ബാലടുക്ക: പിണറായി വിജയന്റെ ചിത്രം പ്രചരണത്തിനുപയോഗിക്കുന്നത് പോയിട്ട് അരിവാള് ചുറ്റിക നക്ഷത്രത്തില് മത്സരിക്കാന് പോലും ആളെ കിട്ടാനില്ലാത്ത ഗതികേടിലാണ് സിപിഎം എന്ന് ബിജെപി ജില്ലാ അദ്ധ്യക്ഷന് കെ.ശ്രീകാന്ത്. ചെങ്കള പഞ്ചായത്തിലെ ബാലടുക്കയില് എന്ഡിഎ പ്രചരണപരിപാടിയില് സംസാരിക്കുകയായിരുന്നു അദ്ദേഹം. മുന് മുഖ്യമന്ത്രിയും സിപിഎമ്മിന്റെ മുതിര്ന്ന നേതാവുമായ വി.എസ്.അച്ച്യുതാനന്ദന്റെ സ്വന്തം വാര്ഡില് പോലും സിപിഐഎമ്മിന് അരിവാള് ചുറ്റിക നക്ഷത്രത്തില് മത്സരിക്കാനാളില്ല.
കാസര്കോട് ജില്ലയില് കോണ്ഗ്രസ് മുസ്ലിംലീഗിന് പൂര്ണ്ണമായും കീഴടങ്ങിയിരിക്കുകയാണ്. രണ്ടര വര്ഷം കൊണ്ട് ജില്ലാ പഞ്ചായത്ത് ഭരണം വെച്ചുമാറാമെന്ന ധാരണ പാലിക്കാന് ലീഗ് തയ്യാറാകാത്തത് നിസ്സഹായരായി നോക്കി നില്ക്കാനേ കോണ്ഗ്രസിന് സാധിക്കുന്നുള്ളൂ. സാധാരണക്കാരായ മുസ്ലീംലീഗ് പ്രവര്ത്തകരുള്പ്പെടെ നൂറുകണക്കിന് നിക്ഷേപകരുടെ നൂറ്റമ്പത് കോടി അപഹരിച്ച മഞ്ചേശ്വരം എംഎല് എ കമറുദ്ദീന്റെ കൂട്ടാളികളെയും മറ്റു ഉടമസ്ഥകളെയും ആരാണ് സംരക്ഷിക്കുന്നതെന്നും കെ. ശ്രീകാന്ത് ചോദിച്ചു.
പ്രതികരിക്കാൻ ഇവിടെ എഴുതുക: