×
login
കൊച്ചി വിമാനത്താവളത്തിലെ ലൗഞ്ചിലെ വെജ് ദോശയില്‍ 'മുട്ടവെള്ളം' ഉപയോഗിക്കുന്നുവെന്ന് പരാതിപ്പെട്ട മനീഷ് ജെയിനെ പരിഹസിച്ച് കേരളം

കൊച്ചി വിമാനത്താവളത്തിലെ ലൗഞ്ചില്‍ ഒരിടത്ത് വെജിറ്റേറിയന്‍ ദോശയില്‍ മുട്ടവെള്ളം ഉപയോഗിക്കുന്നുവെന്ന് പരാതി പറഞ്ഞ മനീഷ് ജെയിനിനെതിരെ ആഞ്ഞടിച്ച് ഇടത് -ലിബറല്‍ സംഘങ്ങള്‍. കേരളത്തിലെ ഈ ഭൂരിപക്ഷ മതവിശ്വാസങ്ങള്‍ക്കെതിരായ ഇടത്-ലിബറല്‍ കക്ഷികളുടെ അസഹിഷ്ണുതയും മനീഷ് ജെയിനിനെതിരായ ട്വീറ്റുകളില്‍ തെളിഞ്ഞ് കാണാം.

കൊച്ചി: കൊച്ചി വിമാനത്താവളത്തിലെ ലൗഞ്ചില്‍ ഒരിടത്ത് വെജിറ്റേറിയന്‍ ദോശയില്‍ മുട്ടവെള്ളം ഉപയോഗിക്കുന്നുവെന്ന് പരാതി പറഞ്ഞ മനീഷ് ജെയിനിനെതിരെ ആഞ്ഞടിച്ച് ഇടത് -ലിബറല്‍ സംഘങ്ങള്‍. ന്യൂനപക്ഷസംരക്ഷണത്തിന് ഇവര്‍ എത്ര ജാഗരൂകരാണ് എന്ന് തെളിയിക്കുന്നതായി ഈ സംഭവം. കേരളത്തിലെ ഈ ഭൂരിപക്ഷ മതവിശ്വാസങ്ങള്‍ക്കെതിരായ ഇടത്-ലിബറല്‍ കക്ഷികളുടെ അസഹിഷ്ണുതയും മനീഷ് ജെയിനിനെതിരായ ട്വീറ്റുകളില്‍ തെളിഞ്ഞ് കാണാം.

ഈ ട്രോളുകളെല്ലാം കേട്ടശേഷവും കൊച്ചി വിമാനത്താവളത്തിലെ ഒരു ഭക്ഷണശാലയില്‍ മുട്ടവെള്ളം ദോശയുണ്ടാക്കാന്‍ ഉപയോഗിക്കുന്നുണ്ട് എന്ന കാര്യം തനിക്കുറപ്പാണെന്ന് മനീഷ് ജെയിന്‍ മറുപടി ട്വീറ്റില്‍ ആവര്‍ത്തിക്കുന്നു.

കൊച്ചി വിമാനത്താവളത്തിലെ ലൗഞ്ചിലെ ഒരു കടയില്‍ ദോശയുണ്ടാക്കുമ്പോള്‍ മുട്ടവെള്ളം ഉപയോഗിക്കുന്നുവെന്ന പരാതിയാണ് കഴിഞ്ഞ ദിവസം മനീഷ് ജെയിന്‍ എന്ന വ്യക്തി ഉയര്‍ത്തിയത്. ഒരു ട്വീറ്റിലൂടെയാണ് അദ്ദേഹം ഈ പരാതി ഉന്നയിച്ചത്. "നിങ്ങള്‍ കൊച്ചിയിലാണെങ്കില്‍ എര്‍ത് ലൗഞ്ച് എന്ന വിമാനത്താവളത്തിലെ ലൗഞ്ചിനെക്കുറിച്ച് ശ്രദ്ധാലു ആകണം. അവര്‍ നിങ്ങളുടെ മതവിശ്വാസത്തെ വെച്ച് കളിക്കുകയാണ്. ദക്ഷിണേന്ത്യന്‍ ഭക്ഷണമായ ദോശ ഉണ്ടാക്കാന്‍ അവര്‍ മുട്ട വെള്ളം (എഗ് വാട്ടര്‍- ഒരു പക്ഷെ മുട്ടയുടെ ഉള്ളിലെ വെള്ളയാകാം മനീഷ് ജെയിന്‍ ഉദ്ദേശിച്ചതെന്ന് കരുതുന്നു) ഉപയോഗിക്കുന്നത്. ഇതേക്കുറിച്ച് ചോദിച്ചപ്പോള്‍ ഭക്ഷ്യസുരക്ഷാ നിലവാരം പാലിച്ചാണ് ഇതുണ്ടാക്കുന്നതെന്ന് അവര്‍ പറഞ്ഞു. എന്നാല്‍ ഇതിന്‍റെ മെനു ചോദിച്ചപ്പോള്‍ അവര്‍ അത് പങ്കുവെയ്ക്കാന്‍ തയ്യാറായില്ല"- മനീഷ് ജെയിന്‍ ട്വീറ്ററില്‍ കുറിച്ചത് ഇത്രയുമാണ്. പൊതുവെ കടുത്ത സസ്യാഹാരികളാണ് ജെയിനുകള്‍.

ഇംഗ്ലീഷില്‍ ഈ ട്വീറ്റ് പങ്കുവെയ്ക്കുമ്പോള്‍ ഇംഗ്ലീഷ് അധികമറിയാത്ത മനീഷ് ജെയിന്‍ ചില തെറ്റുകള്‍ വരുത്തിയിരുന്നു. കൊച്ചി എന്നതിന് മനീഷ് ജെയിന്‍റെ ട്വീറ്റില്‍ സിഒസിഎച്ച് ഐ (ചോച്ചി) എന്നായിരുന്നു സ്പെല്ലിംങ്. എഴുതിയിരുന്നത്. അതുപോലെ 'ബേക്കിംഗ് ദോശ' എന്ന തെറ്റായ ഒരു പ്രയോഗവും ഉപയോഗിച്ചിരുന്നു(സാധാരണ ദോശ ബേക്ക് ചെയ്യുകയല്ല, ചുടുകയാണല്ലോ ചെയ്യുന്നത്). മൂന്നാമത്തെ തെറ്റ് മുട്ടവെള്ളം (എഗ് വാട്ടര്‍) എന്ന പ്രയോഗമാണ്. ഇവിടെ മനീഷ് ജെയിന്‍ ഒരു പക്ഷെ ഉദ്ദേശിച്ചിരിക്കുക മുട്ടയുടെ ഉള്ളിലെ ദ്രാവകം എന്ന അര്‍ത്ഥമായിരിക്കാം എന്ന് തോന്നുന്നു.


മനീഷ് ജെയിന്‍റെ ഈ ട്വീറ്റില്‍ കേരളാമുഖ്യമന്ത്രിയെയും ഭക്ഷ്യസുരക്ഷാ അതോറിറ്റിയെയും (എഫ് എസ്എസ് എ ഐ) ടാഗ് ചെയ്തിരുന്നു. ഇതോടെ കമ്മ്യൂണിസ്റ്റുകളും ലിബറലുകളും മനീഷ് ജെയിനെതിരെ ചാടിവീഴുകയായിരുന്നു. മനീഷ് ജെയിന്‍ ഉയര്‍ത്തിയ വിമര്‍ശനത്തെ ഇല്ലാതാക്കാന്‍ അയാളുടെ ട്വീറ്റിലെ ഇംഗ്ലീഷ് തെറ്റുകള്‍ ചൂണ്ടിക്കാട്ടി അയാളെ വേട്ടയാടുകയായിരുന്നു എല്ലാവരും. വെജിറ്റേറിയന്‍ ദോശയില്‍ മുട്ടവെള്ളം (അതോ മുട്ടയുടെ ഉള്ളിലെ ദ്രാവകമോ?) ഉപയോഗിക്കുന്നു എന്നതാണ് മനീഷ് ജെയിന്‍ ഉയര്‍ത്തിയ പ്രധാനപരാതി. ഇങ്ങിനെ ഒന്നുണ്ടോ, കൊച്ചി വിമാനത്താവളത്തിലെ ലൗഞ്ചിലെ ഏതെങ്കിലും ഭക്ഷണശാല വെജിറ്റേറിയന്‍ ദോശയില്‍ മുട്ട ഉപയോഗിക്കുന്നുണ്ടോ എന്നീ കാര്യങ്ങള്‍ വസ്തുതാപരമായി പരിശോധിച്ച് ഒരു മറുപടി നല്‍കാന്‍ ആരും മുതിര്‍ന്ന് കണ്ടില്ല. പകരം മനീഷ് ജെയിന്‍ എന്ന ജെയിന്‍ മതവിശ്വാസിയെ ക്രൂശിക്കാനാണ് ട്വിറ്ററില്‍ വന്ന ഇടത്-ലിബറല്‍ സംഘങ്ങള്‍ മുതിര്‍ന്ന് കണ്ടത്.

ന്യൂനപക്ഷസംരക്ഷണത്തിനും ഭൂരിപക്ഷ വിശ്വാസങ്ങള്‍ക്കും എതിരെ കച്ചകെട്ടിയിറങ്ങിയ ഇടതുനേതാവ് കവിതാ കൃഷ്ണനും ശശി തരൂര്‍ എംപിയും ഇക്കാര്യത്തില്‍ മറുപടി പറയാന്‍ മുന്‍പന്തിയില്‍ വന്നു എന്നതാണ് ശ്രദ്ധേയമായ കാര്യം. കവിതാ കൃഷ്ണന്‍ ദോശയുണ്ടാക്കുന്ന കാര്യത്തില്‍ ക്ലാസെടുക്കുകയാണ് തന്‍റെ മറുപടിയില്‍ ചെയ്യുന്നത്. ദോശയുണ്ടാക്കുമ്പോള്‍ ഇവിടെ ദോശക്കല്ലില്‍ തണുത്തവെള്ളം തളിക്കാറുണ്ടെന്നും അത് തെറ്റിദ്ധരിച്ചതായിരിക്കാം വിവാദത്തിന് കാരണമായതെന്ന സൂചനയാണ് കവിതാ കൃഷ്ണന്‍ നല്‍കുന്നത്.

