×
login
കെഎസ്ആര്‍ടിസി‍ ശമ്പള പ്രതിസന്ധി ചര്‍ച്ച ചെയ്തില്ല; സ്വിഫ്ടിന് വേണ്ടി 700 സിഎന്‍ജി‍ ബസ്സുകള്‍ വാങ്ങും, 455 കോടി രൂപ അനുവദിച്ച് സംസ്ഥാന സര്‍ക്കാര്‍

കെഎസ്ആര്‍ടിസിയുടെ ശമ്പള പ്രതിസന്ധിയില്‍ ഇതുവര തീരുമാനമായിട്ടില്ല. അതിനിടയിലാണ് സിഎന്‍ജി ബസ്സ് വാങ്ങാന്‍ 455 കോടി രൂപ അനുവദിക്കാന്‍ മന്ത്രിസഭായോഗം തീരുമാനമെടുത്തത്. പത്ത് മാസത്തിനകം ബസുകള്‍ വാങ്ങാനാണ് പദ്ധതി.

തിരുവനന്തപുരം : കെഎസ്ആര്‍ടിസിലെ ശമ്പള പ്രതിസന്ധിക്കിടെ 700 സിഎന്‍ജി ബസുകള്‍ കൂടി വാങ്ങാന്‍ സംസ്ഥാന സര്‍ക്കാര്‍ തീരുമാനം. ഇതിനായി 455 കോടി രൂപ അനുവദിക്കാന്‍ സംസ്ഥാന സര്‍ക്കാര്‍ തീരുമാനിച്ചിട്ടുണ്ട്. കിഫ്ബിയില്‍ നിന്നാകും കെഎസ്ആര്‍ടിസി പുതിയ ബസുകള്‍ വാങ്ങാന്‍ പണം നല്‍കുന്നത്.  

നാല് ശതമാനം പലിശ നിലക്കിലാണ് കിഫ്ബി കെഎസ്ആര്‍ടിസിക്ക് പണം നല്‍കുക. സ്വിഫ്ടിന് വേണ്ടിയാണ് കെഎസ്ആര്‍ടിസി ഇത്രയും ബസുകള്‍ വാങ്ങുന്നത്. 700 ഫാസ്റ്റ് പാസഞ്ചര്‍ ബസുകളുടെ പുതിയ റൂട്ടുകള്‍ക്കായിരിക്കും ഈ ബസുകള്‍ ഉപയോഗിക്കുക. ഇതിനായി ജീവനക്കാരെ പുനക്രമീകരിക്കും.  

കെഎസ്ആര്‍ടിസിയുടെ ശമ്പള പ്രതിസന്ധിയില്‍ ഇതുവര തീരുമാനമായിട്ടില്ല. അതിനിടയിലാണ് സിഎന്‍ജി ബസ്സ് വാങ്ങാന്‍ 455 കോടി രൂപ അനുവദിക്കാന്‍ മന്ത്രിസഭായോഗം തീരുമാനമെടുത്തത്. പത്ത് മാസത്തിനകം ബസുകള്‍ വാങ്ങാനാണ് പദ്ധതി. ആയിരം സിഎന്‍ജി ബസ് വാങ്ങാന്‍ 2016 ലെ ബജറ്റില്‍ തീരുമാനം ഉണ്ടായിരുന്നെങ്കിലും അത് നടപ്പായില്ല. നിലവില്‍ കെഎസ്ആര്‍ടിസിയില്‍ പരീക്ഷണാടിസ്ഥാനത്തില്‍ ഓടുന്നത് ഒരു സിഎന്‍ജി ബസ് മാത്രമാണ്. കെഎസ്ആര്‍ടിസിയുടെ പ്രവര്‍ത്തന ചെലവില്‍ സിംഹ ഭാഗവും ഇന്ധനത്തിന് വേണ്ടി വിനിയോഗിക്കേണ്ടിവരുന്നുണ്ടെന്ന പ്രതിസന്ധി മറികടക്കുന്നതിനായാണ് ഇത്തവണ സിഎന്‍ജി ബസ് വാങ്ങാന്‍ തീരുമാനിച്ചത്.  


എന്നാല്‍ സിഎന്‍ജി പരിസ്ഥിതി സൗഹാര്‍ദ്ദമെങ്കിലും കയറ്റിറക്കമുള്ള കേരളത്തിന്റെ നിരത്തുകളില്‍ ബസ് പ്രായോഗികമല്ലെന്ന് വിമര്‍ശനം ഉയരുന്നുണ്ട്.  അതിനിടെ കെഎസ്ആര്‍ടിസി ശമ്പള പ്രതിസന്ധി രണ്ട് ദിവസത്തിനകം പരിഹരിക്കപ്പെട്ടേക്കും. മുടങ്ങിയ ഏപ്രില്‍ മാസത്തെ ശമ്പളം നല്‍കുന്നത് സംബന്ധിച്ച്  ധനമന്ത്രി കെ.എന്‍. ബാലഗോപാലും ഗതാഗത വകുപ്പ് മന്ത്രി ആന്റണി രാജുവും തമ്മില്‍ കൂടിക്കാഴ്ച നടത്തിയിരുന്നു. 

പ്രതിസന്ധി പരിഹരിക്കുന്നതിനായി കെഎസ്ആര്‍ടിസിക്ക് സമാഹരിക്കാവുന്ന തുകയുടെ വിവരം ധനവകുപ്പ് തേടിയെന്നും റിപ്പോര്‍ട്ടുണ്ട്. അതേസമയം ശമ്പള പ്രതിസന്ധി പരിഹരിക്കപ്പെട്ടില്ലെങ്കില്‍ അനിശ്ചിതകാല പ്രക്ഷോഭം നടത്താനാണ് സിഐടിയുവിന്റെ തീരുമാനം. പ്രതിഷേധ സമരം കെഎസ്ആര്‍ടിഇഎ പ്രസിഡന്റ് ആനത്തലവട്ടം ആനന്തന്‍ ഉദ്ഘാടനംചെയ്യും.  

 

    comment

    LATEST NEWS


    വിമത ശിവസേന എംഎല്‍എമാരുടെ ഭാര്യമാരെ വശത്താക്കാന്‍ രശ്മി താക്കറെ രംഗത്ത്; അതിനിടെ ഒരു ശിവസേന മന്ത്രി കൂടി വിമതരുടെ അടുത്തേക്ക്


    സംഘടനയെ സ്വന്തം അമ്മയെ പോലെയാണ് കാണുന്നത്; പുറത്താക്കാന്‍ മാത്രമുള്ള ഒരു തെറ്റും ചെയ്തിട്ടില്ലെന്ന് നടന്‍ ഷമ്മി തിലകന്‍


    മാധ്യമ വാര്‍ത്തകള്‍ ശരിയല്ല; ഷമ്മി തിലകനെ സംഘടനയില്‍ നിന്നു പുറത്താക്കിയിട്ടില്ല; അദേഹത്തിന് പറയാനുള്ളതും കേള്‍ക്കും നിലപാട് വ്യക്തമാക്കി അമ്മ


    കണ്ണിന് കണ്ണ്;ചരിത്രത്തിലാദ്യമായി ബാല്‍താക്കറെയുടെ മകന്‍റെ ചിത്രത്തില്‍ കരി ഓയിലൊഴിച്ചു; ഉദ്ധവ്-ഷിന്‍ഡെ യുദ്ധം തെരുവിലേക്ക്


    ഗോത്ര വനിതയെ രാഷ്ട്രപതിയാക്കുന്നത് സംഘപരിവാര്‍; അംഗീകരിക്കാന്‍ കഴിയില്ല; ദ്രൗപതി മുര്‍മുവിനെതിരെ വ്യാജ ആരോപണങ്ങളുമായി സിപിഎം ആക്ടീവിസ്റ്റ് ബിന്ദു


    197.08 കോടി പിന്നിട്ട് കൊവിഡ് പ്രതിരോധ കുത്തിവയ്പ്പ്; ദേശീയ രോഗമുക്തി നിരക്ക് 98.58% ആയി; കഴിഞ്ഞ 24 മണിക്കൂറില്‍ 11,739 പേര്‍ക്ക് കൂടി വൈറസ് ബാധ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.