×
login
സാമ്പത്തിക പ്രതിസന്ധിയെന്ന് : അടിക്കടി കടമെടുത്ത് കേരളം; വീണ്ടും 1500 കോടി കൂടി കടമെടുക്കുന്നു

രൂക്ഷമായ സാമ്പത്തിക പ്രതിസന്ധി നിലനില്‍ക്കുന്നതിനാല്‍ കേരളം വീണ്ടും 1500 കോടി രൂപ കൂടി കടമെടുക്കുന്നു. കടപ്പത്രങ്ങളുടെ ലേലം സപ്തംബര്‍ 28ന് റിസര്‍വ്വ് ബാങ്കിന്‍റെ മുംബൈ ആസ്ഥാനത്ത് ഇ-കുബേര്‍ സംവിധാനത്തിലൂടെ നടക്കും.

തിരുവനന്തപുരം: രൂക്ഷമായ സാമ്പത്തിക പ്രതിസന്ധി നിലനില്‍ക്കുന്നതിനാല്‍ കേരളം വീണ്ടും 1500 കോടി രൂപ കൂടി കടമെടുക്കുന്നു.  

കടപ്പത്രങ്ങളുടെ ലേലം സപ്തംബര്‍ 28ന് റിസര്‍വ്വ് ബാങ്കിന്‍റെ മുംബൈ ആസ്ഥാനത്ത് ഇ-കുബേര്‍ സംവിധാനത്തിലൂടെ നടക്കും. കേന്ദ്രം അനുവദിച്ച പരിധിക്കുള്ളിലാണ് ഈ കടമെടുപ്പ്.  ഈ വര്‍ഷം 36,800 കോടി രൂപയാണ് കേരളത്തിന് വായ്പയെടുക്കാന്‍ കേന്ദ്രം അനുവദിച്ചിരിക്കുന്ന വായ്പാപരിധി. ഇതില്‍ ഡിസംബര്‍ 31 വരെ 23000 കോടിയുടെ വായ്പ അനുമതിയാണ് കേന്ദ്രം കേരളത്തിന് അനുവദിച്ചിരിക്കുന്നത്. അനുവദിച്ച വായ്പയില്‍ ഇനി 2300 കോടി രൂപ കൂടി വായ്പയെടുക്കാനുണ്ട്.  

എന്നാല്‍ സാമ്പത്തികപ്രതിസന്ധിയുടെ പേരില്‍ അടിക്കടി കടമെടുക്കുന്ന സ്ഥിതിയിലാണ് ഇപ്പോള്‍ കേരലം. സംപ്തംബര്‍ 21ന് 500 കോടി രൂപ കേരളം കടമെടുത്തിരുന്നു. ആഗസ്ത് 30ന് 3500 കോടിയും കേരളം വായ്പയെടുത്തിരുന്നു. ഇതിനെല്ലാം പുറമെയാണ് ഇപ്പോള്‍ 1500 കോടി രൂപ കടമെടുക്കുന്നത്. 

കേരളത്തിന്‍റെ പൊതുകടം മൊത്ത ആഭ്യന്തര വരുമാനത്തിന്‍റെ 36 ശതമാനമാണ്. 2015നും 2019നും ഇടയില്‍ കേരളത്തിന്‍റെ വരുമാനം 61 ശതമാനത്തില്‍ നിന്നും 55 ശതമാനത്തിലേക്ക് ഇടിഞ്ഞു. ഇതിന് പിന്നാലെയാണ് കോവിഡ് മഹാമാരിയുടെ ആഘാതം. ഈ സാമ്പത്തിക പ്രതിസന്ധിയില്‍ നിന്നും കരകയറാന്‍ കേരളം വ്യത്യസ്ത ശൈലിയില്‍ ചിന്തിക്കേണ്ടതുണ്ടെന്ന് ധനകാര്യമന്ത്രി കെ.എന്‍. ബാലഗോപാല്‍ നേരത്തെ അഭിപ്രായപ്പെട്ടിരുന്നെങ്കിലും ഇതു വരെ പ്രശ്‌നപരിഹാരങ്ങള്‍ എത്തിയിട്ടില്ല.

    comment

    LATEST NEWS


    മുല്ലപ്പെരിയാറിന്റെ സുരക്ഷ ഉറപ്പുവരുത്തണം


    പുലിറ്റ്‌സര്‍ സമ്മാനം നേടിയ പത്രപ്രവര്‍ത്തകന്‍ കെന്നത്ത് കൂപ്പര്‍ വ്യാഴാഴ്ച വെബിനാറില്‍ സംസാരിക്കും


    നീരജ് ചോപ്രയും ശ്രീജേഷും ഉള്‍പ്പെടെ 11 പേര്‍ക്ക് ഖേല്‍രത്‌ന ശുപാര്‍ശ


    കപ്പലണ്ടിക്ക് എരിവ് പോര; കൊല്ലം ബീച്ചിലെ വാകേറ്റം കൂട്ടത്തല്ലായി മാറി; നിരവധി പേര്‍ക്ക് പരിക്ക്; കേസെടുത്ത് പോലീസ്


    മുസ്ളീങ്ങള്‍ക്കെതിരെ കടുത്ത നിലപാടുമായി ചൈന; മുസ്ലീം പള്ളികളില്‍ മിനാരങ്ങളും താഴികക്കുടങ്ങളും പാടില്ല; പള്ളികളുടെ രൂപം മാറ്റി ചൈന


    ഷിജുഖാന് പങ്കുണ്ട്; നിലവിലെ പാര്‍ട്ടി അന്വേഷണത്തില്‍ വിശ്വാസമില്ല; സര്‍ക്കാര്‍തല അന്വേഷണ സമിതിക്ക് മുന്നില്‍ അഞ്ച് മണിക്കൂര്‍ നീണ്ട മൊഴി നല്കി അനുപമ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.