×
login
ഇന്ത്യന്‍ നാവികസേനയുടെ പടക്കപ്പല്‍ അഴീക്കലില്‍; കൊച്ചി കേന്ദ്രീകരിച്ച് പട്രോളിംഗ് നടത്തുന്ന ഐഎന്‍എസ്‍ കാബ്ര അഴീക്കലില്‍ എത്തുന്നത് ഇതാദ്യം

മണിക്കൂറില്‍ 65 കിലോ മീറ്ററാണ് ഈ കപ്പലിന്റെ വേഗത. കടല്‍ സുരക്ഷയ്ക്കായി മിനിറ്റില്‍ ആയിരം റൗണ്ട് വെടി വെക്കാന്‍ കഴിയുന്ന ക്യാമറയുമായി ബന്ധിപ്പിച്ച 30 എംഎം തോക്ക് ഉള്‍പ്പെടെയുള്ള ആയുധങ്ങള്‍ കപ്പലിലുണ്ട്.

കണ്ണൂര്‍: ഇന്ത്യന്‍ നാവികസേനയുടെ പടക്കപ്പലായ ഐഎന്‍എസ് കാബ്ര ടി 76 ഇന്നലെ അഴീക്കല്‍ തുറമുഖത്ത് നങ്കൂരമിട്ടു. ഇതാദ്യമായാണ് പടക്കപ്പല്‍ അഴീക്കല്‍ തുറമുഖത്തെത്തുന്നത്. ദക്ഷിണ കമാന്‍ഡിന്റെ കീഴിലുള്ള ഹൈഡ്രോജെറ്റ് വിഭാഗത്തിലെ ഫാസ്റ്റ് അറ്റാക്ക് ക്രാഫ്റ്റായ ഐഎന്‍എസ് കാബ്ര ഇന്ത്യന്‍ നാവികസേനയുടെ അഭിമാനമാണ്. ക്യാപ്റ്റനും കമാന്‍ഡിംഗ് ഓഫീസറുമായ കമാന്‍ഡന്‍ഡ് സുശീല്‍കുമാര്‍ സിംഗിന്റെ നേതൃത്വത്തില്‍ എത്തിയ പടക്കപ്പലിനെ കെ.വി. സുമേഷ് എംഎല്‍എ, അഴീക്കോട് ഗ്രാമപഞ്ചായത്ത് പ്രസിഡന്റ് കെ. അജീഷ്, സീനിയര്‍ പോര്‍ട്ട് കണ്‍സര്‍വേറ്റര്‍ അജിനേഷ് മാടങ്കര, പോര്‍ട്ട് ഓഫീസര്‍ പ്രതീഷ് ജി നായര്‍ എന്നിവരുടെ നേതൃത്വത്തില്‍ സ്വീകരിച്ചു.

കപ്പലില്‍ അഞ്ച് ഓഫീസര്‍മാരും 42 സെയിലര്‍മാരുമാണുള്ളത്. കൊച്ചിയില്‍ നിന്ന് അഴീക്കോട്ടെത്തിയ പടക്കപ്പല്‍ ഇന്ന് രാവിലെ 11 മണിയോടെ കാസര്‍കോട് ഭാഗത്തേക്ക് പട്രോളിംഗിനായി പോയി കൊച്ചിയിലേക്ക് മടങ്ങും. ലെഫ്. കമാന്‍ഡന്റ് ബി. ദത്താണ് കപ്പലിന്റെ സെക്കന്‍ഡ് കമാന്‍ഡിംഗ് ഓഫീസര്‍. കൊച്ചി കേന്ദ്രീകരിച്ച് കേരള തീരത്ത് അറബിക്കടലില്‍ പതിവായി പട്രോളിംഗ് നടത്തുന്ന ഈ പടക്കപ്പല്‍ മത്സ്യത്തൊഴിലാളികളുമായി നല്ല ബന്ധം സ്ഥാപിക്കുന്നതിന്റെ ഭാഗമായാണ് അഴീക്കോട് പോലുള്ള ചെറുതുറമുഖങ്ങള്‍ സന്ദര്‍ശിക്കുന്നതെന്ന് ക്യാപ്റ്റന്‍ പറഞ്ഞു.


ഐഎന്‍എസ് കാബ്ര വാട്ടര്‍ ജെറ്റ് അധിഷ്ഠിതമായി പ്രവര്‍ത്തിക്കുന്നതിനാല്‍ മത്സ്യത്തൊഴിലാളികള്‍ മീന്‍ പിടിക്കുന്നിടത്ത് പട്രോളിംഗ് നടത്തിയാല്‍പോലും വലകള്‍ക്ക് കേടുപാടുകള്‍ സംഭവിക്കുന്നില്ല. മണിക്കൂറില്‍ 65 കിലോ മീറ്ററാണ് ഈ കപ്പലിന്റെ വേഗത. കടല്‍ സുരക്ഷയ്ക്കായി മിനിറ്റില്‍ ആയിരം റൗണ്ട് വെടി വെക്കാന്‍ കഴിയുന്ന ക്യാമറയുമായി ബന്ധിപ്പിച്ച 30 എംഎം തോക്ക് ഉള്‍പ്പെടെയുള്ള ആയുധങ്ങള്‍ കപ്പലിലുണ്ട്.

ആഴക്കടലില്‍നിന്നു പോലും നാവികസേനാ ആസ്ഥാനവുമായി ബന്ധപ്പെടാന്‍ കഴിയുന്ന കമ്യൂണിക്കേഷന്‍ സംവിധാനം ഇതിലുണ്ട്. ആന്‍ഡമാന്‍ നിക്കോബാറിലെ ഒരു ദ്വീപിന്റെ പേരിലുള്ള ഈ കപ്പല്‍ കൊല്‍ക്കത്ത ജിആര്‍എസ്ഇയില്‍ പൂര്‍ണമായും തദ്ദേശീയമായി വികസിപ്പിച്ചെടുത്തതാണ്. വളരെ വേഗത്തില്‍ സഞ്ചരിക്കാനും ആഴം കുറഞ്ഞ പ്രദേശത്ത് എത്തിച്ചേരാനും കപ്പലിന് കഴിയും. വിദ്യാര്‍ഥികളും നാട്ടുകാരുമടക്കം നിരവധി പേരാണ് കപ്പല്‍ സന്ദര്‍ശിക്കാനായി അഴീക്കലില്‍ എത്തിയത്.

    comment

    LATEST NEWS


    റോ ഇന്റര്‍നാഷണല്‍ ഫിലിം ഫെസ്റ്റിവലില്‍ ബെസ്‌ററ് ആക്ടര്‍ അവാര്‍ഡ്; പില്ലര്‍ നമ്പര്‍.581ലെ ആദി ഷാനിന്


    ആധുനികവല്‍ക്കരണ പാതയില്‍ ഹരിതകര്‍മസേന; പ്ലാസ്റ്റിക് ശേഖരണ പ്രവര്‍ത്തനങ്ങള്‍ കൂടുതല്‍ ശാസ്ത്രീയമാകുന്നു


    മണിരത്‌നം മാജിക്ക്: പൊന്നിയിന്‍സെല്‍വനില്‍ 'വന്തിയ ദേവനായി' കാര്‍ത്തി; ക്യാരക്ടര്‍ ലുക്ക് പോസ്റ്റര്‍ പുറത്ത്


    മന്ത്രി സജി ചെറിയാന്‍ പ്രസംഗിച്ചത് രാജ്യത്തെ ജനങ്ങളുടെ അവസ്ഥയെക്കുറിച്ച്; ഭരണഘടനയെ അവഹേളിച്ചെന്നത് മാധ്യമങ്ങളുടെ വ്യാഖ്യാനമെന്ന് സിപിഎം


    'വിധി' എന്റെ രണ്ട് കുഞ്ഞുങ്ങളെയും ഒരു ദിവസം കവര്‍ന്നു; ജീവിതത്തില്‍ തളര്‍ന്നു പോയ നിമിഷത്തിലെ വേദന പങ്കുവച്ച് ഏകനാഥ് ഷിന്‍ഡെ (വീഡിയോ)


    അധിക്ഷേപിക്കാനും അപഹസിക്കാനും കുന്തവും കുടചക്രവുമല്ല ഇന്ത്യന്‍ ഭരണഘടന; മന്ത്രി സജി ചെറിയാന്‍ മാപ്പ് പറയണമെന്ന് ബി.ഗോപാലകൃഷ്ണന്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.