×
login
മണല്‍ ഖനനം തടയാന്‍ നെക്‌സോണ്‍ തന്നെ വേണം; ഉത്തരവിട്ട് റവന്യു വകുപ്പ്; 46 ലക്ഷത്തിന്റെ ധൂര്‍ത്ത്

മണല്‍ക്കടവുകളിലേക്ക് ഇത്തരം വാഹനങ്ങള്‍ക്ക് ഇറങ്ങിച്ചെല്ലാന്‍ സാധിക്കില്ലെന്നും ഉദ്യോഗസ്ഥര്‍ക്ക് സുഖ സഞ്ചാരത്തിനു മാത്രമേ ഉപകരിക്കുകയുള്ളൂവെന്നും ആക്ഷേപമുയര്‍ന്നിട്ടുണ്ട്.

കൊല്ലം: സംസ്ഥാനം കടുത്ത സാമ്പത്തിക പ്രതിസന്ധിയിലൂടെ കടന്നു പോകുമ്പോഴും ധൂര്‍ത്ത് തുടരുന്നു. അനധികൃത മണല്‍ ഖനനത്തിനെതിരേയുള്ള സ്‌ക്വാഡ് പ്രവര്‍ത്തനത്തിനും നദികളില്‍ നിന്ന് നിയമാനുസൃത മണല്‍ ഖനനം നടത്തുന്നതിനുള്ള പാരിസ്ഥിതികാനുമതി സര്‍വേ റിപ്പോര്‍ട്ട് തയ്യാറാക്കുന്നതിനുമായി ടാറ്റ നെക്‌സോണിന്റെ (ഡീസല്‍) പുതിയ അഞ്ചു കാറുകള്‍ സര്‍ക്കാര്‍ വാങ്ങുന്നു.  

തിരുവനന്തപുരം ജില്ലയില്‍ രണ്ടും മലപ്പുറം, കണ്ണൂര്‍, കോഴിക്കോട് ജില്ലകളില്‍ ഓരോ കാറുമാണ് വാങ്ങുക. ഇതിനായി ജില്ലകളുടെ റിവര്‍ മാനേജ്‌മെന്റ് ഫണ്ട് അക്കൗണ്ടില്‍ നിന്ന് 45.91 ലക്ഷം രൂപ അനുവദിച്ച് റവന്യുവകുപ്പ് ഉത്തരവിട്ടു. ആഡംബര വാഹനങ്ങളുടെ പട്ടികയില്‍പ്പെട്ട കാറുകള്‍ക്ക് 8.59 ലക്ഷം മുതല്‍ 13.89 ലക്ഷം വരെയാണ് വില.  

മണല്‍ക്കടവുകളിലേക്ക് ഇത്തരം വാഹനങ്ങള്‍ക്ക് ഇറങ്ങിച്ചെല്ലാന്‍ സാധിക്കില്ലെന്നും ഉദ്യോഗസ്ഥര്‍ക്ക് സുഖ സഞ്ചാരത്തിനു മാത്രമേ ഉപകരിക്കുകയുള്ളൂവെന്നും ആക്ഷേപമുയര്‍ന്നിട്ടുണ്ട്.  

ജനുവരി 27ന് റവന്യു മന്ത്രി കെ. രാജന്റെ അധ്യക്ഷതയില്‍ ചേര്‍ന്ന സംസ്ഥാന ഉന്നതതല സമിതി യോഗമാണ് പുതിയ വാഹനങ്ങള്‍ വാങ്ങാന്‍ അനുമതി നല്കിയത്. മണല്‍ക്കടവുകളിലെത്താന്‍ സംസ്ഥാനത്ത് പല വകുപ്പുകളിലും ആവശ്യത്തിലധികം വാഹനങ്ങളുള്ളതായി നേരത്തേ ധനവകുപ്പ് നടത്തിയ പരിശോധനയില്‍ കണ്ടെത്തിയിരുന്നു. ഇതേത്തുടര്‍ന്ന് സര്‍ക്കാര്‍ വാഹനങ്ങള്‍ ഒറ്റ യൂണിറ്റായി പരിഗണിച്ച് ആവശ്യാനുസരണം വിവിധ വകുപ്പുകള്‍ക്ക് വിട്ടുകൊടുക്കാന്‍ ഓണ്‍ലൈന്‍ സംവിധാനം ധനവകുപ്പ് പ്രഖ്യാപിച്ചിരുന്നു.  


