×
login
തീര്‍ഥാടകരെ പെരുവഴിയിലാക്കി കെഎസ്ആര്‍ടിസി‍; പമ്പയിൽ നിന്നും കുമളിക്ക് പോകേണ്ട 33 സ്വാമിമാരെ പൊൻകുന്നത്ത് ഇറക്കിവിട്ടു

ഭക്ഷണത്തിന് പോലും സൗകര്യം ലഭിക്കാതെ വലഞ്ഞ അയ്യപ്പഭക്തര്‍ക്ക് ആദ്യം തുണയായത് പൊന്‍കുന്നം പോലീസിന്റെ സഹകരണത്തോടെ സന്നദ്ധപ്രവര്‍ത്തകര്‍ നടത്തുന്ന സേവാകേന്ദ്രം.

പൊന്‍കുന്നം: പമ്പയില്‍ നിന്ന് കോട്ടയത്തേക്കുള്ള രാത്രി ബസ്സുകളില്‍ കുമളിക്ക് പോകേണ്ട അയ്യപ്പഭക്തരെ കബളിപ്പിച്ച് കെഎസ്ആര്‍ടിസി. കുമളിക്ക് പോകേണ്ട 33 സ്വാമിമാരെ പൊന്‍കുന്നത്ത് നിന്ന് ബസ്സ് കിട്ടുമെന്നറിയിച്ച് കയറ്റിയ ജീവനക്കാര്‍ ഇവരെ രാത്രി 10ന് പൊന്‍കുന്നത്ത് ഇറക്കി. എന്നാല്‍ പൊന്‍കുന്നത്ത് നിന്ന് ബസ്സുള്ളത് അടുത്തദിവസം രാവിലെ മാത്രം. ബസ്സില്ലെന്ന് അറിഞ്ഞിട്ടും കോട്ടയം ടിക്കറ്റ് തുക ലഭിക്കുമെന്നതിനാല്‍ ഇവരെ കയറ്റുകയായിരുന്നുവെന്ന് ആക്ഷേപമുയര്‍ന്നു. കഴിഞ്ഞ ദിവസങ്ങളിലും ഇതേ സ്ഥിതിയായിരുന്നു.

 ഭക്ഷണത്തിന് പോലും സൗകര്യം ലഭിക്കാതെ വലഞ്ഞ അയ്യപ്പഭക്തര്‍ക്ക് ആദ്യം തുണയായത് പൊന്‍കുന്നം പോലീസിന്റെ സഹകരണത്തോടെ സന്നദ്ധപ്രവര്‍ത്തകര്‍ നടത്തുന്ന സേവാകേന്ദ്രം. ഇവിടെ സേവനത്തിലുണ്ടായിരുന്ന അയ്യപ്പസേവാസംഘം പ്രവര്‍ത്തകര്‍ തങ്ങള്‍ക്കുണ്ടാക്കിയ ഭക്ഷണം സ്വാമിമാര്‍ക്ക് നല്‍കി. പിന്നീട് സമീപ ഡിപ്പോകളിലെല്ലാം ബസ് സൗകര്യം തേടിയിട്ടും ലഭ്യമായില്ല. പിന്നീട് ഇവര്‍ ഗതാഗത മന്ത്രി ആന്റണി രാജുവിനെ വിളിച്ച് സഹായം തേടി. മന്ത്രി കണ്‍ട്രോള്‍ റൂമില്‍ ബന്ധപ്പെട്ട് അയ്യപ്പന്മാര്‍ക്ക് ബസ് ഏര്‍പ്പെടുത്താന്‍ നിര്‍ദേശം നല്‍കി.

 എരുമേലിയില്‍ നിന്ന് ബസ് എത്തുമെന്നറിയിച്ചെങ്കിലും നടപടിയുണ്ടായില്ല. പിന്നീട് സന്നദ്ധപ്രവര്‍ത്തകരും ഓട്ടോതൊഴിലാളികളും പൊന്‍കുന്നം ഡിപ്പോയിലെത്തി പ്രതിഷേധം അറിയിച്ചു. രാത്രി 12ന് വഴിക്കടവ് റൂട്ടിലെ സര്‍വീസ് കഴിഞ്ഞെത്തിയ ജീവനക്കാര്‍ സേവനസന്നദ്ധരായതോടെ തീര്‍ഥാടകരെ എരുമേലിയിലെത്തിച്ചു. ഡ്രൈവര്‍ ബിജു, കണ്ടക്ടര്‍ താഴത്തേടത്ത് ശ്രീജിത്ത് എന്നിവര്‍ സേവനത്തിന് തയ്യാറായതോടെയാണ് പരിഹാരമുണ്ടായതെന്ന് അയ്യപ്പസേവാസംഘം ഭാരവാഹി പി.പ്രസാദ് പറഞ്ഞു. പിന്നീട് എരുമേലി ഓപ്പറേറ്റിങ് സെന്ററില്‍ നിന്ന് തീര്‍ഥാടകര്‍ക്കായി കുമളിയിലേക്ക് ബസ് അയക്കുകയായിരുന്നു.

 കോട്ടയം ഡിപ്പോയില്‍ നിന്ന് രാത്രി ബസ്സില്ലെന്ന് അറിയാമെങ്കിലും അയ്യപ്പന്മാരെ കബളിപ്പിച്ച് കോട്ടയം ടിക്കറ്റ് ചാര്‍ജ് വാങ്ങി പൊന്‍കുന്നത്ത് ഇറക്കുന്ന നടപടിയില്‍ വിവിധ സംഘടനകള്‍ പ്രതിഷേധിച്ചു.കെഎസ്ആര്‍ടിസി

 

    comment

    LATEST NEWS


    മ്യൂസിക് ഫെസ്റ്റിവലിന്‍റെ പേരില്‍ റിസോര്‍ട്ടില്‍ ലഹരിപാര്‍ട്ടി; ആളുകളെ ക്ഷണിച്ചത് വാട്‌സ്ആപ്പ് വഴി, എംഡിഎംഎ അടക്കമുള്ള മയക്കുമരുന്നുകള്‍ വിതരണം ചെയ്തു


    പ്രതിപക്ഷ ബഹളം: പാര്‍ലമെന്‍റില്‍ ശീതകാലസമ്മേളനത്തിന്‍റെ ആദ്യആഴ്ചയില്‍ തന്നെ 52.30 ശതമാനം സിറ്റിംഗ് പാഴാക്കി രാജ്യസഭ


    പെരിയയില്‍ തോറ്റതിന് തിരുവല്ലയില്‍ കണക്കു തീര്‍ക്കരുത്; പ്രതികള്‍ക്ക് സിപിഎമ്മുമായാണ് ബന്ധം, റിമാന്‍ഡ് റിപ്പോര്‍ട്ട് സിപിഎം തിരുത്തി എഴുതിച്ചു


    ഭീകരാക്രമണങ്ങള്‍ കുറഞ്ഞു; കശ്മീരിലേക്ക് സഞ്ചാരികള്‍ ഒഴുകുന്നു; നവംബറിലെത്തിയത് ഒന്നേകാല്‍ ലക്ഷം ടൂറിസ്റ്റുകള്‍


    എസ്എന്‍ഡിപി അമരത്ത് കാല്‍നൂറ്റാണ്ട് തികച്ച് വെള്ളാപ്പള്ളി; "ഈഴവ സമുദായത്തിന്റെ ഉയര്‍ത്തെഴുന്നേല്‍പ്പിന്‌ കാരണക്കാരന്‍"; ആശംസകളുമായി നേതാക്കള്‍


    ബിജെപി- ആര്‍എസ്എസ് പ്രവര്‍ത്തകര്‍ ആളുകളെ ഏകോപിപ്പിച്ച് ആസൂത്രണം ചെയ്ത് സന്ദീപിനെ കൊലപ്പെടുത്തി; ആവര്‍ത്തിച്ച് കോടിയേരി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.