×
login
പിണറായിയുടെ കേരള ദൈവം ഫ്‌ളക്‌സ്‌ സംഭവത്തില്‍ പാര്‍ട്ടിക്ക് പങ്കില്ലെന്ന് സിപിഎം; പ്രതിഷേധം ശക്തമായതോടെ ഫഌക്‌സ് ക്ഷേത്രമുറ്റത്ത് നിന്ന് നീക്കി

അമ്പലമുറ്റത്ത് തന്നെ ഇത്തരത്തില്‍ ഫഌക്‌സ് സ്ഥാപിച്ചതിനെ ഒരിക്കലും അംഗീകരിച്ചു നല്‍കാനാകില്ലായെന്ന് ക്ഷേത്ര ഭരണ സമിതി അംഗങ്ങള്‍ മാധ്യമങ്ങളോട് പ്രതികരിച്ചു. വിഷയത്തില്‍ പ്രതിഷേധവുമായി ും ഹിന്ദു സംഘടനകള്‍ രംഗത്തുവന്നതോടെ ഫഌക്‌സ് മാറ്റി സ്ഥാപിച്ചു.

മലപ്പുറം: വളാഞ്ചേരി പിച്ചീരി മഹാവിഷ്ണു ക്ഷേത്രത്തിനു മുന്നില്‍ മുഖ്യമന്ത്രി പിണറായി വിജയനെ കേരളദൈവം എന്ന് പ്രകീര്‍ത്തിച്ച് ഫഌക്‌സ് വെച്ച സംഭവത്തില്‍ തങ്ങള്‍ക്ക് പങ്കില്ലെന്ന് സിപിഎം. ഫഌക്‌സ് വെച്ചതില്‍ പാര്‍ട്ടിയ്ക്ക് യാതൊരു പങ്കുമില്ല. പാര്‍ട്ടിയുമായി ബന്ധമുള്ള ആരുമല്ല ഫഌക്‌സ് വെച്ചതിനു പിന്നിലെന്നും സിപിഎം പ്രദേശിക ഘടകം പ്രതികരിച്ചു.  

അമ്പലമുറ്റത്ത് തന്നെ ഇത്തരത്തില്‍ ഫഌക്‌സ് സ്ഥാപിച്ചതിനെ ഒരിക്കലും അംഗീകരിച്ചു നല്‍കാനാകില്ലായെന്ന് ക്ഷേത്ര ഭരണ സമിതി അംഗങ്ങള്‍ മാധ്യമങ്ങളോട് പ്രതികരിച്ചു. വിഷയത്തില്‍ പ്രതിഷേധവുമായി ഹിന്ദു സംഘടനകള്‍ രംഗത്തുവന്നതോടെ ഫഌക്‌സ് മാറ്റി സ്ഥാപിച്ചു.

ക്ഷേത്ര കവാടത്തിനു തൊട്ടടുത്ത് ക്ഷേത്രത്തിന്റെ ബോര്‍ഡിനു മുകളിലാണ് സിപിഎമ്മുകാര്‍ ഫഌ്‌സ് സ്ഥാപിച്ചത്. ആരാണ് ദൈവമെന്ന് നിങ്ങള്‍ ചോദിച്ചു, അന്നം തരുന്നവനാണെന്ന് ജനം പറഞ്ഞു. കേരളത്തിന്റെ ദൈവം എന്നു കാട്ടി പിണറായി വിജയന്റെ വലിയ ചിത്രവും ഫഌ്‌സിലുണ്ട്. ഇതിനെതിരേ സോഷ്യല്‍മീഡിയയില്‍ വ്യാപകമായി പരിഹാസവും പ്രതിഷേധവും ഉയരുന്നുണ്ട്. ക്ഷേത്രത്തിനു തൊട്ടുമുന്നില്‍ ഇത്തരമൊരു ഫഌ്‌സ് വച്ചത് വിശ്വാസികളോടുള്ള വെല്ലുവിളിയാണെന്നാണ് പ്രദേശവാസികള്‍ പ്രതികരിക്കുന്നത്.

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.