാങ്കഡെയും കുടുംബവും. ദളിത് വിഭാഗത്തിൽ പെട്ടയാളാണെന്ന് തെളിയിക്കുന്ന രേഖകൾ ആണ് വാങ്കഡെ ഹാജരാക്കിയത്.

ദേശീയ പട്ടികജാതി കമ്മീഷന്‍ വൈസ് ചെയര്‍മാന്‍ അരുണ്‍ ഹല്‍ദാര്‍ (ഇടത്ത്)

മുംബൈ : ദേശീയ പട്ടികജാതി കമ്മീഷന് മുൻപാകെ തന്‍റെ പിന്നാക്ക ജാതി തെളിയിക്കുന്ന സർട്ടിഫിക്കറ്റുകള്‍ ഹാജരാക്കി എൻസിബി സോണൽ ഡയറക്ടർ സമീർ വാങ്കഡെയും കുടുംബവും. ദളിത് വിഭാഗത്തിൽ പെട്ടയാളാണെന്ന് തെളിയിക്കുന്ന രേഖകൾ ആണ് വാങ്കഡെ ഹാജരാക്കിയത്. കഴിഞ്ഞ ദിവസം സമീര്‍ വാങ്കഡെ മുസ്ലിമാണെന്ന് മഹാരാഷ്ട്ര മന്ത്രിയും എന്‍സിപി നേതാവുമായ നവാബ് മാലിക്ക് ആരോപിച്ചിരുന്നു. എന്തായാലും ഇതിന്‍റെ പേരില്‍ സമീര്‍ വാങ്കഡെയെ വേട്ടയാടാന്‍ അനുവദിക്കില്ലെന്ന് ദേശീയ പട്ടികജാതി കമ്മീഷന്‍ വൈസ് ചെയര്‍മാന്‍ അരുണ്‍ ഹല്‍ദാര്‍ ഉറപ്പ് നല്‍കി.  

'ഒരു ഉദ്യോഗസ്ഥന്‍ തന്റെ ഡിപാര്‍ട്‌മെന്‍റിന് അഭിമാനമുണ്ടാക്കുന്ന രീതിയില്‍ ജോലി ചെയ്യുകയാണ്. ഒരു മന്ത്രിക്ക് ഒരു ഉദ്യോഗസ്ഥനെ ഇതുപോലെ വ്യക്തിപരമായി ആക്ഷേപിക്കാന്‍ കഴിയുമോ? എന്ത് തരം സന്ദേശമാണ് ഇത് സമൂഹത്തിന് നല്‍കുന്നത്? തന്റെ രഹസ്യ അജണ്ട നടപ്പിലാക്കാന്‍ മഹാരാഷ്ട്രയിലെ ഒരു മന്ത്രി വാങ്കഡെയെ വ്യക്തിപരമായി ആക്രമിക്കുകയാണ്.'- മന്ത്രി നവാബ് മാലിക്ക് വാങ്കഡേയ്‌ക്കെതിരെ ദിവസവും ചെളിവാരിയെറിയുന്നതിനെ വിമര്‍ശിച്ച് ഹല്‍ദാര്‍ പറഞ്ഞു. എന്തായാലും ഈ പ്രശ്‌നം പരിശോധിക്കാന്‍ മഹാരാഷ്ട്ര മുഖ്യമന്ത്രി ഉദ്ധവ് താക്കറെയോട് അഭ്യര്‍ത്ഥിച്ചിട്ടുണ്ടെന്ന് ഹല്‍ദാര്‍ പറഞ്ഞു. വാങ്കഡേ സംസ്ഥാന സര്‍ക്കാരിന് കളങ്കം വരുത്തുമെന്നും ഹല്‍ദാര്‍ ആരോപിച്ചു.

 


 സമീർ വാങ്കഡെ മുസ്ലീമാണെന്നും ജോലി സംവരണം ലഭിക്കാൻ ഹിന്ദുമത വിശ്വാസിയാണെന്ന് വ്യാജ രേഖ ചമച്ചതാണെന്നും മഹാരാഷ്‌ട്ര മന്ത്രി നവാബ് മാലിക് ആരോപിച്ചിരുന്നു. ആരോപണത്തിന് തെളിവായി വാങ്കഡെ മുസ്ലിമാണെന്ന് കാണിക്കുന്ന ഒരു ജനന സർട്ടിഫിക്കറ്റ് നവാബ് മാലിക് ട്വീറ്റ് ചെയ്തിരുന്നു. ഇത് വ്യാജ ജനന സര്‍ട്ടിഫിക്കറ്റാണെന്ന് സമീര്‍ വാങ്കഡെയുടെ കുടുംബം ആരോപിച്ചിരുന്നു.  

നേരത്തെ സമീർ വാങ്കഡെയുടെ ആദ്യ വിവാഹഫോട്ടോയും അദ്ദേഹം പുറത്തുവിട്ടിരുന്നു. വ്യത്യസ്ത സമുദായങ്ങളിൽ നിന്ന് വിവാഹിതരായ തന്‍റെ മാതാപിതാക്കളുടെ ആഗ്രഹപ്രകാരമാണ് മുസ്ലീം ആചാരമനുസരിച്ച് വിവാഹം നടത്തിയതെന്നും അല്ലാതെ താൻ മതം മാറിയിട്ടില്ലെന്നും വാങ്കഡെ വിശദീകരിച്ചിരുന്നു. വാങ്കഡെ ആദ്യം വിവാഹം കഴിച്ചത് ഒരു മുസ്ലിം വനിതയെയായിരുന്നു. ഇത് വിവാഹമോചനത്തില്‍ കലാശിച്ചതോടെയാണ് രണ്ടാമത് മറാഠി നടി ക്രാന്തി റെഡ്കറെ വിവാഹം ചെയ്തത്.  

ഇതിന് പിന്നാലെ അഭിഭാഷകനായ ജയേഷ് വാനി വാങ്കഡെ വ്യാജ രേഖ ചമച്ചതിനെതിരെ പരാതി നൽകി. എൻസിബി വെബ്സൈറ്റ് പ്രകാരം അദ്ദേഹത്തിന്‍റെ പിതാവിന്‍റെ പേര് ദാവൂദ് കെ വാങ്കഡെ എന്നാണ് രേഖയിൽ കാണിക്കുന്നത്. എന്നാല്‍ തന്‍റെ പേര് ദാവൂദ് എന്നല്ലെന്നും താന്‍ ഹിന്ദുവാണെന്നും വാങ്കഡെയുടെ അച്ഛന്‍ വിശദീകരിച്ചിരുന്നു. 

    comment

    LATEST NEWS


    നാറ്റോയില്‍ ചേരാനൊരുങ്ങി സ്വീഡനും ഫിന്‍ലാന്‍ഡും


    ജനക്ഷേമം ഉറപ്പാക്കാന്‍ സത്വര നടപടി


    ഇന്ത്യ ഒരു രാഷ്ട്രമല്ലെന്നും സംസ്ഥാനങ്ങളുടെ കൂട്ടായ്മയാണെന്നും വിശേഷിപ്പിച്ച രാഹുലിന് അംബേദ്കറുടെ പ്രസംഗത്തിലൂടെ കേന്ദ്രമന്ത്രിയുടെ ചുട്ട മറുപടി


    കഥ പറച്ചിലിന്റെ നാടായ ഇന്ത്യ ലോകത്തിന്റെ ഉള്ളടക്ക കേന്ദ്രമായി: കാനില്‍ ഇന്ത്യന്‍ സ്റ്റാര്‍ട്ട് അപ്പുകളുമായി സംവദിച്ച് കേന്ദ്രമന്ത്രി മുരുകന്‍


    ക്വാഡ് യോഗത്തില്‍ പങ്കെടുക്കാന്‍ നരേന്ദ്രമോദി ജപ്പാനില്‍; 40 മണിക്കൂറിനുളളില്‍ പങ്കെടുക്കുന്നത് 23 പരിപാടികളില്‍


    കര്‍ണാടകത്തില്‍ കരാര്‍ ജോലികളില്‍ സ്ത്രീകള്‍ക്ക് 33 ശതമാനം സംവരണം; സംസ്ഥാനത്ത് സുപ്രധാന നീക്കവുമായി ബിജെപി സര്‍ക്കാര്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.