×
login
ഡിസിസി‍ ഓഫീസിന് മുന്നിലെ കൊടി കത്തിച്ച ഡിവൈഎഫ്‌ഐ നേതാവ് പിടിയില്‍; അറസ്റ്റ് നടപടി സ്വീകരിക്കുന്നില്ലെന്ന ആരോപണം ശക്തമായതോടെ

പരാതി നല്‍കി രണ്ടാഴ്ച കഴിഞ്ഞിട്ടും പോലീസ് അറസ്റ്റ് ചെയ്തിരുന്നില്ല. ഡിവൈഎഫ്‌ഐ നേതാവിനെ സംരക്ഷിക്കുകണെന്നും ആരോപണം ഉയര്‍ന്നിരുന്നു.

കൊച്ചി : ഡിസിസി ഓഫീസിന് മുന്നിലെ കൊടി കത്തിച്ച കേസില്‍ ഡിവൈഎഫ്‌ഐ നേതാവ് പോലീസ് പിടിയില്‍. എറണാകുളം മേഖലാ സെക്രട്ടറി മാഹിനാണ് പോലീസ് അറസ്റ്റിലായത്.  

മുഖ്യമന്ത്രിക്കെതിരെ വിമാനത്തില്‍ വെച്ച് യൂത്ത് കോണ്‍ഗ്രസ് പ്രതിഷേധിച്ചതിനെതിരെ എറണാകുളം ഡിസിസി ഓഫീസിലേക്ക് ഡിവൈഎഫ്‌ഐ പ്രകടനം നടത്തിയിരുന്നു. ഇതിന് ശേഷം രാത്രി 12 മണിയോടെ ഡിസിസി ഓഫീന് മുമ്പിലുള്ള കൊടി ഡിവൈഎഫ്‌ഐക്കാര്‍ ചേര്‍ന്ന് കത്തിക്കുകയായിരുന്നു. ഡിസിസി പ്രസിഡന്റ് മുഹമ്മദ് ഷിയാസാണ് പരാതി നല്‍കിയത്.  

എന്നാല്‍ പരാതി നല്‍കിയെങ്കിലും പ്രതികളെ സംരക്ഷിക്കുന്ന നടപടിയാണ് പോലീസിന്റെ ഭാഗത്തു നിന്നും ഉണ്ടായത്. പരാതി നല്‍കി രണ്ടാഴ്ച കഴിഞ്ഞിട്ടും പോലീസ് അറസ്റ്റ് ചെയ്തിരുന്നില്ല. ഡിവൈഎഫ്‌ഐ നേതാവിനെ സംരക്ഷിക്കുകയാണെന്നും നടപടി സ്വീകരിക്കാത്തതില്‍ ശക്തമായ പ്രതിഷേധവും ഉയര്‍ന്നിരുന്നു.

അതേസമയം അതീവ രഹസ്യമായിട്ടായിരുന്നു പോലീസ് അറസ്റ്റ്. രഹസ്യമായി അറസ്റ്റ് രേഖപ്പെടുത്തി ജഡ്ജിയുടെ വീട്ടില്‍ ഹാജരാക്കി റിമാന്‍ഡ് ചെയ്തു. മാഹിനെ പോലീസ് എറണാകുളം ജില്ലാ ജയിലിലെത്തിച്ചു.

 


 

 

 

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.