സംസ്ഥാന സര്‍ക്കാര്‍ ഉടമസ്ഥതയില്‍ എത്ര വാഹനങ്ങളുണ്ടെന്നതിന് ഒരു വകുപ്പിന്റെ കൈവശവും കൃത്യമായ കണക്കുണ്ടായിരുന്നില്ല. തുടര്‍ന്ന് മുഴുവന്‍ വാഹനങ്ങളും ഡ്രൈവര്‍മാരും രജിസ്റ്റര്‍ ചെയ്യാന്‍ ധനവകുപ്പ് നിര്‍ദേശിച്ചിരുന്നു.  

ഇതിന്റെ അടിസ്ഥാനത്തില്‍ ഡിസംബര്‍ വരെ 16,736 വാഹനങ്ങളും 8451 ഡ്രൈവര്‍മാരും രജിസ്റ്റര്‍ ചെയ്തിരുന്നു. നവംബര്‍ 30 വരെയായിരുന്നു കാലാവധി. എന്നാല്‍ കണക്കു കൃത്യമല്ലെന്ന് കണ്ടെത്തിയതോടെ രജിസ്റ്റര്‍ ചെയ്യാനുള്ള കാലാവധി ദീര്‍ഘിപ്പിച്ചു നല്കി. ഇതുവരെ ഈ കണക്ക് കൃത്യമായിട്ടില്ല. ഈ സാഹചര്യം നിലനില്‍ക്കെയാണ് പുതിയ വാഹനങ്ങള്‍ വാങ്ങാന്‍ 46 ലക്ഷം രൂപ അനുവദിച്ചിരിക്കുന്നത്.  

 

 

    comment
    • Tags:

    LATEST NEWS


    ഓരോ ഇന്ത്യക്കാരനും പ്രചോദനമാണ് പി ടി ഉഷ : പ്രധാനമന്ത്രി നരേന്ദ്രമോദി


    ചൈനയെ പ്രകോപിപ്പിച്ച് ഇന്ത്യ; ജി20 യോഗം കശ്മീരില്‍ സംഘടിപ്പിക്കുന്നതിനെ ചൈന എതിര്‍ത്തപ്പോള്‍ ലഡാക്കില്‍ കൂടി യോഗം നടത്താന്‍ തീരുമാനിച്ച് ഇന്ത്യ


    പി ടി ഉഷയും ഇളയരാജയും രാജ്യസഭയിലേക്ക്; പി ടി ഉഷ ഓരോ ഇന്ത്യക്കാര്‍ക്കും പ്രചോദനമാണെന്ന് പ്രധാനമന്ത്രി


    മഹുവ-മമത ബന്ധം ഉലയുന്നു;തൃണമൂലിനെ ട്വിറ്ററില്‍ അണ്‍ഫോളോ ചെയ്ത് മഹുവ മൊയ്ത്ര: മഹുവയ്ക്കെതിരെ ബിജെപി കേസ്


    താലിബാനിലുമുണ്ട് സ്വജനപക്ഷപാതം; താലിബാന്‍ കമാന്‍ഡര്‍ സ്വന്തം വധുവിനെ വീട്ടിലെത്തിച്ചത് ഹെലികോപ്റ്ററില്‍; സ്ത്രീധനം നല്‍കിയത് 1.2 കോടി


    1962 മുതല്‍ മന്ത്രി സ്ഥാനം രാജിവയ്‌ക്കെണ്ടി വന്നത് അമ്പതിലേറെ പേര്‍ക്ക്; ഭരണഘടന അവഹേളം ഇത് ആദ്യം; അറിയാം കേരളത്തിന്റെ രാഷ്ട്രീയ ചരിത്രം

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.