×
login
ദിലീപിനെ ചൊവ്വാഴ്ച വരെ അറസ്റ്റ് ചെയ്യരുത്;ജാമ്യ ഹര്‍ജി മാറ്റിവച്ചു;ഹൈക്കോടതി‍ നിര്‍ദേശം അന്വേഷണ ഉദ്യോഗസ്ഥരെ അപായപ്പെടുത്താന്‍ ഗൂഢാലോചന നടത്തിയ കേസില്‍

ഈ പുതിയ കേസില്‍ പ്രതികളായ ദിലീപ്, സഹോദരന്‍ അനൂപ്, സഹോദരീ ഭര്‍ത്താവ് സൂരജ് എന്നീ മൂന്ന് പേരാണ് മുന്‍കൂര്‍ ജാമ്യാപേക്ഷയുമായി ഹൈക്കോടതിയെ സമീപിച്ചത്.

കൊച്ചി:  നടിയെ പീഡിപ്പിച്ച കേസ് അന്വേഷിച്ച ഉദ്യോഗസ്ഥരെ അപായപ്പെടുത്താന്‍ ഗൂഢാലോചന നടത്തിയെന്ന കേസില്‍ നടന്‍ ദിലീപ് അടക്കമുള്ളവരുടെ മുന്‍കൂര്‍ ജാമ്യഹര്‍ജി പരിഗണിക്കുന്നത് ഹൈക്കോടതി ചൊവ്വാഴ്ചത്തേക്ക് മാറ്റി. അതുവരെ അറസ്റ്റ് പാടില്ലെന്നും ഹൈക്കോടതി വ്യക്തമാക്കി. അതുവരെ അറസ്റ്റ് ചെയ്യില്ലെന്ന് പോലീസും കോടതിയെ അറിയിച്ചു.  

ദിലീപ് കൂടി പ്രതിയായ നടിക്കെതിരായ ലൈംഗികപീഡനക്കേസിലെ  അന്വേഷണോദ്യോഗസ്ഥരെ അപായപ്പെടുത്താന്‍ ഗൂഢാലോചന നടത്തി ഭീഷണി മുഴക്കിയെന്ന് ആരോപിച്ചാണ് നടന്‍ ദിലീപുള്‍പ്പെടെ ആറ് പേര്‍ക്കെതിരെ കേരള പൊലീസ് പുതിയ കേസ് രജിസ്റ്റര്‍ ചെയ്തിരിക്കുന്നത്. ഈ പുതിയ കേസില്‍ പ്രതികളായ ദിലീപ്, സഹോദരന്‍ അനൂപ്, സഹോദരീ ഭര്‍ത്താവ് സൂരജ് എന്നീ മൂന്ന് പേരാണ് മുന്‍കൂര്‍ ജാമ്യാപേക്ഷയുമായി ഹൈക്കോടതിയെ സമീപിച്ചത്.  

െ്രെകംബ്രാഞ്ചും കേരള പൊലീസും ചേര്‍ന്നാണ് പുതിയ കേസ് ദിലീപിനും മറ്റ് അഞ്ചു പേര്‍ക്കുമെതിരെ രജിസ്റ്റര്‍ ചെയ്തിരിക്കുന്നത്. അന്വേഷണോദ്യോഗസ്ഥനായ ഡിവൈഎസ്പി ബൈജു പൗലോസിന്റെ  പരാതിയിലാണ് കേസെടുത്തത്. ദിലീപ് ഒന്നാം പ്രതിയാണ്. രണ്ടാം പ്രതി ദിലീപിന്റെ സഹോദരന്‍ അനൂപ്, മൂന്നാം പ്രതി സുരാജ്, നാലംപ്രതി അപ്പു, അഞ്ചാംപ്രതി ബാബു ചെങ്ങമനാട്, ആറാം പ്രതി കണ്ടാലറിയാവുന്ന ഒരാള്‍ എന്നിങ്ങനെയാണ് കേസെടുത്തിരിക്കുന്നത്. ഗൂഡാലോചനയുള്‍പ്പെടെയുള്ള കുറ്റങ്ങള്‍ ചാര്‍ത്തിയാണ് കേസ്. ഐപിസി 116സ118, 120 ബി, 506, 34 വകുപ്പുകള്‍ പ്രകാരം തിരുവനന്തപുരം െ്രെകംബ്രാഞ്ച് യൂണിറ്റാണ് കേസെടുത്തത്.

സംവിധായകന്‍ ബാലചന്ദ്രകുമാറിന്റെ മൊഴിയുടെ അടിസ്ഥാനത്തിലാണ് െ്രെകംബ്രാഞ്ച് കേസ്. ദിലീപും മറ്റ് പ്രതികളും കൂടി നടത്തിയ സംഭാഷണത്തിന്റേതെന്നു പറയുന്ന ശബ്ദസന്ദേശങ്ങളും കഴിഞ്ഞ ദിവസം പുറത്തുവിട്ടിരുന്നു.

ഇതിനിടെ, സംവിധായകന്‍ ബാലചന്ദ്രകുമാര്‍ ഉള്‍പ്പെടെയുള്ളവര്‍ ഉന്നയിച്ച പുതിയ ആരോപണങ്ങള്‍ കൂടി ഉള്‍പ്പെടുത്തി വേണം വിചാരണ തുടങ്ങാനെന്ന് മുഖ്യമന്ത്രിയോട് കേസില്‍ ഇരയായ നടി ആവശ്യപ്പെട്ടിരുന്നു. കഴിഞ്ഞ ദിവസം ഈ നടി സമൂഹമാധ്യമത്തില്‍ ഒരു അതിജീവനക്കാരിയെന്ന നിലയിലുള്ള തന്റെ യാത്രയെക്കുറിച്ച് ഒരു വൈകാരികമായ കുറിപ്പ് പങ്കുവെച്ചിരുന്നു. ഈ ദുരന്തസംഭവത്തിന് ശേഷം അവര്‍ അതജീവിച്ച നിരവധി പരീക്ഷണങ്ങളെക്കുറിച്ചും കുറിപ്പില്‍ പ്രതിപാദിക്കുന്നു.

 

 

 

    comment

    LATEST NEWS


    നടനും എംപിയുമായ സുരേഷ് ഗോപിക്ക് കോവിഡ് സ്ഥിരീകരിച്ചു; നേരിയ പനി മാത്രമെന്നും പൂര്‍ണ ആരോഗ്യവാനെന്നും താരം


    സംസ്ഥാനത്ത് കോവിഡിന്റെ അതിതീവ്ര വ്യാപനം സ്ഥിരീകരിച്ച് ആരോഗ്യമന്ത്രി; മൂന്നാം തരംഗം തുടങ്ങിയിട്ടേ ഉള്ളൂ; അതിജീവിക്കാന്‍ ജനങ്ങള്‍ സഹകരിക്കണം


    എന്‍പിറ്റിഐയില്‍ പവര്‍ പ്ലാന്റ് എന്‍ജിനീയറിങ് പഠിക്കാം; ഫെബ്രുവരി 15 വരെ ഓണ്‍ലൈനിലൂടെ അപേക്ഷകള്‍ സ്വീകരിക്കും


    വിഎസ് പക്ഷത്തിന്റെ കഥ കഴിഞ്ഞു; ചാത്തന്നൂര്‍ ഏരിയായില്‍ ഇനി പിണറായിക്കാലം, പ്രമുഖരായ നേതാക്കളെ ജില്ലാ കമ്മിറ്റിയില്‍ നിന്നും ഒഴിവാക്കി


    നീറ്റ്- യുജി 2022: സംസ്ഥാന കൗണ്‍സലിങ് ജനുവരി 27 മുതല്‍; പ്രവേശനം മാര്‍ച്ച് 15 വരെ


    ജനകീയാസൂത്രണ പദ്ധതിയില്‍ വ്യാപക ക്രമക്കേട്; നല്കുന്നത് ഗുണനിലവാരം കുറഞ്ഞ സാധനങ്ങള്‍, ലക്ഷക്കണക്കിന് രൂപ ഇടനിലക്കാര്‍ തട്ടിയെടുക്കുന്നു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.