×
login
കായികമന്ത്രി അനുരാഗ് താക്കൂര്‍‍ ഇടപെട്ടു; ബ്രിജ് ഭൂഷണെ മാറ്റിനിര്‍ത്തും;ഗുസ്തി താരങ്ങളുടെ സമരം പിന്‍വലിച്ചു; ബൃന്ദ കാരാട്ടിന്‍റെ തന്ത്രം ഫലിച്ചില്ല

റെസ്ലിംഗ് ഫെഡറേഷന്‍ ഇന്ത്യ (ഡബ്ല്യു എഫ് ഐ) അധ്യക്ഷന്‍ ബ്രിജ് ഭൂഷണെ മാറ്റിനിര്‍ത്തി ഗുസ്തിതാരങ്ങളുടെ നേര്‍ക്കുള്ള ലൈംഗികചൂഷണത്തെക്കുറിച്ച് അന്വേഷണം നടത്താന്‍ കേന്ദ്രസര്‍ക്കാര്‍ തീരുമാനിച്ചതോടെ ഗുസ്തിതാരങ്ങള്‍ സമരം പിന്‍വലിച്ചു. ഈ സമരത്തില്‍ നിന്നും ചോര കുടിക്കാനുള്ള സിപിഎം നേതാവ് ബൃന്ദ കാരാട്ടിന്‍റേതുള്‍പ്പെടെയുള്ള ശ്രമങ്ങള്‍ അമ്പേ പരാജയപ്പെട്ടു.

ജന്തര്‍മന്തറിലെ സമരപ്പന്തലിലേക്ക് കടക്കാനുള്ള സിപിഎം നേതാവ് ബൃന്ദാകാരാട്ടിന്‍റെ ശ്രമം സമരക്കാര്‍ തടയുന്നു (ഇടത്ത്) സമരം ചെയ്യുന്ന വിനേഷ് ഫൊഗാട്ട്, പൂനിയ, സാക്ഷി മാലിക് എന്നിവര്‍ (നടുവില്‍) സമരം ഒത്തുതീര്‍പ്പാക്കിയ സന്തോഷത്തില്‍ അനുരാഗ് താക്കൂര്‍

ന്യൂദല്‍ഹി: റെസ്ലിംഗ് ഫെഡറേഷന്‍ ഇന്ത്യ (ഡബ്ല്യു എഫ് ഐ) അധ്യക്ഷന്‍ ബ്രിജ് ഭൂഷണെ മാറ്റിനിര്‍ത്തി ഗുസ്തിതാരങ്ങളുടെ നേര്‍ക്കുള്ള ലൈംഗികചൂഷണത്തെക്കുറിച്ച് അന്വേഷണം നടത്താന്‍ കേന്ദ്രസര്‍ക്കാര്‍ തീരുമാനിച്ചതോടെ ഗുസ്തിതാരങ്ങള്‍ സമരം പിന്‍വലിച്ചു. ഈ സമരത്തില്‍ നിന്നും ചോര കുടിക്കാനുള്ള സിപിഎം നേതാവ് ബൃന്ദ കാരാട്ടിന്‍റേതുള്‍പ്പെടെയുള്ള ശ്രമങ്ങള്‍ അമ്പേ പരാജയപ്പെട്ടു.  

സമരക്കാര്‍ക്ക് പിന്തുണ നല്‍കി സമരസ്റ്റേജില്‍ കയറാനുള്ള ബൃന്ദ കാരാട്ടിന്‍റെ ശ്രമം ഗുസ്തി താരങ്ങള്‍ തന്നെ നിരുത്സാഹപ്പെടുത്തുകയും അവരെ സ്റ്റേജില്‍ നിന്നും തുരത്തുകയും ചെയ്തിരുന്നു. സമരക്കാരായ ഗുസ്തിതാരങ്ങളും സമരത്തെ രാഷ്ട്രീയവല്‍ക്കരിക്കാന്‍ സമ്മതിക്കില്ലെന്ന് തീരുമാനിച്ചതിനാല്‍ കോണ്‍ഗ്രസ് ഉള്‍പ്പെടെയുള്ള പ്രതിപക്ഷ പാര്‍ട്ടി നേതാക്കളെയും സമരപ്പന്തലില്‍ പ്രവേശിപ്പിച്ചില്ല. പ്രശ്ന പരിഹാരം മാത്രമായിരുന്നു താരങ്ങള്‍ ആവശ്യപ്പെട്ടിരുന്നത്. 

സമരത്തില്‍ പങ്കെടുത്ത പ്രമുഖ താരങ്ങളായ വിനേഷ് ഫൊഗാട്ട്, സാക്ഷി മാലിക്, പൂനിയ എന്നിവരെ കേന്ദ്ര കായികമന്ത്രി അനുരാഗ് താക്കൂര്‍ നേരില്‍ കണ്ടു. ജന്തര്‍മന്തറില്‍ മൂന്ന് ദിവസമായി പ്രതിഷേധിക്കുന്ന താരങ്ങളെ അനുരാഗ് താക്കൂര്‍ നേരിട്ട് കണ്ട് സംസാരിച്ചു.  ബിജെപി നേതാവ് കൂടിയായ വിനേഷ് ഫൊഗാട്ടിന്‍റെ സഹോദരി ബബിത ഫൊഗാട്ടും സമരക്കാരെ കണ്ട് പ്രശ്നം പരിഹരിക്കാമെന്ന് ഉറപ്പുനല്‍കിയിരുന്നു.  


ഇതിനിടെ സമരക്കാര്‍ ഇന്ത്യന്‍ ഒളിമ്പിക് അസോസിയേഷന്‍ അധ്യക്ഷ പി.ടി. ഉഷയ്ക്ക് പ്രശ്നം പരിഹരിക്കണമെന്നാവശ്യപ്പെട്ട് കത്തയച്ചിരുന്നു. ഇതേ തുടര്‍ന്ന് പി.ടി. ഉഷ ഒരു അന്വേഷണ കമ്മീഷനെ ആരോപണങ്ങളെക്കുറിച്ച് അന്വേഷിക്കാന്‍ നിയോഗിച്ചിട്ടുണ്ട്. ഡബ്ല്യു എഫ് ഐ അധ്യക്ഷന്‍ ബ്രിജ് ഭൂഷണും ഗുസ്തി ക്യാമ്പുകളിലെ കോച്ചുമാരും വനിതാഗുസ്തി താരങ്ങളെ ലൈംഗികമായി ചൂഷണം ചെയ്യുന്നുവെന്നായിരുന്നു ആരോപണം. ഇതിന്‍റെ ഭാഗമായി അന്വേഷണം തീരുന്നതുവരെ ബ്രിജ് ഭൂഷണെ മാറ്റിനിര്‍ത്തും.  

 

 

    comment

    LATEST NEWS


    മുഹമ്മദ് റിയാസിന് ക്രിസ്റ്റ ഉള്‍പ്പെടെ രണ്ട് ഔദ്യോഗിക വാഹനങ്ങള്‍; എട്ടു മന്ത്രിമാര്‍ക്കും ചീഫ് സെക്രട്ടറിക്കും പുതിയ ഇന്നോവ ക്രിസ്റ്റ


    നടി കീര്‍ത്തി സുരേഷ് ബാല്യകാല സുഹൃത്തിനെ വിവാഹം കഴിക്കുന്നു എന്ന വാര്‍ത്ത തെറ്റാണെന്ന് മേനക സുരേഷ് കുമാര്‍


    സ്വന്തം പറമ്പില്‍ നിന്നുള്ള വാഴക്കുല വെട്ടി ഡോ. ഹരീഷ് പേരടി


    എഫ് പിഒ വഴി നിശ്ചിത ദിവസത്തില്‍ 20000 കോടി സമാഹരിക്കുമെന്ന് അദാനി പറഞ്ഞു; അത് നടന്നു; ഹിന്‍ഡന്‍ബര്‍ഗിന് ആദ്യ തോല്‍വി


    ഹിന്‍ഡന്‍ബര്‍ഗിന്‍റെ വെല്ലുവിളി അതിജീവിച്ച് അദാനി; അദാനിയുടെ അനുബന്ധ ഓഹരി വില്‍പന 100 ശതമാനം വിജയം; മുഴുവന്‍ ഓഹരികളും വിറ്റു


    അദാനിയുടെ ഓഹരികള്‍ വാങ്ങി വായ്പ നല്‍കിയിട്ടില്ല; അദാനിഗ്രൂപ്പുമായി 7000 കോടി രൂപയുടെ വ്യാപാര ബന്ധം; ഭയപ്പെടാനില്ലെന്നും പിഎന്‍ബി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.