login
തോന്നുന്ന നിരക്ക് ഈടാക്കുന്നു; മഹാമാരിയുടെ മറവില്‍ ആംബുലന്‍സുകാര്‍ രോഗികളെ പിഴിയുന്നു

ആശുപത്രിയില്‍ കൊറോണ ചികിത്സയിലിരിക്കെ മരിക്കുന്നവരുടെ മൃതദേഹങ്ങള്‍ കൊണ്ടുപോകുന്നതിനാണ് ചിലവേറെയും. പിപിഇ കിറ്റ് ഉള്‍പ്പെടെയുള്ള ചെലവാണ് പറയുന്നത്

അമ്പലപ്പുഴ: കൊറോണയുടെ പേരില്‍ ആംബുലന്‍സുകാര്‍ രോഗികളെയും ബന്ധുക്കളെയും പിഴിയുന്നതായി ആക്ഷേപം. ആംബുലന്‍സ് നിരക്ക് നിശ്ചയിക്കുന്നതില്‍ സര്‍ക്കാര്‍ ഇടപെടലുകള്‍ ഇല്ലാത്തതിനാല്‍ തോന്നുന്ന നിരക്കാണ് ഈടാക്കുന്നത്.കൊറോണ ബാധിതരില്‍നിന്നും അമിതനിരക്ക് ഈടാക്കാമെന്നതിനാല്‍ മറ്റ് രോഗികള്‍ക്ക് യാത്രചെയ്യാന്‍ ആംബുലന്‍സ് സൗകര്യങ്ങള്‍ ലഭിക്കുന്നുമില്ല. ആലപ്പുഴ മെഡിക്കല്‍ കോളേജ് ആശുപത്രിയിലാണ് കൊറോണ രോഗികളുമായി പോകുന്നതിന് അമിതനിരക്ക് ഈടാക്കുന്നത്.

ആശുപത്രിയില്‍ കൊറോണ ചികിത്സയിലിരിക്കെ മരിക്കുന്നവരുടെ മൃതദേഹങ്ങള്‍ കൊണ്ടുപോകുന്നതിനാണ് ചിലവേറെയും. പിപിഇ കിറ്റ് ഉള്‍പ്പെടെയുള്ള ചെലവാണ് പറയുന്നത്. മെഡിക്കല്‍ കോളേജ് ആശുപത്രിയില്‍ നിന്നും 5 കിലോമീറ്റര്‍ ദൂരം രോഗിയെ കൊണ്ടുപോകാന്‍ 2000 രൂപയാണ് ഈടാക്കുന്നത്. ഇതിനുപുറമെ പിപിഇ കിറ്റിന് 500 രൂപ വീതം നല്‍കേണ്ടിവന്നു. ആശുപത്രി പരിസരങ്ങളില്‍ വിലകുറച്ച് കിറ്റുകള്‍ ലഭ്യമാണെങ്കിലും രോഗികളോടൊപ്പം ഉള്ളവരോട് കിറ്റിന്റെ വില പറയാതെ യാത്രാനിരക്കുള്‍പ്പെടെയുള്ള തുക കൈപ്പറ്റുകയാണ് ചെയ്യുന്നത്.

ഏജന്റുമാര്‍ മുഖേനയാണ് ഇവര്‍ക്ക് പിപിഇ കിറ്റ് ലഭിക്കുന്നത്. ആശുപത്രി വളപ്പിനുള്ളില്‍ കച്ചവടങ്ങള്‍ അനുവദനീയമല്ലെങ്കിലും കിറ്റിന്റെ കച്ചവടം ആശുപത്രി വളപ്പില്‍  പൊടിക്കുകയാണ്. ഇടനിലക്കാര്‍ മുഖേനയാണ് ഇവിടെ കിറ്റ് എത്തുന്നത്. ആംബുലന്‍സുകാര്‍ക്ക് 250 മുതല്‍ 300 നിരക്കിലാണ് കിറ്റുകള്‍  നല്‍കുന്നത്. ഇവര്‍ ഇതിന് ഇരട്ടിവിലയാണ് ഈടാക്കുന്നത്. രോഗിയുമായി പോകുമ്പോള്‍ ഡ്രൈവര്‍ക്കുള്ള പിപിഇ കിറ്റും രോഗിയുടെ ചെലവില്‍ ഉള്‍പ്പെടുത്തും. 

കിറ്റിന് ബില്ലും നല്‍കാറില്ല. മുന്‍ഗണന പ്രകാരമാണ് ആവശ്യക്കാര്‍ക്ക് ആംബുലന്‍സ് സേവനം ലഭിക്കുന്നത്. മറ്റ് ആംബുലന്‍സുകളുടെ സേവനം ലഭിക്കാത്തതിനാല്‍ ഇവരുടെ സമ്മര്‍ദ്ദങ്ങള്‍ക്ക് വഴങ്ങേണ്ട അവസ്ഥയാണുള്ളത്. ജില്ലാ കളക്ടറും ആരോഗ്യവകുപ്പും ഇടപെട്ട് ആബുലന്‍സുകാരുടെ ചൂഷണങ്ങള്‍ക്ക് പരിഹാരം കാണണം എന്ന ആവശ്യം ശക്തമായിരിക്കുകയാണ്.

 

 

    comment

    LATEST NEWS


    ബയോളജിക്കല്‍ ഇയുടെ വാക്‌സിന്‍ പരീക്ഷണം മൂന്നാംഘട്ടത്തില്‍, ഓക്ടോബറില്‍ പുറത്തിറങ്ങിയേക്കും; 90 ശതമാനം ഫലപ്രാപ്തിയെന്ന് കണ്ടെത്തല്‍


    മഹാ വികാസ് അഘാദി സഖ്യത്തില്‍ വിള്ളല്‍ രൂക്ഷം; ഒറ്റയ്ക്ക് മത്സരിക്കാനാണ് കോണ്‍ഗ്രസ് തീരുമാനമെങ്കില്‍ എന്തു ചെയ്യണമെന്ന് അറിയാമെന്ന് ശിവസേന


    ജൂലൈ 31നകം സിബിഎസ്ഇ പന്ത്രണ്ടാം ക്ലാസ് ഫലപ്രഖ്യാപനം നടത്തും; മൂല്യനിര്‍ണ്ണയം 30:30:40 ഫോര്‍മുലയില്‍, ഇന്റേര്‍ണലിന് 40 ശതമാനം വെയിറ്റേജ്


    വനംകൊള്ളക്കേസ്: ഉദ്യോഗസ്ഥരും കരാറുകാരും ഗൂഢാലോചന നടത്തി; സര്‍ക്കാര്‍ ഉത്തരവുണ്ടെന്ന വ്യാജേന വ്യക്ഷങ്ങള്‍ മോഷ്ടിച്ചെന്ന് എഫ്‌ഐആര്‍


    ലക്ഷദ്വീപിനെതിരായ വ്യാജപ്രചാരണങ്ങള്‍ക്ക് കനത്ത തിരിച്ചടി; ഭരണപരിഷ്‌കാരങ്ങള്‍ക്കെതിരായ ഹര്‍ജി ഹൈക്കോടതി തള്ളി; നിലവിലുള്ളത് കരട്; സ്‌റ്റേ അനുവദിക്കില്ല


    അമ്മയെ കൊന്നു ഭക്ഷണമാക്കി കഴിച്ചു, ബാക്കി വളര്‍ത്തുനായക്ക് നൽകി, യുവാവിന് 15 കൊല്ലം തടവ് ശിക്ഷ, നഷ്ടപരിഹാരമായി 73,000 ഡോളറും നൽകണം


    ആദ്യം അച്ഛന്റെ കട കത്തിച്ചു; പിന്നാലെ മകളെ കുത്തിക്കൊന്നു; മലപ്പുറത്ത് ദൃശ്യയെ യുവാവ് കുത്തിക്കൊന്നത് പ്രണയാഭ്യര്‍ത്ഥന നിരസിച്ചതിന്


    ബയോവെപ്പണില്‍ ഐഷയും മീഡിയവണ്ണും തുറന്ന് പോരില്‍;റിസ്‌ക് ഏറ്റെടുക്കാമെന്ന് ഐഷ പറഞ്ഞെന്ന് നിഷാദ്; തെറ്റുപറ്റിയത് തിരുത്താന്‍ അവസരം നല്‍കിയില്ലെന്ന് ഐഷ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.