×
login
ഹര്‍ത്താല്‍ദിനത്തില്‍ കടയുടമയ്‌ക്കെതിരെ ഭീഷണി‍: തളിപ്പറമ്പിൽ രണ്ടു പോപ്പുലര്‍ ഫ്രണ്ട്‍ പ്രവര്‍ത്തകര്‍ അറസ്റ്റില്‍

ഹര്‍ത്താല്‍ അനുകൂലികള്‍ ഭീഷണി മുഴക്കിയിട്ടും കടയടയ്ക്കാതെ ചെറുത്തുനിന്ന ആഷാദിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചിരുന്നു.

കണ്ണൂര്‍: ഹര്‍ത്താല്‍ദിനത്തില്‍  തളിപ്പറമ്പ് നാടുകാണിയിൽ കടയുടമയെ ഭീഷണിമുഴക്കിയ രണ്ടു പോപ്പുലര്‍ ഫ്രണ്ട് പ്രവര്‍ത്തകര്‍ അറസ്റ്റില്‍. പന്നിയൂര്‍ സ്വദേശികളായ അന്‍സാര്‍, ജംഷീര്‍ എന്നിവരാണ് പിടിയിലായത്. ഹര്‍ത്താല്‍ ദിനത്തിലെ കടയടപ്പിക്കല്‍ ചെറുത്ത നാടുകാണി എളമ്പേരത്തെ സിസ്റ്റം കെയര്‍ ഉടമ ആഷാദിനെ ഭീഷണിപ്പെടുത്തിയവരാണ് അറസ്റ്റിലായത്.  

ഹര്‍ത്താല്‍ അനുകൂലികള്‍ ഭീഷണി മുഴക്കിയിട്ടും കടയടയ്ക്കാതെ ചെറുത്തുനിന്ന ആഷാദിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചിരുന്നു. ഹർത്താൽ പ്രഖ്യാപിച്ചിരുന്നെങ്കിലും സ്ഥലത്ത് പല സ്ഥാപനങ്ങളും  തുറന്നു പ്രവർത്തിച്ചിരുന്നു. പോപ്പുലർ ഫ്രണ്ട് പ്രവർത്തകർ കടയിലെത്തി കട അടയ്ക്കാന്‍ ആവശ്യപ്പെട്ടെങ്കിലും ആഷാദ് വഴങ്ങിയില്ല.  തനിക്ക് കുറച്ച് ജോലികൾ ചെയ്തു തീർക്കാൻ ഉണ്ടെന്ന് കടയുടമ ആഷാദ് അറിയിക്കുകയായിരുന്നു. പിന്നീട് ഇവര്‍ ഭീഷണി മുഴക്കിയതോടെ ആഷാദ് പോലീസിനെ വിളിച്ചു.  

ഇതിനു പിന്നാലെ കടയിലെ മേശയിലുണ്ടായിരുന്ന സാധനങ്ങള്‍ പുറത്തേയ്‌ക്കെറിഞ്ഞ ശേഷം ഹര്‍ത്താലനുകൂലികള്‍ മടങ്ങി. ആഷാദിന്റെ പരാതിയിൽ മേൽ അക്രമികൾക്കെതിരെ ഇന്നലെത്തന്നെ തളിപ്പറമ്പ് പോലീസ് കേസെടുത്തിരുന്നു.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.