തിരുവനന്തപുരം: കെഎസ്ആര്ടിസിയിലെ പ്രതിപക്ഷ സംഘടനകളും മാനേജ്മെന്റും നടത്തിയ ചര്ച്ച പരാജയം. ഇതോടെ ഇന്ന് അര്ദ്ധരാത്രി മുതല് നാളെ അര്ദ്ധരാത്രി വരെ പണിമുടക്കുമെന്ന് പ്രതിപക്ഷ സംഘടനകള് വ്യക്തമാക്കി. ബിഎംഎസ്, ടിഡിഎഫ് എന്നീ സംഘടനകളാണ് പണിമുടക്കുന്നത്.
ഈ മാസം 10 ന് ശമ്പളം നല്കാമെന്നാണ് ഇന്ന് നടന്ന ചര്ച്ചയില് കോര്പറേഷന് സിഎംഡി ബിജു പ്രഭാകര് ഉറപ്പുനല്കിയത്. എന്നാല് ശമ്പളം നല്കാന് സംസ്ഥാന സര്ക്കാരിന്റെ ഭാഗത്ത് ആത്മാര്ത്ഥമായ ശ്രമമില്ലെന്ന് സംഘടനാ നേതാക്കള് ചൂണ്ടിക്കാട്ടി. ഗതികേട് കൊണ്ടാണ് സമരം ചെയ്യേണ്ടി വരുന്നത്. ജനങ്ങള് അത് മനസിലാക്കണമെന്നും യൂണിയന് നേതാക്കള് പറഞ്ഞു.
ഏപ്രില് 19നാണ് മാര്ച്ച് മാസത്തിലെ ശമ്പളം ജീവനക്കാര്ക്ക് ലഭിച്ചത്. വിഷുവും ഈസ്റ്ററും കഴിഞ്ഞാണ് പോയ മാസം ശമ്പളം കിട്ടിയതെന്നും നേതാക്കള് ഓര്മപ്പെടുത്തി.
Â
പ്രതികരിക്കാൻ ഇവിടെ എഴുതുക: