×
login
ഇന്ത്യയ്ക്ക് ആശ്വാസമായി മൊത്തവില പണപ്പെരുപ്പ‍വും രണ്ടക്കത്തില്‍ നിന്നും ഒറ്റയക്കത്തിലേക്ക് താഴ്ന്നു; ഒന്നര വര്‍ഷത്തിനിടയില്‍ ഇതാദ്യം

മൊത്തവിലയെ അടിസ്ഥാനമാക്കി കണക്കാക്കുന്ന മൊത്തവില പണപ്പെരുപ്പവും കുറഞ്ഞു. ഒക്ടോബറില്‍ മൊത്തവില പണപ്പെരുപ്പം 8.39 ശതമാനം കുറഞ്ഞു. സെപ്തംബര്‍ വരെ രണ്ടക്കത്തിലുണ്ടായിരുന്ന (10.70 ശതമാനം) മൊത്തവില പണപ്പെരുപ്പ നിരക്കാണ് ഒറ്റയക്കത്തിലേക്ക് (8.39 ശതമാനം) എത്തിയിരിക്കുന്നത്.

മുംബൈ: മൊത്തവിലയെ അടിസ്ഥാനമാക്കി കണക്കാക്കുന്ന മൊത്തവില പണപ്പെരുപ്പവും കുറഞ്ഞു. ഒക്ടോബറില്‍ മൊത്തവില പണപ്പെരുപ്പം 8.39 ശതമാനം കുറഞ്ഞു. സെപ്തംബര്‍ വരെ രണ്ടക്കത്തിലുണ്ടായിരുന്ന (10.70 ശതമാനം) മൊത്തവില പണപ്പെരുപ്പ നിരക്കാണ് ഒറ്റയക്കത്തിലേക്ക് (8.39 ശതമാനം) എത്തിയിരിക്കുന്നത്. കഴിഞ്ഞ ഒന്നര വര്‍ഷമായി (18 മാസം) രണ്ടക്കത്തില്‍ തുടര്‍ന്ന മൊത്തവില പണപ്പെരുപ്പമാണ് ആശ്വാസമേകി ഒറ്റയക്കത്തിലേക്ക് ഇറങ്ങിവന്നിരിക്കുന്നത്. കേന്ദ്രവാണിജ്യ മന്ത്രാലയമാണ് ഈ കണക്കുകള്‍ പുറത്തുവിട്ടത്.  

2021 ഏപ്രില്‍ മുതല്‍ 2022 സെപ്തംബര്‍ വരെ ഇത് പത്ത് ശതമാനത്തിനും മുകളിലായിരുന്നു. ധാതു എണ്ണ, അടിസ്ഥാന ലോഹങ്ങള്‍, ലോഹ ഉല്‍പന്നങ്ങള്‍ (യന്ത്രങ്ങളും ഉപകരണങ്ങളും ഒഴിച്ചുള്ളവ), തുണിത്തരങ്ങള്‍ എന്നീ ഉല്‍പന്നങ്ങളുടെ വിലയില്‍ കുറവുണ്ടായതാണ് മൊത്തവില പണപ്പെരുപ്പം കുറയാന്‍ കാരണമായത്.  


ഭക്ഷ്യവില വര്‍ധന സെപ്തംബറിലെ 8.08 ശതമാനത്തില്‍ നിന്നും 6.48 ശതമാനമായി കുറഞ്ഞിട്ടുണ്ട്. പച്ചക്കറിയുടെ വിലക്കയറ്റത്തോതും കുറഞ്ഞു. ഇത് 39.66 ശതമാനത്തില്‍ നിന്നും 17.61 ശതമാനത്തിലേക്ക് കുറഞ്ഞു. ഇന്ധനം, ഊര്‍ജ്ജം എന്നിവയുടെ വിലക്കയറ്റത്തോതും 32.62 ശതമാനത്തില്‍ നിന്നും 23.17 ശതമാനത്തിലേക്ക് താഴ്ന്നു.  

മൊത്തവില പണപ്പെരുപ്പം 2021 ഒക്ടോബറില്‍ 13.83 ശതമാനമായിരുന്നു. 2020 സെപ്തംബറില്‍ ഇത് 10.70 ശതമാനമായി താഴ്ന്നു. ഒക്ടോബറില്‍ ഇത് 8.39 ശതമാനമായി. കഴിഞ്ഞ അഞ്ച് മാസങ്ങളില്‍ മൊത്തവില പണപ്പെരുപ്പം താഴുന്നു എന്ന ആശ്വാസമുണ്ട്. 2022 മെയിലായിരുന്നു ഇത് ഏറ്റവും ഉയര്‍ന്നത്- 15.88 ശതമാനം.  

അസംസ്കൃത എണ്ണയുടെയും പ്രകൃതിവാതകങ്ങളുടെയും പണപ്പെരുപ്പം 2021 ഒക്ടോബറില്‍ 83.36 ശതമാനമുണ്ടായിരുന്നത് 2022 ഒക്ടോബറില്‍ 43.57 ശതമാനത്തിലേക്ക് താഴ്ന്നിട്ടുണ്ട്. നിര്‍മ്മിത ഉല്‍പന്നങ്ങളുടെ പണപ്പെരുപ്പവും 2021 ഒക്ടോബറില്‍ 12.87 ശതമാനത്തില്‍ നിന്നും 2022 ഒക്ടോബറില്‍ 4.42 ശതമാനത്തിലേക്ക് താഴ്ന്നു. 

    comment

    LATEST NEWS


    ഖുറാന്‍ പറയുന്നത് ആണിന് രണ്ടു പെണ്ണിന്റേതിന് തുല്യമായി ഓഹരി; തുല്യ സ്വത്തവകാശം അംഗീകരിക്കില്ല; കുടുംബശ്രീ പ്രതിജ്ഞക്കെതിരേ സമസ്ത


    ഒരു നില കയറാന്‍ സാധിക്കുന്നില്ല; ക്ലിഫ് ഹൗസില്‍ ലിഫ്റ്റ് നിര്‍മിക്കാന്‍ 25.50 ലക്ഷം രൂപ; ക്ലിഫ് ഹൗസില്‍ ലിഫ്റ്റ് നിര്‍മിക്കുന്നത് ആദ്യമായി


    വിഴിഞ്ഞം വികസനത്തിന്റെ കവാടം; ആവശ്യം ന്യായം, സമരം അന്യായം


    രണ്ടാംഘട്ട വോട്ടെടുപ്പ്: പരസ്യപ്രചാരണം ഇന്ന് സമാപിക്കും; ആവേശക്കൊടുമുടിയില്‍ ബിജെപി; നിവര്‍ന്നു നില്‍ക്കാന്‍ പോലുമാകാതെ കോണ്‍ഗ്രസ്


    അട്ടപ്പാടിയിൽ ആദിവാസി യുവാവിനെ ആന ചവിട്ടിക്കൊന്നു; കഴിഞ്ഞ നാല് മാസത്തിനിടെ കാട്ടാന ആക്രമണത്തിൽ കൊല്ലപ്പെട്ടത് നാലു പേർ


    സംസ്ഥാന സ്‌കൂൾ കായികോത്സവത്തിന് തിരുവനന്തപുരത്ത് തുടക്കം: മീറ്റിലെ ആദ്യ സ്വർണം പാലക്കാട് ജില്ലയ്ക്ക്, ഔദ്യോഗിക ഉദ്ഘാടനം വൈകിട്ട്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.