തിരുവനന്തപുരം : രാജ്യത്ത് കല്ക്കരിക്കുണ്ടായ ക്ഷാമം കേരളത്തേയും ബാധിക്കുന്നു. സംസ്ഥാനത്ത് പവര്കട്ട് ഏര്പ്പെടുത്തേണ്ടി വരുമെന്ന് വൈദ്യുതി മന്ത്രി കെ. കൃഷ്ണന്കുട്ടി. കേന്ദ്രത്തില് നിന്ന് ലഭിക്കുന്ന വൈദ്യുതിയില് ആയിരം മെഗാവാട്ടിന്റെ കുറവുണ്ടായിട്ടുണ്ട്. കൂടംകുളത്ത് നിന്ന് 30 ശതമാനം മാത്രമാണ് കഴിഞ്ഞ ദിവസം ലഭിച്ചത്. ഇതോടെ വലിയ പ്രതിസന്ധിയിലൂടെയാണ് സംസ്ഥാനം കടന്നുപോയിക്കൊണ്ടിരിക്കുന്നതെന്നും മന്ത്രി അറിയിച്ചു.
ഉത്തരേന്ത്യയിലെ കല്ക്കരി ക്ഷാമം മൂലം കേന്ദ്രത്തില് നിന്നും മറ്റ് സംസ്ഥാനങ്ങളില് നിന്നും ലഭിച്ചിരുന്ന വൈദ്യുതിയില് കുറവ് സംഭവിച്ചിട്ടുണ്ട്. ഈ നില തുടര്ന്നാല് കേരളവും പവര്ക്കട്ടിനെക്കുറിച്ച് ആലോചിക്കേണ്ടി വരുമെന്ന് മന്ത്രി പറഞ്ഞു. ജല വൈദ്യുതി പദ്ധതികള് മാത്രമാണ് പരിഹാരം. കഴിഞ്ഞ ദിവസം യൂണിറ്റിന് 18 രൂപ കൊടുത്താണ് കേരളം വൈദ്യുതി വാങ്ങിയത്. ഇത് വൈദ്യുതി ബോര്ഡിന് വലിയ സാമ്പത്തിക പ്രതിസന്ധി സൃഷ്ടിക്കുന്നുണ്ട്. കല്ക്കരിക്ഷാമം കേരളത്തെയും പ്രതികൂലമായി ബാധിച്ചു.
പവര്കട്ട് ഒഴിവാക്കാനാകുമോ എന്ന് പരമാവധി ആലോചിക്കുന്നുണ്ട്. വൈദ്യുതി പ്രതിസന്ധി സംബന്ധിച്ച് കെഎസ്ഇബി കാര്യങ്ങള് കൃത്യമായി നിരീക്ഷിച്ചുവരികയാണ്. ജനങ്ങള് വൈദ്യുതി ഉപയോഗം നിയന്ത്രിക്കണമെന്ന് കെഎസ്ഇബി ആവശ്യപ്പെട്ടിട്ടുണ്ട്. മറ്റു വഴികളില്ലെങ്കില് നിയന്ത്രണം നടപ്പാക്കുമെന്നും മന്ത്രി കൂട്ടിച്ചേര്ത്തു.
രാജ്യത്ത് കല്ക്കരിയുടെ ലഭ്യതയില് വലിയതോതിലുള്ള ഇടിവ് നേരിട്ടതിനാല് കേരളത്തിന് പുറത്തുനിന്നും ലഭിക്കേണ്ടിയിരുന്ന വൈദ്യുതിയില് വ്യാഴാഴ്ച വരെ ഏകദേശം 220 മെഗാവാട്ട് വൈദ്യുതിയുടെ കുറവ് ഉണ്ടാകും. ഈ കുറവ് പരിഹരിക്കുന്നതിനുള്ള ശ്രമം നടത്തുന്നതിനാല് വൈദ്യുതി നിയന്ത്രണം ഉണ്ടാകില്ലെന്നാണ് കെഎസ്ഇബി പറയുന്നത്.
കോവിഡ് മഹാമാരിക്കാലത്തെ വൈദ്യുതി ഉപയോഗം വര്ധിച്ചിട്ടുണ്ട്. എന്നാല് കല്ക്കരിയുടെ ലഭ്യതയില് വലിയതോതിലുള്ള ഇടിവ് നേരിട്ടതിനാല് പുറത്തുനിന്നും കേരളത്തിന് ലഭിക്കേണ്ടിയിരുന്ന വൈദ്യുതിയില് ഇന്നുമുതല് വ്യാഴാഴ്ച വരെ ഏകദേശം 220 മെഗാവാട്ട് വൈദ്യുതിയുടെ കുറവ് ഉണ്ടാകും. ഈ കുറവ് പരിഹരിക്കുന്നതിനായി കെഎസ്ഇബി ശ്രമം നടത്തുന്നതിനാല് വൈദ്യുതി നിയന്ത്രണം ഉണ്ടാകില്ല.
എന്നിരുന്നാലും ഉപഭോക്താക്കള് പീക് അവറായ വൈകുന്നേരം 6.30 മുതല് രാത്രി 11 മണി വരെ വൈദ്യുതി കരുതലോടെ ഉപയോഗിക്കുക. കൂടുതല് വൈദ്യുതി ആവശ്യം വരുന്ന ഹീറ്റര്, മിക്സി, ഇലക്ട്രിക് ഓവന്, ഇലക്ട്രിക് അയണ്, വാഷിങ് മെഷീന് തുടങ്ങിയ ഉപകരണങ്ങള് ഈ സമയത്തു കഴിവതും ഉപയോഗിക്കാതിരിക്കണമെന്ന് കെഎസ്ഇബി അറിയിച്ചു.
പ്രതികരിക്കാൻ ഇവിടെ എഴുതുക: