×
login
തിരുവനന്തപുരത്ത് അഞ്ചാം ക്ലാസ് വിദ്യാർത്ഥിക്ക് നേരെ തെരുവുനായയുടെ ആക്രമണം; കാലിന് പരിക്കേറ്റ കുട്ടി മെഡിക്കൽ കോളേജിൽ ചികിത്സയിൽ

പോത്തന്‍കോട് ഗവ.യുപി സ്‌കൂളിലെ അഞ്ചാം ക്ലാസ് വിദ്യാര്‍ഥിയാണ് നാദിര്‍. സ്കൂൾ ബസിൽ വരികയായിരുന്ന കുട്ടിയെ വീടിന് സമീപത്ത് ഇറക്കാതെ ആളൊഴിഞ്ഞ സ്ഥലത്താണ് ഇറക്കിവിട്ടതെന്ന് അമ്മ പറഞ്ഞു.

തിരുവനന്തപുരം:  പള്ളിപ്പുറത്ത് അഞ്ചാം ക്ലാസ് വിദ്യാർത്ഥിക്ക് തെരുവുനായയുടെ കടിയേറ്റു. പള്ളിപ്പുറം ടെക്നോസിറ്റിക്കു സമീപം നജീബിന്റെയും സബീനാബീവിയുടെയും മകൻ നാദിർ നജീബ് ( 10 ) ആണ് തെരുവുനായയുടെ ആക്രമത്തിൽ കാലിന് പരിക്കേറ്റത്.

ഇന്നലെ വൈകുന്നേരം നാലരമണിയോടെ സ്കൂൾ ബസിൽ നിന്ന് ഇറങ്ങി രക്ഷകർത്താവിനെ കാത്തുനിൽക്കവേയാണ് തെരുവുനായ ഓടിച്ചിട്ടു കടിച്ചത്. കുട്ടിയുടെ കരച്ചിൽ കേട്ട രക്ഷിതാക്കളാണ് നായ്ക്കളെ ഓടിച്ചു വിട്ടശേഷം കടിയേറ്റ കുട്ടിയെ രക്ഷിച്ചത്. പോത്തന്‍കോട് ഗവ.യുപി സ്‌കൂളിലെ അഞ്ചാം ക്ലാസ് വിദ്യാര്‍ഥിയാണ് നാദിര്‍. സ്കൂൾ ബസിൽ വരികയായിരുന്ന കുട്ടിയെ വീടിന് സമീപത്ത് ഇറക്കാതെ ആളൊഴിഞ്ഞ സ്ഥലത്താണ് ഇറക്കിവിട്ടതെന്ന് അമ്മ പറഞ്ഞു.  

നാദിറിനെ ജനറൽ ആശുപത്രിയിലും തുടർന്ന് മെഡിക്കൽ കോളേജിലും പ്രവേശിപ്പിച്ചു. 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.