കോട്ടയം: മലങ്കര ഓര്ത്തഡോക്സ് സുറിയാനി സഭ പരമാദ്ധ്യക്ഷന് ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവായ്ക്ക് നാളെ എഴുപത്തിമൂന്നാം ജന്മദിനം.
ജന്മദിനത്തോടനുബന്ധിച്ച് നാളെ രാവിലെ 7ന് പരുമല പള്ളിയില് അദ്ദേഹം കുര്ബാന അര്പ്പിക്കും. ഒന്പതിന് നടക്കുന്ന സമ്മേളനം ഗോവ ഗവര്ണര് പി.എസ്. ശ്രീധരന് പിള്ള ഉദ്ഘാടനം ചെയ്യും. സീനിയര് മെത്രാപ്പോലീത്താ കുറിയാക്കോസ് മാര് ക്ലീമീസ് അധ്യക്ഷനാകും.
മലങ്കര കത്തോലിക്കാ സഭ മേജര് ആര്ച്ച് ബിഷപ്പ് കര്ദ്ദിനാള് ബസേലിയോസ് ക്ലീമീസ്, സഖറിയാ മാര് അന്തോണിയോസ് മെത്രാപ്പോലീത്താ, ചങ്ങനാശ്ശേരി അതിരൂപതയുടെ ഓക്സിലിയറി ബിഷപ്പ് മാര് തോമസ് തറയില്, തിരുവനന്തപുരം ശാന്തിഗിരി ആശ്രമം ഓര്ഗനൈസിങ് സെക്രട്ടറി സ്വാമി ഗുരുരത്നം ജ്ഞാനതപസ്വി, പുനലൂര് രൂപതയുടെ ബിഷപ്പ് സെല്വിസ്റ്റര് പൊന്നുമുത്തന്, സിഎസ്ഐ സഭയുടെ ബിഷപ്പ് ഡോ. സാബു മലയില് കോശി ചെറിയാന്, കല്ദായ സഭയുടെ മാര് ഔഗേന് കുറിയാക്കോസ് എപ്പിസ്ക്കോപ്പാ, സഭയുടെ വൈദിക ട്രസ്റ്റി ഫാ. ഡോ. എം.ഒ. ജോണ്, അസോസിയേഷന് സെക്രട്ടറി അഡ്വ. ബിജു ഉമ്മന്, ഫാ. എം.സി. പൗലോസ്, ഫാ. ഡോ. ജോണ്സ് ഏബ്രഹാം കോനാട്ട് എന്നിവര് പ്രസംഗിക്കുമെന്ന് അസോസിയേഷന് സെക്രട്ടറി അഡ്വ. ബിജു ഉമ്മന് അറിയിച്ചു.
പ്രതികരിക്കാൻ ഇവിടെ എഴുതുക: