×
login
ശമ്പളം‍ തരാന്‍ പറ്റുമെന്ന് ഉറപ്പില്ല; കെഎസ്ആര്‍ടിസി‍ ജീവനക്കാരെ കൈയ്യോഴിഞ്ഞ് പിണറായി സര്‍ക്കാര്‍; ഇനി ഒന്നിനും ഉത്തരവാദിയല്ലെന്ന് മന്ത്രി ആന്റണി രാജു

സര്‍ക്കാരിനെ അവഗണിക്കാതെയാണ് ജീവനക്കാര്‍ സമരവുമായി മുന്നോട്ട് പോയത്. കേരളത്തിലെ 105 പൊതുമേഖല സ്ഥാപനങ്ങളില്‍ ഒന്ന് മാത്രമാണ് കെ എസ് ആര്‍ ടി സി. മറ്റ് പൊതുമേഖല സ്ഥാപനങ്ങളുടേയെല്ലാം ശമ്പളം ഉള്‍പ്പെടെയുള്ള കാര്യങ്ങള്‍ നോക്കുന്നത് മാനേജ്‌മെന്റുകളാണ്. അതുകൊണ്ട് തന്നെ മാനേജ്‌മെന്റാണ് ശമ്പളം നല്‍കേണ്ടത്.

തിരുവനന്തപുരം:കെഎസ്ആര്‍ടിസി ശമ്പള കാര്യത്തില്‍ ഇനി സര്‍ക്കാരിന് ഉത്തരവാദിത്തമില്ലെന്ന് മന്ത്രി ആന്റണി രാജു. പത്താം തീയതി ശമ്പളം നല്‍കാമെന്ന് പറഞ്ഞത് സമരത്തിന് മുന്‍പാണെന്നും സമരം ചെയ്തതോടെ അതിന് പ്രസക്തിയില്ലാതായെന്നും മന്ത്രി പറഞ്ഞു.

സര്‍ക്കാരിനെ അവഗണിക്കാതെയാണ് ജീവനക്കാര്‍ സമരവുമായി മുന്നോട്ട് പോയത്. കേരളത്തിലെ 105 പൊതുമേഖല സ്ഥാപനങ്ങളില്‍ ഒന്ന് മാത്രമാണ് കെ എസ് ആര്‍ ടി സി. മറ്റ് പൊതുമേഖല സ്ഥാപനങ്ങളുടേയെല്ലാം ശമ്പളം ഉള്‍പ്പെടെയുള്ള കാര്യങ്ങള്‍ നോക്കുന്നത് മാനേജ്‌മെന്റുകളാണ്. അതുകൊണ്ട് തന്നെ മാനേജ്‌മെന്റാണ് ശമ്പളം നല്‍കേണ്ടത്. ഇനി സര്‍ക്കാരിന് ഉത്തരവാദിത്തമില്ല, ജീവനക്കാര്‍ക്ക് ഇനി എന്നു ശമ്പളം നല്‍കാന്‍ കഴിയുമെന്ന് പറയാനാവില്ലെന്നും മന്ത്രി ആന്റണി രാജു പറഞ്ഞു.


ഏപ്രില്‍ മാസം പത്താം തീയതിയായിട്ടും കെഎസ്ആര്‍ടിസി ജീവനക്കാര്‍ക്ക് ശമ്പളം ലഭിച്ചിട്ടില്ല. ഇന്ന് അര്‍ദ്ധരാത്രി വരെ ശമ്പളത്തിനായി കാത്തിരിക്കുമെന്നാണ് തൊഴിലാളി നേതാക്കള്‍ പറയുന്നത്. കൂലി കിട്ടിയില്ലെങ്കില്‍ ശക്തമായ പ്രക്ഷോഭ പരിപാടികളിലേക്ക് നീങ്ങാനാണ് ആലോചന. ശമ്പളം വന്നില്ലെങ്കില്‍ നാളെത്തന്നെ യോഗം ചേര്‍ന്ന് പ്രക്ഷോഭ പരിപാടികള്‍ തീരുമാനിക്കുമെന്ന് യൂണിയന്‍ നേതാക്കള്‍ അറിയിച്ചു. അതേസമയം ജീവനക്കാര്‍ക്ക് ശമ്പളം കൊടുക്കാനില്ലാതെ കടുത്ത സാമ്പത്തിക പ്രതിസന്ധി നേരിടുന്ന സമയത്ത് ഒന്നേകാല്‍ കോടി മുടക്കി ബസ് കഴുകാന്‍ യന്ത്രം വാങ്ങുന്നതിനെതിരെ വലിയ പ്രതിഷേധം ഉയര്‍ന്നിട്ടുണ്ട്. വാഷിംഗ് യൂണിറ്റ് വാങ്ങുന്നതിനെതിരെ കടുത്ത പ്രതിഷേധമാണ് ജീവനക്കാരില്‍ നിന്ന് ഉയര്‍ന്നിരുന്നത്. എന്നാല്‍ ശമ്പളത്തിനോ നിത്യ ചെലവുകള്‍ക്കോ മാറ്റിവച്ച തുകയല്ലെന്നാണ് കെഎസ്ആര്‍ടിസി മാനേജ്‌മെന്റ് നല്‍കുന്ന വിശദീകരണം.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.