×
login
പ്രധാനമന്ത്രിയെ അവഹേളിക്കുന്ന പരിപാടി സംപ്രേഷണം ചെയ്തു; വിശദീകരണം തേടി സീ തമിഴ് ചാനലിന് കേന്ദ്ര സര്‍ക്കാര്‍‍ നോട്ടീസ് നല്‍കി

വിവാദ പരിപാടിക്ക് ചാനല്‍ അധികൃതര്‍ നിയമപരമായും ധാര്‍മികമായും ഉത്തരവാദികളായിരിക്കുമെന്നും കേന്ദ്ര സര്‍ക്കാരിന്റെ കത്തില്‍ മുന്നറിയിപ്പുണ്ട്.

ന്യൂദല്‍ഹി : പ്രധാനമന്ത്രി നരേന്ദ്രമോദിയെ അധിക്ഷേപിക്കുന്ന വിധത്തില്‍ പ്രോഗ്രാം സംപ്രേഷണം നടത്തിയെന്ന് ആരോപണത്തില്‍ സീ തമിഴ് ചാനലിന് കേന്ദ്രസര്‍ക്കാര്‍ നോട്ടീസ്. പ്രധാനമന്ത്രിയെ പരിഹസിക്കുന്ന പരിപാടി ചാനലിലൂടെ പുറത്തുവിട്ടെന്ന് ആരോപിട്ട് ബിജെപി സംസ്ഥാന പ്രസിഡന്റ് കെ. അണ്ണാമലൈ നല്‍കിയ പരാതിയിലാണ് നടപടി. വിഷയത്തില്‍ ഏഴ് ദിവസത്തിനകം മറുപടി നല്‍കണമെന്നും, മറുപടി തൃപ്തികരമല്ലെങ്കില്‍ ചാനലിനെതിരെ നടപടി കൈക്കൊള്ളുമെന്നും കേന്ദ്ര വാര്‍ത്താ വിതരണ മന്ത്രാലയം നല്‍കിയ നോട്ടീസില്‍ പറയുന്നത്.  

ഇത് കൂടാതെ പരിപാടി  സമൂഹ മാധ്യമങ്ങളിലും മറ്റും പരിപാടിയുടെ വീഡിയോ പ്രചരിക്കുന്നത് തടയണമെന്ന് ചാനല്‍ അധികൃതരോട് ബിജെപി സംസ്ഥാന ഐടി സോഷ്യല്‍ മീഡിയ സെല്‍ പ്രസിഡന്റ് സിടിആര്‍ നിര്‍മ്മല്‍ കുമാറിനോടും ആവശ്യപ്പെട്ടിട്ടുണ്ട്.  

സീ തമിഴ് ചാനലിലെ ജൂനിയര്‍ സൂപ്പര്‍ സ്റ്റാര്‍ സീസണ്‍ 4ലെ മത്സരാര്‍ത്ഥികളായ രണ്ടു കുട്ടികളാണ് മോദിയെ അവഹേളിക്കുന്ന വിധത്തില്‍ പരിപാടി അവതരിപ്പിച്ചത്. തമിഴ്ഹാസ്യ നടന്‍ വടിവേലുവിന്റെ കഥാപാത്രങ്ങളെ അനുകരിച്ച് നോട്ട് നിരോധനം, പ്രധാനമനന്ത്രിയുടെ വസ്ത്രധാരണം, വിദേശ യാത്രകള്‍ എന്നിവയെല്ലാം പരിഹസിച്ചാണ് പരിപാടി അവതരിപ്പിച്ചത്.  


കുട്ടികളുടെ രണ്ടു മിനിറ്റ് ദൈര്‍ഘ്യമുള്ള സ്‌കിറ്റ് അവതരണത്തെ വിധികര്‍ത്താക്കളും അവതാരകരും മറ്റും കൈയടിച്ച് പ്രോത്സാഹിപ്പിച്ചിരുന്നു. വിവാദ പരിപാടിക്ക് ചാനല്‍ അധികൃതര്‍ നിയമപരമായും ധാര്‍മികമായും ഉത്തരവാദികളായിരിക്കുമെന്നും കേന്ദ്ര സര്‍ക്കാരിന്റെ കത്തില്‍ മുന്നറിയിപ്പുണ്ട്. സംഭവം വിവാദമായതോടെ ചാനലിന്റെ വെബ്സൈറ്റില്‍നിന്ന് പ്രസ്തുത ഭാഗം നീക്കം ചെയ്യുമെന്നും പുനഃസംപ്രേഷണം ചെയ്യില്ലെന്നും ചാനല്‍ മേധാവികള്‍ അറിയിച്ചിട്ടുണ്ട്.  

 

 

 

    comment

    LATEST NEWS


    ചെലവ് കുറഞ്ഞ പരിഹാരം; ഇന്ത്യയുടെ ഭാവി സമ്പദ്‌വ്യവസ്ഥയില്‍ അഗ്രിടെക് സ്റ്റാര്‍ട്ടപ്പുകള്‍ നിര്‍ണായകമെന്ന് കേന്ദ്രമന്ത്രി ഡോ. ജിതേന്ദ്ര സിംഗ്


    ക്വാഡ് നേതാക്കളുടെ മൂന്നാമത് ഉച്ചകോടി: പ്രധാനമന്ത്രി നരേന്ദ്ര മോദി ജപ്പാന്‍ സന്ദര്‍ശനം മെയ് 24ന്


    ഹൈന്ദവസമാജം നേരിടുന്ന വെല്ലുവിളികളും സര്‍ക്കാരിന്റെ ന്യൂനപക്ഷ പ്രീണനവും ചര്‍ച്ചയില്‍; ഹിന്ദു ഐക്യവേദി സംസ്ഥാന സമ്മേളനം 27 മുതല്‍


    ഗ്യാന്‍വാപി കേസ് ഹിന്ദുസ്ത്രീകള്‍ക്ക് സുപ്രീംകോടതിയില്‍ നിന്നും ആശ്വാസം; ശിവലിംഗം കണ്ട ഭാഗം വിധി വരും വരെ മുദ്രവെയ്ക്കും;കേസ് വാരണസി ജില്ല കോടതിക്ക്


    കാന്‍ ഫിലിം ഫെസ്റ്റിവലില്‍ സന്ദര്‍ശിക്കാനൊരുങ്ങി കേന്ദ്ര സഹമന്ത്രി ഡോ.എല്‍ മുരുകന്‍; മെയ് 21ന് ഫ്രാന്‍സിലേക്ക്


    മണിച്ചന്റെ ജയില്‍ മോചനം: സര്‍ക്കാര്‍ നാലാഴ്ചയ്ക്കുള്ളില്‍ കൃത്യമായ തീരുമാനം എടുക്കണം; ഇല്ലെങ്കില്‍ ജാമ്യം നല്‍കുമെന്ന് സുപ്രീംകോടതി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.