ഉത്തര്‍പ്രദേശില്‍ യോഗി ആദിത്യനാഥിനെയും ബിജെപിയെയും കെട്ടുകെട്ടിക്കാന്‍ മുതിര്‍ന്ന ആര്‍എല്‍ഡി (രാഷ്ട്രീയ ലോക്ദള്‍) എന്ന പാര്‍ട്ടിയുടെ നേതാവ് പ്രശാന്ത് കനോജിയ വരെ മനീഷ് ജെയിനെ കളിയാക്കുന്നുണ്ട്. തണ്ടാ (ടണ്ടാ) പാനി (തണുത്ത വെള്ളം) എന്നു ചോദിച്ചപ്പോള്‍ അണ്ടാ പാനി (മുട്ടവെള്ളം) എന്ന് കേട്ടതായിരിക്കാം പ്രശ്നമായതെന്ന് പറഞ്ഞ് മനീഷ് ജെയിന്‍റെ മുകളില്‍ കുറ്റം ചാര്‍ത്താനും പരിഹസിക്കാനുമായിരുന്നു ആര്‍എല്‍ഡി നേതാവിന്‍റെ ശ്രമം.

എന്തായാലും ഈ മറുപടിയെല്ലാം കേട്ട ശേഷം മനീഷ് ജെയിന്‍ വീണ്ടും ട്വിറ്ററില്‍ ഇതിന് മറുപടി നല്‍കിയിട്ടുണ്ട്. താന്‍ ആദ്യം ചെയ്ത ട്വീറ്റില്‍ വരുത്തിയ തെറ്റുകള്‍ ആദ്യം മനീഷ് ജെയിന്‍ രണ്ടാമത്തെ ട്വീറ്റില്‍ തിരുത്തുന്നുമുണ്ട്. കൊച്ചി എന്നതിന്‍റെ സ്പെല്ലിംഗ് തെറ്റായാണ് ഉപയോഗിച്ചത്. ദോശ ബേക്ക് ചെയ്യുക എന്ന പ്രയോഗവും തെറ്റാണെന്ന് സമ്മതിക്കുന്നു. പക്ഷെ കൊച്ചി വിമാനത്താവളത്തിലെ ഒരു ഭക്ഷണശാലയില്‍ മുട്ടവെള്ളം ദോശയുണ്ടാക്കാന്‍ ഉപയോഗിക്കുന്നുണ്ട് എന്ന കാര്യം തനിക്കുറപ്പാണെന്നും മനീഷ് ജെയിന്‍ മറുപടി ട്വീറ്റില്‍ ആവര്‍ത്തിക്കുന്നു.

    comment

    LATEST NEWS


    വിമത ശിവസേന എംഎല്‍എമാരുടെ ഭാര്യമാരെ വശത്താക്കാന്‍ രശ്മി താക്കറെ രംഗത്ത്; അതിനിടെ ഒരു ശിവസേന മന്ത്രി കൂടി വിമതരുടെ അടുത്തേക്ക്


    സംഘടനയെ സ്വന്തം അമ്മയെ പോലെയാണ് കാണുന്നത്; പുറത്താക്കാന്‍ മാത്രമുള്ള ഒരു തെറ്റും ചെയ്തിട്ടില്ലെന്ന് നടന്‍ ഷമ്മി തിലകന്‍


    മാധ്യമ വാര്‍ത്തകള്‍ ശരിയല്ല; ഷമ്മി തിലകനെ സംഘടനയില്‍ നിന്നു പുറത്താക്കിയിട്ടില്ല; അദേഹത്തിന് പറയാനുള്ളതും കേള്‍ക്കും നിലപാട് വ്യക്തമാക്കി അമ്മ


    കണ്ണിന് കണ്ണ്;ചരിത്രത്തിലാദ്യമായി ബാല്‍താക്കറെയുടെ മകന്‍റെ ചിത്രത്തില്‍ കരി ഓയിലൊഴിച്ചു; ഉദ്ധവ്-ഷിന്‍ഡെ യുദ്ധം തെരുവിലേക്ക്


    ഗോത്ര വനിതയെ രാഷ്ട്രപതിയാക്കുന്നത് സംഘപരിവാര്‍; അംഗീകരിക്കാന്‍ കഴിയില്ല; ദ്രൗപതി മുര്‍മുവിനെതിരെ വ്യാജ ആരോപണങ്ങളുമായി സിപിഎം ആക്ടീവിസ്റ്റ് ബിന്ദു


    197.08 കോടി പിന്നിട്ട് കൊവിഡ് പ്രതിരോധ കുത്തിവയ്പ്പ്; ദേശീയ രോഗമുക്തി നിരക്ക് 98.58% ആയി; കഴിഞ്ഞ 24 മണിക്കൂറില്‍ 11,739 പേര്‍ക്ക് കൂടി വൈറസ് ബാധ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.