തിരുവനന്തപുരം: നെയ്യാറ്റിന്കരയില് വയോധികയെ പറ്റിച്ച് വസ്തുവും ആഭരണവും കൈക്കലാക്കി യ സി.പി.എം. കൗണ്സിലര് സുജിനെ സസ്പെന്ഡ് ചെയ്തു. സി.പി.എം. നെയ്യാറ്റിന്കര ഏരിയ കമ്മിറ്റി യോഗത്തിലായിരുന്നു തീരുമാനം. അഞ്ച് വര്ഷത്തേക്കാണ് സസ്പെന്ഷന്.
നെയ്യാറ്റിന്കരയില് തനിച്ച് താമസിക്കുന്ന ബേബി എന്ന സ്ത്രീയുടെ 12.5 സെന്റ് ഭൂമിയും 17 പവന് സ്വര്ണവും രണ്ടുലക്ഷം രൂപയും ആണ് സുജന് തട്ടിയെടുത്തത്.
സംരക്ഷിക്കാമെന്ന് വിശ്വസിപ്പിച്ച് വയോധികയുടെ വീട്ടില് കുടുംബത്തോടെ താമസിച്ചായിരുന്നു തട്ടിപ്പ് . അവിവാഹിതയാണ് ഇവര്. 78 വയസുണ്ട്. മാരായമുട്ടം പൊലീസ് പരിധിയില് ഒറ്റയ്ക്കാണ് ഇവര് താമസിച്ചിരുന്നത്. 2021 ഫെബ്രുവരിയിലാണ് ഭാര്യയ്ക്കും കുട്ടിക്കും ഭാര്യയുടെ അച്ഛനും അമ്മയ്ക്കുമൊപ്പം സുജിന് ഈ വീട്ടില് താമസം തുടങ്ങിയത്.
അലമാരയില് സൂക്ഷിച്ച മാലയും വളയും കമ്മലുമെല്ലാം സുജിന്റെ ഭാര്യ ഗീതു ഉപയോഗിച്ചു.. പിന്നീട് ഇതില് പലതും പണയം വെച്ചു, ചിലത് വിറ്റു. സൗഹൃദത്തിന്റെ മറവില് തന്ത്രപരമായി നെയ്യാറ്റിന്കര സബ് രജിസ്ട്രാര് ഓഫീസില് ബേബിയെ എത്തിച്ച് പന്ത്രണ്ടര സെന്റ് ഭൂമി ഭാര്യ ഗീതുവിന്റെ പേരിലേക്ക് സുജിന് എഴുതി മാറ്റി.
ഒപ്പം താമസിക്കുന്നതിനിടെ പല തവണയായി രണ്ട് ലക്ഷം രൂപയും സജിനും ഭാര്യ ഗീതുവും ചേര്ന്ന് കൈക്കലാക്കി. പലതവണ സ്വര്ണവും ഭൂമിയും പണവും ആവശ്യപ്പെട്ടെങ്കിലും തിരിച്ചുനല്കിയില്ല.
പ്രതികരിക്കാൻ ഇവിടെ എഴുതുക: