×
login
മുല്ലപ്പെരിയാര്‍: ഉറക്കം നഷ്ടപ്പെട്ട് ജനങ്ങള്‍; ഉറക്കം നടിച്ച് സര്‍ക്കാര്‍; പ്രതിഷേധിക്കാനും ഭയം

ഈ പ്രദേശത്തുള്ളവരുടെ സ്വസ്ഥവും സുരക്ഷിതവുമായ ജീവിതം തന്നെ ഇല്ലാതായി. പലപ്പോഴും രാത്രി 10 മണിയോടെ വെള്ളമെത്തും. മനസമാധാനത്തോടെ ഉറങ്ങിയിട്ട് മാസങ്ങളായി, നാട്ടുകാര്‍ പറയുന്നു. സംസ്ഥാന സര്‍ക്കാര്‍ പെരിയാര്‍ തീരദേശവാസികളുടെ ദുരിതം കണ്ടമട്ടില്ല.

തൊടുപുഴ: പാതിരാത്രിയില്‍, ഉറക്കത്തിനിടെ, വെള്ളം ജീവനെടുക്കുമോയെന്ന ഭീതിയിലാണ് വണ്ടിപ്പെരിയാര്‍, ഉപ്പുതറ, ഏലപ്പാറ, പെരിയാര്‍, മഞ്ചുമല, അയ്യപ്പന്‍കോവില്‍, കാഞ്ചിയാര്‍ ആനവിലാസം ഭാഗങ്ങളിലെ ആയിരക്കണക്കിനാളുകള്‍. ഈ മാസം ഇത് മൂന്നാമത്തെ തവണയാണ് മുന്നറിയിപ്പില്ലാതെ തമിഴ്‌നാട് മുല്ലപ്പെരിയാര്‍ ഡാമിലെ വെള്ളം വലിയ തോതില്‍ തുറന്നുവിടുന്നത്, അതും രാത്രിയില്‍.  

ഏഴ് വില്ലേജുകളിലായി 300 കുടുംബങ്ങളാണ് വെള്ളം കയറുന്ന മേഖലയിലുള്ളത്. വള്ളക്കടവ്, മഞ്ചുമല, ആറ്റോരം എന്നിവിടങ്ങളിലാണ് കൂടുതല്‍ വീടുകളും. ഈ മേഖലകളിലെ വീടുകളില്‍ ഏതാനും ദിവസങ്ങള്‍ക്കുള്ളില്‍ മൂന്നു തവണയാണ്  വെള്ളം കയറിയത്. വെള്ളമുയരുമ്പോള്‍ അടുത്തുള്ള ഉയര്‍ന്ന പ്രദേശങ്ങളില്‍ കുഞ്ഞുകുട്ടികളും തുണികളുമായി ജനങ്ങള്‍ ചേക്കേറും. താഴുമ്പോള്‍ മടങ്ങും. വീട്ടിലെ ചളിയും മണ്ണും വളരെ കഷ്ടപ്പെട്ടാണ് വാരിക്കളയുന്നത്. മാലിന്യങ്ങളും ഇക്കൂട്ടത്തിലുണ്ട്. എല്ലാം ഒരുവിധം ശരിയാക്കി വരുമ്പോഴാണ് വീണ്ടും വെള്ളം കയറുന്നത്.

ഈ പ്രദേശത്തുള്ളവരുടെ സ്വസ്ഥവും സുരക്ഷിതവുമായ ജീവിതം തന്നെ ഇല്ലാതായി. പലപ്പോഴും രാത്രി 10 മണിയോടെ വെള്ളമെത്തും. മനസമാധാനത്തോടെ ഉറങ്ങിയിട്ട് മാസങ്ങളായി, നാട്ടുകാര്‍ പറയുന്നു. സംസ്ഥാന സര്‍ക്കാര്‍ പെരിയാര്‍ തീരദേശവാസികളുടെ ദുരിതം കണ്ടമട്ടില്ല.


രാത്രിയില്‍ വലിയ തോതില്‍ വെള്ളം തുറന്നുവിടുമ്പോള്‍ 10 മിനിറ്റ് മുമ്പ് മാത്രമാണ് മുന്നറിയിപ്പ് നല്കുക. ഈ സമയത്ത് പ്രായമായവരും കുട്ടികളും അടക്കമുള്ളവരുമായി രക്ഷപ്പെടാനാവില്ല. വീട്ടുസാധനങ്ങളും വെള്ളത്തിലാകും. ചിലര്‍ മഴ മാറുന്നത് വരെ ബന്ധുവീടുകളിലേക്ക് മാറി. മറ്റെവിടെയും പോകാന്‍ ഇടമില്ലാത്തവര്‍ വെള്ളമുയരുമ്പോള്‍ സമീപത്തെ തേയിലത്തോട്ടത്തിലേക്ക് മാറും. പലരും പടുത കെട്ടി താത്കാലിക സംവിധാനമൊരുക്കി. ജോലിക്കു പോലും പോകാതെ ബുദ്ധിമുട്ടുകയാണ് ജനങ്ങള്‍.  

കഴിഞ്ഞയാഴ്ച പ്രതിഷേധിച്ചവര്‍ക്കെതിരേ പോലീസ് കേസെടുത്തിരുന്നു. അതോടെ ജനങ്ങള്‍ക്ക് പ്രതിഷേധിക്കാനും ഭയമാണ്. 2015ല്‍ ഇത്തരത്തില്‍ പ്രതിഷേധിച്ച പലരും ഇപ്പോഴും കേസുമായി നടക്കുകയാണ്.

 

    comment

    LATEST NEWS


    പഴയ ഒരു രൂപ, 50 പൈസ നാണയങ്ങള്‍ ഇനി വരില്ല; നിര്‍മ്മാണം അവസാനിപ്പിച്ച് റിസര്‍വ്വ് ബാങ്ക്


    കേന്ദ്രധനമന്ത്രി നിര്‍മ്മല സീതാരാമന്റെ അധ്യക്ഷതയില്‍ ചേര്‍ന്ന 2023-24ലെ പ്രീബജറ്റ് യോഗങ്ങള്‍ സമാപിച്ചു; എട്ട് യോഗങ്ങളിലായി പങ്കെടുത്തത് 110ലധികം പേര്‍


    ഒരു ഓവറില്‍ 43 റണ്‍സെടുത്ത് റുതുരാജ് ഗെയ്ക് വാദിന്‍റെ തകര്‍പ്പന്‍ ബാറ്റിംഗ് വെടിക്കെട്ട്; പുതിയ റെക്കോഡ് (വീഡിയോ);


    ഏകീകൃത സിവില്‍ നിയമം മതങ്ങളെ തകര്‍ക്കാനല്ല; നടക്കുന്നത് വ്യാജപ്രചാരണമെന്ന് ബിജെപി നേതാവ് പി.ആര്‍. ശിവശങ്കര്‍


    കുച്ചിപ്പുഡിയുമായി ഋഷി സുനകിന്‍റെ മകള്‍ ; ഭഗവദ് ഗീത തൊട്ട് സത്യപ്രതിജ്ഞയെടുത്ത ഋഷി സുനക് മകളില്‍ പകര്‍ന്നത് ഭാരതീയ പാരമ്പര്യം


    മലയാള നടി മഞ്ജിമ മോഹനും തമിഴ് നടന്‍ ഗൗതം കാര്‍ത്തിക്കും വിവാഹിതരായി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.