×
login
ഭര്‍ത്താവിനെ തേടി കാമുകി എത്തി; വിവാഹം ‍കഴിപ്പിച്ചു നല്‍കി ഭാര്യ; ഇനി താമസം മൂവരും ഒന്നിച്ച് (വീഡിയോ)

നിത്യശ്രീയും കല്യാണിനെ പരിചയപ്പെടുന്നത് ടിക് ടോക് വഴിയാണ്.

തിരുപ്പതി: സിനിമകഥയെ പോലും വെല്ലുന്ന ഒരു പ്രണയവും വിവാഹവുമാണ് കഴിഞ്ഞ ദിവസം തിരുപ്പതിയില്‍ നടന്നത്. തിരുപ്പതി ജില്ലയിലെ പഴയ നെല്ലൂര്‍ ജില്ലയിലെ ഡക്കിലിയിലെ അംബേദ്കര്‍ നഗറിലാണ് സംഭവം. ടിക് ടോക് തന്നെയാണ് കഥയിലെ പ്രധാനതാരവും. അംബേദ്കര്‍ നഗര്‍ സ്വദേശി കല്യാണ്‍ രണ്ടു വര്‍ഷം മുന്‍പാണ് ടിക് ടോക് വഴി പരിചയപ്പെട്ട കടപ്പ സ്വദേശിനി വിമലയെ വിവാഹം കഴിച്ചത്. ഇവരുടെ ജീവിതം മുന്നോട്ടു പോകുന്നതിനിടെയാണ് വിശാഖപട്ടണത്തു നിന്നു നിത്യശ്രീ എന്ന യുവതി കല്യാണിനെ തേടിയെത്തുന്നത്. കല്യാണിന്റെ മുന്‍ കാമുകിയാണ് താനെന്നും ചില പ്രശ്‌നങ്ങളുടെ പേരില്‍ പിരിയേണ്ടി വന്നുവെന്നും പറഞ്ഞു. നിത്യശ്രീയും കല്യാണിനെ പരിചയപ്പെടുന്നത് ടിക് ടോക് വഴിയാണ്.

കല്യാണുമായുള്ള പ്രണയബന്ധം വേര്‍പിരിഞ്ഞെങ്കിലും നിത്യശ്രീ വേറെ വിവാഹം കഴിച്ചിരുന്നില്ല. കല്യാണിനെ പിരിയാന്‍ സാധിക്കില്ലെന്ന് നിത്യശ്രീ വിമലയോട് പറഞ്ഞു. ആദ്യം ഇത് അംഗീകരിക്കാന്‍ വിമലയ്ക്ക് ആയില്ല. എന്നാല്‍, ദിവസങ്ങളോളം ഇവരുടെ വീട്ടിനു സമീപം തന്നെ താമസിച്ച് തങ്ങളുടെ പ്രണയബന്ധം അംഗീകരിക്കണമെന്ന് നിത്യശ്രീ വിമലയോട് അഭ്യര്‍ത്ഥിച്ചു. ഒടുവില്‍ വിമല തന്റെ ഭര്‍ത്താവിന്റേയും നിത്യശ്രീയുടേയും ബന്ധം അംഗീകരിച്ചു.  

നിയമപരമായി അംഗീകാരം ഇല്ലെങ്കിലും തന്റെ ഭര്‍ത്താവിനെ കൊണ്ട് നിത്യശ്രീയെ ക്ഷേത്രത്തില്‍ വച്ചു വിവാഹവും കഴിപ്പിച്ചു. ഡക്കിളിയിലെ ക്ഷേത്രത്തില്‍വച്ചായിരുന്നു കല്യാണിന്റെയും നിത്യശ്രീയുടെയും വിവാഹം.ബന്ധുക്കളുടെ എതിര്‍പ്പ് മറികടന്നായിരുന്നു വിമല തന്റെ ഭര്‍ത്താവിനെ കാമുകിയെ കൊണ്ട് വിവാഹം കഴിപ്പിച്ചത്. വിവാഹം ശേഷം മൂവരും ഒന്നിച്ച് ഒരു വീട്ടില്‍ കഴിയാനാണ് തീരുമാനം.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.