×
login
പോപ്പുലര്‍ ഫ്രണ്ട്‍ തീവ്രവാദികള്‍ക്ക് പോലീസ് സഹായം: സ്റ്റേഷനില്‍ എത്തി സഹായിച്ച പോലീസുകാരനെതിരെ എന്‍ഐഎ അന്വേഷണം‍; മൊബൈല്‍ ഫോണ്‍ കസ്റ്റഡിയില്‍ എടുത്തു

കാലടി സ്റ്റേഷനില്‍ ഡ്യൂട്ടി ചെയ്യുന്ന പോലീസുകാരന്‍ പെരുമ്പാവൂരില്‍ വന്നത് അറസ്റ്റിലായ പോപ്പുലര്‍ ഫ്രണ്ടുകാരെ സാഹായിക്കാനാണ്. തുടര്‍ന്ന് ഉന്നത പോലീസ് ഉദ്യോഗസ്ഥര്‍ക്ക് റിപ്പോര്‍ട്ട് നല്കുകയും എന്‍ഐഎ ഉദ്യോഗസ്ഥര്‍ പോലീസുകാരനെ വിളിച്ചുവരുത്തി മൊഴി എടുക്കുകയും ഫോണ്‍ കസ്റ്റഡിയില്‍ എടുക്കുകയും ചെയ്തു.

കാലടി: പോപ്പുലര്‍ ഫ്രണ്ടിന് വഴിവിട്ട് സഹായം ചെയ്തു കൊടുത്ത പോലീസുകാരനെതിരെ എന്‍ഐഎ അന്വേഷണം. കാലടി പോലീസ് സ്റ്റേഷനിലെ സിവില്‍ പോലീസ് ഉദ്യോഗസ്ഥന്‍ സിയാദിനെതിരെയാണ് അന്വേഷണം നടക്കുന്നത്. ഇയാളുടെ മൊബൈല്‍ ഫോണ്‍ എന്‍ഐഎ കസ്റ്റഡിയില്‍ എടുത്തതായിട്ടാണ് വിവരം. കഴിഞ്ഞ ദിവസത്തെ പോപ്പുലര്‍ ഫ്രണ്ട്  ഹര്‍ത്താലില്‍  കെഎസ്ആര്‍ടി ബസ് തകര്‍ത്ത കേസുമായി ബന്ധപ്പെട്ട് മൂന്ന് പോപ്പുലര്‍ ഫ്രണ്ട് പ്രവര്‍ത്തകരെ  പെരുമ്പാവൂര്‍ പോലീസ് അറസ്റ്റ് ചെയ്തിരുന്നു. ഇവര്‍ക്ക്  പെരുമ്പാവൂര്‍  പോലീസ് സ്റ്റേഷനില്‍എത്തി വേണ്ട സഹായം ചെയ്തുകൊടുത്തത് ഈ പോലീസുകാരനായിരുന്നു. സ്റ്റേഷനിലെ മറ്റ് പോലീസുകാര്‍ ഇയാളെ  പിന്തിരിപ്പിക്കാന്‍ ശ്രമം നടത്തിയെങ്കിലും വഴങ്ങിയില്ല.

കാലടി സ്റ്റേഷനില്‍ ഡ്യൂട്ടി ചെയ്യുന്ന പോലീസുകാരന്‍ പെരുമ്പാവൂരില്‍ വന്നത് അറസ്റ്റിലായ പോപ്പുലര്‍ ഫ്രണ്ടുകാരെ സാഹായിക്കാനാണ്. തുടര്‍ന്ന് ഉന്നത പോലീസ് ഉദ്യോഗസ്ഥര്‍ക്ക് റിപ്പോര്‍ട്ട് നല്കുകയും എന്‍ഐഎ ഉദ്യോഗസ്ഥര്‍ പോലീസുകാരനെ വിളിച്ചുവരുത്തി മൊഴി എടുക്കുകയും  ഫോണ്‍ കസ്റ്റഡിയില്‍ എടുക്കുകയും ചെയ്തു.  രണ്ട് വര്‍ഷം മുമ്പ് പെരുമ്പാവൂര്‍ സ്റ്റേഷനില്‍ തോക്കുമായി പിടിയിലായ കുപ്രസിദ്ധ ഗുണ്ടയെ  വഴിവിട്ട് സഹായിച്ചതിന് അന്വേഷണം നേരിട്ട് പറവൂര്‍ സ്റ്റേഷനിലേക്ക് ഇയാളെ സ്ഥലം മാറ്റിയിരുന്നു. മൂന്നുമാസം മുമ്പാണ് കാലടി സ്റ്റേഷനില്‍ ചാര്‍ജെടുത്തത്.


 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.