×
login
പോപ്പുലർ ഫ്രണ്ട് അക്രമം: കൂടുതല്‍ വ്യാപാര സ്ഥാപനങ്ങള്‍ നിരീക്ഷണത്തില്‍, കേന്ദ്ര ഏജന്‍സികളും അന്വേഷണം വ്യാപിപ്പിച്ചു, നേതാക്കള്‍ ഒളിവിലെന്ന് പോലീസ്

കഴിഞ്ഞ വെളളിയാഴ്ച നടന്ന അക്രമങ്ങളുമായി ബന്ധപ്പെട്ട് നിരവധി പിഎഫ്‌ഐ പ്രവര്‍ത്തകരെ ശനിയാഴ്ച അറസ്റ്റ് ചെയ്തിരുന്നു. ഇവരില്‍ നിന്നും ലഭിച്ച വിവരത്തെ തുടര്‍ന്ന് ഞായറാഴ്ച പിഎഫ്‌ഐ ബന്ധമുളളവരുടെ ജില്ലയിലെ വിവിധ വ്യാപാര സ്ഥാപനങ്ങളില്‍ പോലീസ് റെയ്ഡ് നടത്തുകയും മൊബൈല്‍ ഫോണുകളും ലാപ്‌ടോപ്പും ഹാര്‍ഡ് ഡിസ്‌ക്കുകളും രേഖകളും മറ്റും പിടിച്ചെടുത്തിരുന്നു.

പോപ്പുലര്‍ ഫ്രണ്ടുമായി ബന്ധപ്പെട്ടവരുടെ സ്ഥാപനങ്ങളില്‍ തളിപ്പറമ്പ് പോലീസ് റെയ്ഡ് നടത്തുന്നു

കണ്ണൂര്‍: പോപ്പുലര്‍ഫ്രണ്ട് സംസ്ഥാനത്ത് നടത്തിയ ഹര്‍ത്താലിലുണ്ടായ അക്രമങ്ങളുമായി ബന്ധപ്പെട്ട് കണ്ണൂരിൽ നിന്നും അറസ്റ്റ് ചെയ്യപ്പെട്ട പിഎഫ്‌ഐക്കാരായ പ്രതികളില്‍ നിന്നും ലഭിച്ച വിവരത്തിന്റെ അടിസ്ഥാനത്തില്‍ ജില്ലയിലെ വിവിധയിടങ്ങളിലെ വ്യാപാര സ്ഥാപനങ്ങളില്‍ റെയ്ഡ് വരും ദിവസങ്ങളിലും തുടരും. രണ്ടാം ദിവസമായ ഇന്നലെയും ജില്ലയിലെ വിവിധയിടങ്ങളില്‍ പോപ്പുലര്‍ഫ്രണ്ട് ബന്ധമുളളവരുടെ ഷോപ്പുകളിലും പയ്യന്നൂര്‍ രാമന്തളിയില്‍ പോപ്പുലര്‍ഫ്രണ്ട് പ്രവര്‍ത്തകന്റെ വീട്ടിലും പോലീസ് റെയ്ഡ് നടത്തി.  

കഴിഞ്ഞ വെളളിയാഴ്ച നടന്ന അക്രമങ്ങളുമായി ബന്ധപ്പെട്ട് നിരവധി പിഎഫ്‌ഐ പ്രവര്‍ത്തകരെ ശനിയാഴ്ച അറസ്റ്റ് ചെയ്തിരുന്നു. ഇവരില്‍ നിന്നും ലഭിച്ച വിവരത്തെ തുടര്‍ന്ന് ഞായറാഴ്ച പിഎഫ്‌ഐ ബന്ധമുളളവരുടെ ജില്ലയിലെ വിവിധ വ്യാപാര സ്ഥാപനങ്ങളില്‍ പോലീസ് റെയ്ഡ് നടത്തുകയും മൊബൈല്‍ ഫോണുകളും ലാപ്‌ടോപ്പും ഹാര്‍ഡ് ഡിസ്‌ക്കുകളും രേഖകളും മറ്റും പിടിച്ചെടുത്തിരുന്നു.


അറസ്റ്റിനെ തുടര്‍ന്ന് വ്യാപക അക്രമം നടന്ന പശ്ചാത്തലത്തില്‍ എന്‍ഐഎ അടക്കമുളള കേന്ദ്രസംഘങ്ങള്‍ ആരംഭിച്ച അന്വേഷണം കൂടുതല്‍ വ്യാപിപ്പിച്ചു. സംഘടനയുടെ ജില്ലയിലെ സജീവ പ്രവര്‍ത്തകരെല്ലാം പോലീസിന്റെയും കേന്ദ്ര ഏജന്‍സികളുടേയും നിരീക്ഷണത്തിലാണ്. പലരും ഒളിവിലാണെന്നാണ് പോലീസിന്റെ നിഗമനം. ഇവരുടെയെല്ലാം കഴിഞ്ഞകാല പ്രവര്‍ത്തനങ്ങളും അക്രമവുമായി ബന്ധപ്പെട്ട് ഇവര്‍ക്കുളള ബന്ധങ്ങളുമെല്ലാം സംസ്ഥാന പോലീസും കേന്ദ്ര ഏജന്‍സികളും അന്വേഷിച്ച് വരികയാണ്.

വരുംദിവസങ്ങളില്‍ കൂടുതല്‍ അറസ്റ്റുകള്‍ ഉണ്ടാകാനുളള സൂചനയുണ്ട്. ചുരുങ്ങിയ കാലം കൊണ്ട് പ്രവര്‍ത്തനം ആരംഭിച്ച ചില വ്യാപാര സ്ഥാപനങ്ങളും ചില സ്ഥാപനങ്ങളിലെ പോപ്പുലര്‍ഫ്രണ്ട് പ്രവര്‍ത്തകരുടെ സജീവസാന്നിധ്യവുമെല്ലാം അന്വേഷണ ഏജന്‍സികളുടെ നിരീക്ഷണത്തിലാണെന്നും അറിയുന്നു. രാജ്യ വിരുദ്ധപ്രവര്‍ത്തനങ്ങള്‍ കണ്ടെത്തിയതിനെ തുടര്‍ന്ന് ദേശീയതലത്തില്‍ കഴിഞ്ഞ വ്യാഴാഴ്ച പുലര്‍ച്ചെ കേന്ദ്ര അന്വേഷണ ഏജന്‍സിയായ എന്‍ഐഎ പോപ്പുലര്‍ഫ്രണ്ട് നേതാക്കളെ അറസ്റ്റ് ചെയ്തതിന്റെ തുടര്‍ച്ചയായിട്ടായിരുന്നു സംസ്ഥാനത്ത് പിഎഫ്‌ഐ ഹര്‍ത്താല്‍ നടത്തിയത്.

    comment

    LATEST NEWS


    മഹേഷ് നാരായണന്റെ 'അറിയിപ്പ്' റിലീസ് ഡിസംബര്‍ 16ന് നെറ്റ്ഫ്‌ലിക്‌സില്‍


    പൃഥ്വിരാജ്-ഷാജി കൈലാസ് ചിത്രം കാപ്പയുടെ ട്രൈലര്‍ റിലീസ് നാളെ


    ലോകത്തിലെ ശക്തരായ 100 വനിതകളുടെ പട്ടികയില്‍ കേന്ദ്ര ധനമന്ത്രിയും; തുടര്‍ച്ചയായ നാലാം തവണയും പട്ടികയില്‍ ഇടംനേടി നിര്‍മല സീതാരാമന്‍


    ആദിശങ്കറിന് രണ്ടാം ജന്മം; ദുല്‍ഖര്‍ സല്‍മാന്‍ ഫാമിലിക്ക് നന്ദി പറഞ്ഞ് മമ്മൂക്കയുടെ ജന്മനാടായ ചെമ്പ് ഗ്രാമം


    12ലക്ഷം വിദ്യാര്‍ഥികള്‍ക്കു നൂതന സാങ്കേതിക പരിശീലനം നല്‍കും മുഖ്യമന്ത്രി; 9000 റോബോട്ടിക് കിറ്റുകളുടെ പ്രവര്‍ത്തനോദ്ഘാടനം നിര്‍വഹിച്ച് പിണറായി വിജയന്‍


    തങ്ക അങ്കി ഘോഷയാത്ര ഡിസംബര്‍ 23ന് ആറന്മുളയില്‍ നിന്നു പുറപ്പെടും

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.