login
ജയരാജന് രാജി, ജലീലിന് ജയ്‌വിളി; മതത്തിനു മീതെ സിപിഎമ്മും പറക്കില്ല

ബാങ്ക് ജോലിക്കാരനായ ബന്ധു ആബിദിനെ ന്യൂനപക്ഷ വികസന കോര്‍പ്പറേഷനില്‍ ജനറല്‍ മാനേജരായി നിയമിച്ചത് അന്ന് വലിയ വിവാദമായതാണ്. മുഖ്യമന്ത്രിക്ക് വേണ്ടപ്പെട്ടവനായതിനാല്‍ രാജി തേടിയില്ല. പാര്‍ട്ടി സംരക്ഷിച്ചു. സ്വര്‍ണം, ഖുറാന്‍, ഈന്തപ്പഴ കടത്തും വന്‍വിവാദമായതാണ്.

കോട്ടയം: ബന്ധു നിയമന ആരോപണം ഉയര്‍ന്നപ്പോള്‍ തന്നെ കണ്ണൂരില്‍ നിന്നുള്ള, സിപിഎമ്മിലെ കരുത്തനായ നേതാവായ ഇ.പി. ജയരാജന് രാജിവയ്‌ക്കേണ്ടി വന്നു. പക്ഷെ മലപ്പുറത്തുനിന്നുള്ള,   സിമി വഴി സിപിഎമ്മില്‍ അടുത്ത കാലത്തെത്തിയ, കഴിഞ്ഞ തെരഞ്ഞെടുപ്പില്‍ സിപിഎം സ്വതന്ത്രനായി മത്സരിച്ച കെ.ടി. ജലീലിന് പാര്‍ട്ടിയും സര്‍ക്കാരും വലിയ സംരക്ഷണമാണ് ഒരുക്കിയത്. സിപിഎമ്മിലാണെങ്കിലും മതത്തിനു മീതേ പാര്‍ട്ടിയും പറക്കില്ല.

ബാങ്ക് ജോലിക്കാരനായ ബന്ധു ആബിദിനെ ന്യൂനപക്ഷ വികസന കോര്‍പ്പറേഷനില്‍ ജനറല്‍ മാനേജരായി നിയമിച്ചത് അന്ന് വലിയ വിവാദമായതാണ്. മുഖ്യമന്ത്രിക്ക് വേണ്ടപ്പെട്ടവനായതിനാല്‍ രാജി  തേടിയില്ല. പാര്‍ട്ടി സംരക്ഷിച്ചു. സ്വര്‍ണം, ഖുറാന്‍, ഈന്തപ്പഴ കടത്തും വന്‍വിവാദമായതാണ്. ഇവയിലും വന്‍ ക്രമക്കേടുണ്ടെന്ന ആരോപണമാണ് ഉയര്‍ന്നത്. പക്ഷെ ഒരു വിശദീകരണം പോലും തേടിയില്ല. പാര്‍ട്ടി ഒന്നും ചോദിച്ചില്ല. സര്‍ക്കാര്‍ അനങ്ങിയില്ല. ഡോ. തോമസ് ഐസക്കും ജി. സുധാകരനും ഇ.പി. ജയരാജനും വീണ്ടും സീറ്റ് കിട്ടാതെ പാര്‍ട്ടി പുറമ്പോക്കില്‍ കുടിലു കെട്ടി താമസം തുടങ്ങി. കണ്ണൂര്‍ ജില്ലാ സെക്രട്ടറിയായിരുന്ന പി. ജയരാജനെ മഹത്വവല്‍കരണത്തിന്റെ പേരിലും പുറത്തിരുത്തി. ജി. സുധാകരന്‍ മോശം മന്ത്രിയായിരുന്നുവെന്ന് എതിരാളികള്‍ പോലും പറയുകയുമില്ല.  ആ സാഹചര്യത്തിലാണ്  മന്ത്രി ജലീല്‍ സത്യപ്രതിജ്ഞാ ലംഘനം നടത്തിയെന്നും സ്വജനപക്ഷപാതം കാണിച്ചെന്നും  ബന്ധുനിയമനത്തില്‍ കുറ്റക്കാരനാണെന്നും ലോകായുക്ത വിധിച്ചതും മന്ത്രിയെ നീക്കണമെന്ന് ശുപാര്‍ശ ചെയ്തതും. പക്ഷെ എന്നിട്ടും രാജി തേടിയില്ല. പാര്‍ട്ടി അതൃപ്തി രേഖപ്പെടുത്തുക പോലും ചെയ്തില്ല. ഇ.പി. ജയരാജന്റെ രാജി പിടിച്ചുവാങ്ങിയ പാര്‍ട്ടിയാണ്, മന്ത്രി സ്ഥാനത്തിരിക്കാന്‍ യോഗ്യനല്ലെന്ന് ലോകായുക്ത വിധിച്ച ജലീലിനെ വീണ്ടും പിന്തുണച്ചുകൊണ്ടിരിക്കുന്നത്, ജലീലിന് ജയ് വിളിക്കുന്നത്.

തെരഞ്ഞെടുപ്പില്‍ എസ്ഡിപി ഐയുടേയും പിഡിപിയുടെയും വെല്‍ഫെയര്‍ പാര്‍ട്ടിയുടെയും പിന്തുണ മാറിമാറി വാങ്ങുന്ന എല്‍ഡിഎഫ് ജലീലിനെതിരെ   വാളോങ്ങാത്തതിന്റെ കാരണം ലളിതമാണ്. ആരോപണശരങ്ങള്‍ ഉയര്‍ന്നിട്ടും ജലീലിന് വീണ്ടും സീറ്റുകിട്ടിയതും ഇ.പിക്ക് സീറ്റു കിട്ടാതെ പോയതിന്റെ കാരണവും ലളിതം. ഇനി മല്‍സരിക്കാനില്ലെന്ന്  ഇ.പി പറഞ്ഞത് കൊടിയ നിരാശയിലായിരുന്നു. എന്നാല്‍, താന്‍ രാജിവയ്ക്കില്ലെന്ന് ജലീല്‍ പറഞ്ഞത് ധാര്‍ഷ്ട്യത്താലും.

    comment

    LATEST NEWS


    ഗണേഷ് കുമാറിനെതിരേ സിപിഎം നേതൃത്വത്തെ സമീപിച്ച് സഹോദരി; അച്ഛന്റെ സ്വത്തുക്കള്‍ തട്ടിയെടുത്തു; സരിത ബന്ധവും ചര്‍ച്ച; ആദ്യ ടേം മന്ത്രിസ്ഥാനം ഒഴിവാക്കി


    രാഷ്ട്രീയക്കാര്‍ പ്രതിയാകുമ്പോള്‍ ജനങ്ങളെ ഉപയോഗിച്ച് ഉദ്യോഗസ്ഥരെ ഭയപ്പെടുത്തുന്നത് അംഗീകരിക്കില്ല; മമതയ്ക്ക് ബംഗാള്‍ ഹൈക്കോടതിയുടെ രൂക്ഷ വിമര്‍ശനം


    പശുക്കള്‍ക്ക് കുളമ്പുരോഗം പടരുന്നു; കർഷകർ പാൽ കറന്ന് കളയുന്നു, സർക്കാർ ആശുപത്രി ഉണ്ടെങ്കിലും ഡോക്ടർമാരില്ല


    മാരാരിക്കുളം തെക്ക് പഞ്ചായത്തില്‍ സിപിഎം സെല്‍ഭരണം, ബിജെപി സ്ഥാനാര്‍ത്ഥിയായി മത്സരിച്ച വനിതയ്ക്ക് വൈദ്യുതി കണക്ഷന്‍ നല്‍കുന്നില്ല


    ഇസ്രയേലിനെ ആക്രമിക്കാന്‍ അയച്ച ആറു മിസൈലുകളും സ്വന്തം രാജ്യത്ത് തന്നെ പതിച്ചു; ഇസ്രയേലിന്റെ തിരിച്ചടിയില്‍ വിറങ്ങലിച്ച് ലെബനന്‍


    ആലപ്പുഴയിൽ കനത്ത മഴയിലും കാറ്റിലും 29 വീടുകള്‍ പൂര്‍ണമായി തകര്‍ന്നു, 653 വീടുകള്‍ക്ക് ഭാഗികനാശം


    ചീറിപ്പായുന്നു ടാങ്കർ ലോറികൾ; അപകടക്കെണിയൊരുക്കി ദേശീയപാത, ഒരു മാസത്തിനിടെ അപകടത്തിൽപ്പെട്ടത് മൂന്ന് ടാങ്കർ ലോറികൾ


    പാലസ്തീന് ഐക്യദാര്‍ഢ്യവുമായി ഖത്തര്‍; ധനസഹായം പ്രഖ്യാപിച്ചതിന് പിന്നാലെ ഗാസ റെഡ്ക്രസന്റ് ഓഫീസ് ഇസ്രയേല്‍ ഷെല്‍ ആക്രമണത്തില്‍ തകര്‍ത്തു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.