×
login
പിന്നോട്ടേയ്ക്കില്ല, വിസി നിയമനത്തിനുള്ള സെനറ്റ് പ്രതിനിധിയെ ഉടന്‍ നിര്‍ദ്ദേശിക്കണം; കേരള സര്‍വകലാശാലയ്ക്ക് അടിയന്തിര നിര്‍ദ്ദേശം നല്‍കി ഗവര്‍ണര്‍

സെര്‍ച്ച് കമ്മിറ്റിക്കായി രണ്ട് അംഗങ്ങളെ ഗവര്‍ണര്‍ തീരുമാനിച്ചിട്ടും നടപടിയൊന്നും ഉണ്ടാകാത്ത സാഹചര്യത്തിലാണ് പുതിയ നടപടി കൈക്കൊണ്ടത്.

തിരുവനന്തപുരം : സര്‍വ്വകലാശാലകളിലെ നിയമന അഴിമതികള്‍ക്കെതിരെ കര്‍ശ്ശന നിലപാടുകളുമായി ഗവര്‍ണര്‍ ആരിഫ് മുഹമ്മദ് ഖാന്‍. കേരള സര്‍വ്വകലാശാല വിസി നിയമനത്തിനുള്ള സെനറ്റ് പ്രതിനിധിയെ ഉടന്‍ നിര്‍ദ്ദേശിക്കണമെന്നനും ഗവര്‍ണര്‍ അടിയന്തി നിര്‍ദ്ദേശം കൈമാറിക്കഴിഞ്ഞു.  

കേരള സര്‍വ്വകലാശാല വൈസ് ചാന്‍സിലര്‍ നിയമനത്തിനായി സര്‍ക്കാരിനെ മറികടന്ന് സെര്‍ച്ച് കമ്മിറ്റി രൂപീകരിച്ചതില്‍ സര്‍ക്കാരിന്റെ ഭാഗത്തു നിന്നും എതിര്‍പ്പുണ്ടായിരുന്നു. അതുകൊണ്ടുതന്നെ സെര്‍ച്ച് കമ്മിറ്റി രൂപീകരിച്ച് ആഴ്ചകള്‍ കഴിഞ്ഞിട്ടും സര്‍വ്വകലാശാല പ്രതിനിധികളെയൊന്നും നിര്‍ദ്ദേശിച്ചിരുന്നില്ല.  

സെര്‍ച്ച് കമ്മിറ്റിക്കായി രണ്ട് അംഗങ്ങളെ ഗവര്‍ണര്‍ തീരുമാനിച്ചിട്ടും നടപടിയൊന്നും ഉണ്ടാകാത്ത സാഹചര്യത്തിലാണ് പുതിയ നടപടി കൈക്കൊണ്ടത്. മൂന്ന് അംഗങ്ങളാണ് സെര്‍ച്ച് കമ്മിറ്റിയില്‍ ഉള്ളത്. ഒക്ടോബര്‍ 24 നു വിസിയുടെ കാലാവധി തീരാന്‍ ഇരിക്കെ ആണ് രാജ്ഭവന്‍ നീക്കം. എന്നാല്‍ സര്‍വ്വകലാശാല നിയമ ഭേദഗതി ബില്‍ നിയമം ആകാന്‍ കാത്തിരിക്കുകയാണ് കേരള സര്‍വ്വകലാശാല.

അതേസമയം കേരള സര്‍വ്വകലാശാല വൈസ് ചാന്‍സിലര്‍ നിയമനത്തിനായി സര്‍ക്കാരിനെ മറികടന്ന് സെര്‍ച്ച് കമ്മിറ്റി ഉണ്ടാക്കിയത് ചട്ട പ്രകാരമാണെന്ന് ഗവര്‍ണര്‍ ആവര്‍ത്തിച്ചു. സര്‍വ്വകലാശാലകളില്‍ ഇടപെടില്ലെന്ന മുഖ്യമന്ത്രിയുടെ ഉറപ്പിന്റെ അടിസ്ഥാനത്തിലാണ് ചാന്‍സിലര്‍ സ്ഥാനത്ത് തുടരുന്നതെന്നും അദ്ദേഹം പറഞ്ഞു.  


 

 

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.