login
മലപ്പുറത്ത് ദേശീയപാത സ്തംഭിപ്പിച്ച് 'മല്ലു ട്രാവലറി'ന്റെ ബൈക്ക് റേസ്; തടഞ്ഞ പോലീസുകാരെ കല്ലെറിഞ്ഞ് ഓടിച്ചു; 15 പേര്‍ റിമാന്‍ഡില്‍

സംഘര്‍ഷവുമായി ബന്ധപ്പെട്ട് കട ഉടമ ചോലയില്‍ ഷമാസ് (26) ഉള്‍പ്പെടെ 15 പേരെ പെരുമ്പടപ്പ് സിഐ വി.എം.കേഴ്‌സണ്‍ മാര്‍ക്കോസ് അറസ്റ്റ് ചെയ്തു. സംഘര്‍ഷത്തില്‍ ഹൈവേ പോലീസ് എസ്‌ഐ ശശികുമാര്‍, പോലീസുകാരായ എന്‍.എച്ച് ജിബിന്‍, നിഥിന്‍ എന്നിവര്‍ പരുക്കേറ്റ് ചികിത്സയിലാണ്. കല്ലേറില്‍ 3 പേര്‍ക്കും പരുക്കുണ്ട്. ഇവര്‍ ചികിത്സയിലാണ്.

മലപ്പുറം: കൊറോണ മാനദണ്ഡങ്ങള്‍ കാറ്റില്‍ പറത്തി യുട്യൂബേഴ്‌സിന്റെ നേതൃത്വത്തില്‍ നടത്തിയ കട ഉദ്ഘാടനത്തിനിടെ പോലീസിനെ ആക്രമിച്ചു. ദേശീയപാതയില്‍ ബൈക്ക്‌റേസ് നടത്തി മണിക്കൂറുകള്‍ നീണ്ട ഗതാഗതക്കുരുക്ക് ഉണ്ടാക്കിയ സംഭവത്തില്‍ കട ഉടമയടക്കം 15 പേരെ പൊലീസ് അറസ്റ്റു ചെയ്തു. കഴിഞ്ഞ ദിവസം പൊന്നാനി വെളിയങ്കോടാണ് സംഭവം. മല്ലു ട്രാവലര്‍ എന്ന പേരില്‍ യുട്യൂബ് നടത്തുന്ന ഷഹീറിന്റെ നേതൃത്വത്തില്‍ വെളിയങ്കോട്  ന്യൂജെന്‍ ബൈക്ക് ഉപകരണങ്ങളുടെ കട ഉദ്ഘാടനം ചെയ്യുന്നതിനിടെയാണ് പോലീസിനെ അക്രമിച്ചത്.  

ഉദ്ഘാടനത്തിന് എത്തിവര്‍ പൊന്നാനി-ചാവക്കാട് ദേശീയ പാതയില്‍ റേസിങ് നടത്തി. ഇതോടെ മണിക്കൂറുകളോളം ഗതാഗതം സ്തംഭിച്ചു. ഇതു ഒഴിവാക്കാന്‍ എത്തിയപ്പോള്‍ ഇവര്‍ പോലീസിനെ ആക്രമിക്കുകയായിരുന്നു. തുടര്‍ന്ന് അക്രമികളെ പോലീസ് തല്ലിയോടിച്ചു.  

സംഘര്‍ഷവുമായി ബന്ധപ്പെട്ട് കട ഉടമ ചോലയില്‍ ഷമാസ് (26) ഉള്‍പ്പെടെ 15 പേരെ പെരുമ്പടപ്പ് സിഐ വി.എം.കേഴ്‌സണ്‍ മാര്‍ക്കോസ് അറസ്റ്റ് ചെയ്തു.   സംഘര്‍ഷത്തില്‍ ഹൈവേ പോലീസ് എസ്‌ഐ ശശികുമാര്‍, പോലീസുകാരായ എന്‍.എച്ച് ജിബിന്‍, നിഥിന്‍ എന്നിവര്‍ പരുക്കേറ്റ് ചികിത്സയിലാണ്. കല്ലേറില്‍ 3 പേര്‍ക്കും പരുക്കുണ്ട്. ഇവര്‍ ചികിത്സയിലാണ്.  

