×
login
ശക്തമായ മഴ; നിലവില്‍ ഡാമുകള്‍ തുറക്കേണ്ട സാഹചര്യമില്ല; ജനങ്ങള്‍ക്ക് ജാഗ്രത നിര്‍ദേശം; മലയോര മേഖലകളില്‍ ദുരിതാശ്വാസ ക്യാമ്പ് ആരംഭിച്ചു

ചീഫ് സെക്രട്ടറിയുടെ അധ്യക്ഷതയില്‍ കഴിഞ്ഞ ദിവസം വിളിച്ച യോഗത്തില്‍ ജാഗ്രതാ നിര്‍ദേശം നല്‍കിയിരുന്നു. മലയോര മേഖലയില്‍ കൂടുതല്‍ മഴപെയ്യാന്‍ ഇടയുള്ളതിനാല്‍ ജാഗ്രത പാലിക്കണമെന്ന് നിര്‍ദേശം നല്‍കിയിട്ടുണ്ട്. കഴിഞ്ഞ ദിവസം തിരുവനന്തപുരം ജില്ലയിലെ പൊന്‍മുടി, കല്ലാര്‍, വിതുര, ബോണക്കാട് തുടങ്ങിയ മലയോര മേഖലകളിലെ ജനങ്ങളെ രാത്രി തന്നെ ദുരിതാശ്വാസ പ്രവര്‍ത്തകര്‍ എത്തി ക്യാമ്പുകളിലേക്ക് മാറ്റി.

തിരുവനന്തപുരം: മഴ ശക്തമായി തുടരുകയാണെങ്കിലും സംസ്ഥാനത്തെ ഡാമുകള്‍ തുറക്കേണ്ട സാഹചര്യം ഇല്ലെന്ന് വിലയിരുത്തല്‍. തിരുവനന്തപുരത്തെ അരുവിക്കര ഡാമിന്റെ മൂന്ന് ഷട്ടറുകളും ഉയര്‍ത്തി. കരമന, കിള്ളിയാര്‍ പ്രദേശത്ത് ജാഗ്രതാ നിര്‍ദേശം നല്‍കിട്ടുണ്ട്. മഴ കനക്കുകയാണെങ്കില്‍ ഡാമുകളിലെ കൂടുതല്‍ ഷട്ടറുകള്‍ തുറക്കുമെന്ന് അറിയിച്ചിട്ടുണ്ട്.

ചീഫ് സെക്രട്ടറിയുടെ അധ്യക്ഷതയില്‍ കഴിഞ്ഞ ദിവസം വിളിച്ച യോഗത്തില്‍ ജാഗ്രതാ നിര്‍ദേശം നല്‍കിയിരുന്നു. മലയോര മേഖലയില്‍ കൂടുതല്‍ മഴപെയ്യാന്‍ ഇടയുള്ളതിനാല്‍ ജാഗ്രത പാലിക്കണമെന്ന് നിര്‍ദേശം നല്‍കിയിട്ടുണ്ട്. കഴിഞ്ഞ ദിവസം തിരുവനന്തപുരം ജില്ലയിലെ പൊന്‍മുടി, കല്ലാര്‍, വിതുര, ബോണക്കാട് തുടങ്ങിയ മലയോര മേഖലകളിലെ ജനങ്ങളെ രാത്രി തന്നെ ദുരിതാശ്വാസ പ്രവര്‍ത്തകര്‍ എത്തി ക്യാമ്പുകളിലേക്ക് മാറ്റി.


വിതുരയിലും പൊന്‍മുടിയിലും പ്രത്യേക ദുരിതാശ്വാസ ക്യാമ്പ് തുറക്കുകയും ചെയ്തു. ബോണക്കാട് എസ്‌റ്റേറ്റിലെ 111 തൊഴിലാളികളെ മാറ്റിപ്പാര്‍പ്പിച്ചു. തിരുവനന്തപുരത്ത് പോത്തന്‍കോട് സ്വകാര്യ ഹോട്ടലിന്റെ മതില്‍ തകര്‍ന്നുവീണ് വീടിന് കേടുപാട് പറ്റി. മലയോര മേഖലകളില്‍ രാത്രി യാത്രാ നിരോധനം കളക്ടര്‍മാര്‍ തീരുമാനിക്കും.

മഴ കനത്തതിനാല്‍ എല്ലാ ജില്ലകളിലും മുന്‍കരുതലെടുക്കാന്‍ നിര്‍ദേശം നല്‍കിയതായി റവന്യൂ മന്ത്രി കെ. രാജന്‍ അറിയിച്ചു. മലയോര മേഖലകളിലേക്കുള്ളവര്‍ അത്യാവശ്യമല്ലാത്ത എല്ലാ യാത്രകളും ഒഴിവാക്കണം. വിനോദസഞ്ചാരികള്‍ രാത്രി യാത്രകള്‍ ഒഴിവാക്കുകയും പരമാവധി താമസസ്ഥലത്ത് തുടരുകയും ചെയ്യണമെന്നും മന്ത്രി നിര്‍ദേശിച്ചു. തീരപ്രദേശങ്ങളിലും ശക്തമായ ജാഗ്രതാ നിര്‍ദേശമുണ്ട്. സംസ്ഥാനത്തെ തീരപ്രദേശമുള്ള എല്ലാ ജില്ലാ കളക്ടറേറ്റും ജാഗ്രതാ നിര്‍ദേശം മത്സ്യതൊഴിലാളികള്‍ക്ക് നല്‍കിയിട്ടുണ്ട്.

    comment

    LATEST NEWS


    തിരുവനന്തപുരത്ത് സാറ്റ്‌ലൈറ്റ് ഫോണ്‍ സിഗ്‌നലുകള്‍; മുന്നറിയിപ്പ് നല്‍കി കേന്ദ്ര രഹസ്യാന്വേഷണ വിഭാഗം; പോലീസ് അന്വേഷണം തുടങ്ങി


    പൊടുന്നനെ ഹിന്ദുത്വ ആവേശിച്ച് ഉദ്ധവ് താക്കറെ; തിരക്കിട്ട് ഔറംഗബാദിന്‍റെ പേര് സാംബാജി നഗര്‍ എന്നാക്കുന്നതിനെതിരെ സമൂഹമാധ്യമങ്ങളില്‍ ട്രോള്‍


    ഗ്രീന്‍ ടാക്കീസ് ഫിലിം ഇന്റര്‍നാഷണല്‍ 3 സിനിമകളുമായി മലയാളത്തില്‍ ചുവടുറപ്പിക്കുന്നു; പുതിയ ചിത്രം പ്രണയസരോവരതീരം ടൈറ്റില്‍ ലോഞ്ച് ചെയ്തു


    രാജസ്ഥാന്‍ കൊലപാതകം: പ്രതികള്‍ക്ക് രാജ്യാന്തര ബന്ധങ്ങള്‍, പട്ടാപ്പകല്‍ കഴുത്തറുത്ത് കൊലപ്പെടുത്തിയത് ഭീകരത പടര്‍ത്താനെന്ന് അശോക് ഗേഹ്‌ലോട്ട്


    ഉദയ്പൂര്‍ കൊലപാതകം: രാജ്യവ്യാപക പ്രതിഷേധം; ജന്തര്‍മന്ദറിലേക്ക് മാര്‍ച്ച് നടത്തി വിശ്വഹിന്ദു പരിഷത്ത്


    'ജീവന് ഭീഷണിയുണ്ട്', ജാമ്യം തേടി സ്വപ്ന സുരേഷിന്റെ അഭിഭാഷകന്‍ ആര്‍ കൃഷ്ണരാജ് കോടതിയില്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.