പോലീസിന്റെ ജോലി തടസ്സപ്പെടുത്തല്‍, സംഘം ചേര്‍ന്ന് പോലീസിനെ മര്‍ദിക്കല്‍ കോവിഡ് പ്രോട്ടോക്കോള്‍ ലംഘനം, ഗതാഗത തടസ്സം, അനുമതി ഇല്ലാതെ മൈക്ക് ഉപയോഗിക്കല്‍ തുടങ്ങിയ കേസുകളാണ് പോലീസ് ഇവര്‍ക്കെതിരെ ചുമത്തിയിരിക്കുന്നത്. ഉദ്ഘാടനം ചെയ്ത കട മണിക്കൂറുകള്‍ക്കുള്ളില്‍ പോലീസ് പൂട്ടിച്ചു. അറസ്റ്റ് ചെയ്ത 15 പ്രതികളെയും കോടതി റിമാന്‍ഡ് ചെയ്തു. റേസിങ്ങ് നടത്തിയ പത്തു ബൈക്കുള്‍ പോലീസ് പിടിച്ചെടുത്തിട്ടുണ്ട്.

    comment

    LATEST NEWS


    രാഷ്ട്രീയക്കാര്‍ പ്രതിയാകുമ്പോള്‍ ജനങ്ങളെ ഉപയോഗിച്ച് ഉദ്യോഗസ്ഥരെ ഭയപ്പെടുത്തുന്നത് അംഗീകരിക്കില്ല; മമതയ്ക്ക് ബംഗാള്‍ ഹൈക്കോടതിയുടെ രൂക്ഷ വിമര്‍ശനം


    പശുക്കള്‍ക്ക് കുളമ്പുരോഗം പടരുന്നു; കർഷകർ പാൽ കറന്ന് കളയുന്നു, സർക്കാർ ആശുപത്രി ഉണ്ടെങ്കിലും ഡോക്ടർമാരില്ല


    മാരാരിക്കുളം തെക്ക് പഞ്ചായത്തില്‍ സിപിഎം സെല്‍ഭരണം, ബിജെപി സ്ഥാനാര്‍ത്ഥിയായി മത്സരിച്ച വനിതയ്ക്ക് വൈദ്യുതി കണക്ഷന്‍ നല്‍കുന്നില്ല


    ഇസ്രയേലിനെ ആക്രമിക്കാന്‍ അയച്ച ആറു മിസൈലുകളും സ്വന്തം രാജ്യത്ത് തന്നെ പതിച്ചു; ഇസ്രയേലിന്റെ തിരിച്ചടിയില്‍ വിറങ്ങലിച്ച് ലെബനന്‍


    ആലപ്പുഴയിൽ കനത്ത മഴയിലും കാറ്റിലും 29 വീടുകള്‍ പൂര്‍ണമായി തകര്‍ന്നു, 653 വീടുകള്‍ക്ക് ഭാഗികനാശം


    ചീറിപ്പായുന്നു ടാങ്കർ ലോറികൾ :അപകടക്കെണിയൊരുക്കി ദേശീയപാത, ഒരു മാസത്തിനിടെ അപകടത്തിൽപ്പെട്ടത് മൂന്ന് ടാങ്കർ ലോറികൾ


    പാലസ്തീന് ഐക്യദാര്‍ഢ്യവുമായി ഖത്തര്‍; ധനസഹായം പ്രഖ്യാപിച്ചതിന് പിന്നാലെ ഗാസ റെഡ്ക്രസന്റ് ഓഫീസ് ഇസ്രയേല്‍ ഷെല്‍ ആക്രമണത്തില്‍ തകര്‍ത്തു


    വി.എസ്. സുനില്‍കുമാറിനെ ആശുപത്രിയില്‍ പ്രവേശിപ്പിച്ചു; മെഡിക്കല്‍ കോളേജില്‍ പ്രവേശിപ്പിച്ചത് കടുത്ത ചുമയെ തുടര്‍ന്ന്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.