login
ജനം ടിവിയുടെ കുതിപ്പില്‍ മാതൃഭൂമി കൂപ്പുകുത്തി; തീവ്ര ഇടതുപക്ഷ നിലപാട് സ്വീകരിക്കാന്‍ നിര്‍ദേശം; വാര്‍ത്ത വിഭാഗം മേധാവി പ്രതിഷേധിച്ച് രാജിവെച്ചു

മാതൃഭൂമി ന്യൂസിനെ മറികടന്ന് ജനം ടിവിയുടെ മുന്നേറ്റം മനേജ്‌മെന്റിനെ പ്രതിസന്ധിയിലാക്കിയിരുന്നു. ടിആര്‍പി റേറ്റിങ്ങില്‍ മറ്റ് മുന്‍നിര ചാനലകള്‍ക്കൊപ്പം എത്താന്‍ പലപ്പോഴും മാതൃഭൂമി ന്യൂസിന് സാധിച്ചിരുന്നില്ല. ഒരു ഘട്ടത്തില്‍ മനോരമയും മാതൃഭൂമിയും രണ്ടാം സ്ഥാനത്ത് മാറി മാറി വരുന്ന സാഹചര്യമുണ്ടായിരുന്നു. എന്നാല്‍, ഈ സ്ഥാനത്തേക്ക് ആറുവര്‍ഷം മുമ്പ് ആരംഭിച്ച ജനംടിവിയുടെ കടന്നുവരവോടെ മാതൃഭൂമി വീണ്ടും താഴേക്ക് കൂപ്പുകുത്തുകയായിരുന്നു.

തിരുവനന്തപുരം: മാതൃഭൂമി ന്യൂസിന്റെ എഡിറ്റോറിയല്‍ മേധാവി രാജിവെച്ചു. മാതൃഭൂമി ചാനലിന്റെ ചീഫ് ഓഫ് ന്യൂസ് ചുമതല വഹിച്ചിരുന്ന ഉണ്ണി ബാലകൃഷ്ണന്‍ കഴിഞ്ഞ ദിവസമാണ് രാജിവെച്ചത്. ചാനല്‍ തീവ്ര ഇടതുപക്ഷനിലപാട് എടുത്ത് മുന്നോട്ടു പോകാനുള്ള നിര്‍ദേശത്തില്‍ പ്രതിഷേധിച്ചാണ് രാജിയെന്നാണ് പുറത്തുവരുന്ന റിപ്പോര്‍ട്ട്. പിണറായി സര്‍ക്കാരിന് പൂര്‍ണ പിന്തുണ നല്‍കി പ്രവര്‍ത്തിക്കണമെന്ന് നിര്‍ദേശം മനേജ്‌മെന്റ് തലത്തില്‍ നിന്നും ലഭിച്ചിരുന്നതായി മാതൃഭൂമി ജീവനക്കാര്‍ വെളിപ്പെടുത്തുന്നു. എന്നാല്‍, ഇക്കാര്യത്തില്‍ അനുകൂല നിലപാടല്ല ഉണ്ണി പുലര്‍ത്തിയിരുന്നത്. ചാനല്‍ ഇടതുപക്ഷ നിലപാട് എടുത്തതോടെ പലപ്പോഴും ഏഴാംസ്ഥാനത്തേക്ക് കൂപ്പുകുത്തിയിരുന്നു. ഇതിനിടെ, മാതൃഭൂമി ന്യൂസിനെ മറികടന്ന് ജനം ടിവിയുടെ മുന്നേറ്റം മനേജ്‌മെന്റിനെ പ്രതിസന്ധിയിലാക്കിയിരുന്നു. നേരത്തെയുള്ള ടിആര്‍പി റേറ്റിങ്ങില്‍ മറ്റ് മുന്‍നിര ചാനലകള്‍ക്കൊപ്പം എത്താന്‍  പലപ്പോഴും മാതൃഭൂമി ന്യൂസിന് സാധിച്ചിരുന്നില്ല. ഒരു ഘട്ടത്തില്‍  മനോരമയും മാതൃഭൂമിയും രണ്ടാം സ്ഥാനത്ത് മാറി മാറി വരുന്ന സാഹചര്യമുണ്ടായിരുന്നു. എന്നാല്‍, ഈ സ്ഥാനത്തേക്ക് ആറുവര്‍ഷം മുമ്പ് ആരംഭിച്ച ജനംടിവിയുടെ കടന്നുവരവോടെ മാതൃഭൂമി വീണ്ടും താഴേക്ക് കൂപ്പുകുത്തുകയായിരുന്നു.  

ഇതോടെയാണ് തീവ്രഇടതുപക്ഷ നിലപാട് സ്വീകരിക്കാന്‍ ചാനല്‍ തയാറായത്. തുടര്‍ന്ന് പ്രൈം ടൈം ചര്‍ച്ചകളില്‍ നിന്ന് വേണു ബാലകൃഷ്ണനെ ഒഴിവാക്കിയിരുന്നു. തുടര്‍ന്ന് ഹാഷ്മി താജ് ഇബ്രാഹിം, മാതു സജി, ശ്രീജ ശ്യാം എന്നിവരാണ് ഇപ്പോള്‍ രാത്രി ചര്‍ച്ചകള്‍ നടത്തുന്നത്. വേണുവിനെ പൂര്‍ണമായും ചാനല്‍ മാറ്റി നിര്‍ത്തിയിരിക്കുകയാണ്. ഇതിനിടെയാണ് അദേഹത്തിന്റെ സഹോദരനായ ഉണ്ണി ബാലകൃഷ്ണന്‍ ചാനലിന്റെ പടിയിറങ്ങുന്നത്. ഉണ്ണി ബാലകൃഷ്ണന്റെ രാജി ചാനല്‍ മുതലാളി എംവി ശ്രേയംസ് കുമാര്‍ അംഗീകരിച്ചിട്ടുണ്ട്.  

മാതൃഭൂമി ന്യൂസ് തുടങ്ങിയതു മുതല്‍ അതിന്റെ എഡിറ്റോറിയല്‍ ചുമതല ഉണ്ണി ബാലകൃഷ്ണനാണ്. വി എസ് അച്യുതാനന്ദന്റെ എക്സ്‌ക്ലൂസീവ് അഭിമുഖത്തിലൂടെ മാതൃഭൂമിക്ക് ബിഗ് ബ്രേക്കിങ് നല്‍കിയതും ഉണ്ണി ബാലകൃഷ്ണനാണ്. ദീര്‍ഘകാലം മാതൃഭൂമി ന്യൂസിനെ നയിച്ച ശേഷമാണ് ഉണ്ണിയുടെ പടിയിറക്കം. 

1994 ല്‍ കലാകൗമുദിയില്‍ സബ് എഡിറ്ററായിട്ടാണ് ഉണ്ണി ബാലകൃഷ്ണന്‍ ഔദ്യോഗിക പത്രപ്രവര്‍ത്തനത്തില്‍ സജീവമാകുന്നത്. 1996ല്‍ ഏഷ്യാനെറ്റ് ന്യൂസില്‍ സബ് എഡിറ്ററായി ജോലിയില്‍ പ്രവേശിച്ച അദ്ദേഹം പിന്നീട്  ഏഷ്യാനെറ്റ് ന്യൂസിന്റെ ദില്ലി ബ്യൂറോയിലേക്ക് മാറി. ഏഷ്യാനെറ്റ് റീജിയണല്‍ എഡിറ്റര്‍ സ്ഥാനം രാജിവെച്ചാണ് അദേഹം മാതൃഭൂമി ചാനലിന്റെ തലപ്പത്ത് എത്തുന്നത്.  

    comment

    LATEST NEWS


    കിരണിന് സ്ത്രീധനമായി നല്‍കിയത് പന്ത്രണ്ടര ലക്ഷത്തിന്റെ കാര്‍; വിസ്മയയെ മര്‍ദിച്ചത് തന്റെ സ്റ്റാറ്റസിനു പറ്റിയ കൂടിയ കാര്‍ വേണമെന്ന് ആവശ്യപ്പെട്ട്


    പിണറായി വിജയനെതിരെ ഗുരുതര ആരോപണവുമായി പി.സി. ജോര്‍ജ്; കേരളം ഭരിക്കുന്നത് നാലംഗസംഘം


    മമതാ ബാനര്‍ജിക്ക് തിരിച്ചടി; തെരഞ്ഞെടുപ്പ് അക്രമങ്ങള്‍ അന്വേഷിക്കണമെന്ന് മനുഷ്യാവകാശ കമ്മിഷനോട് നിര്‍ദേശിക്കുന്ന ഉത്തരവ് റദ്ദാക്കണമെന്ന ഹര്‍ജി തള്ളി


    രാമനാട്ടുകര അപകടത്തില്‍ ദുരൂഹതയേറുന്നു; മരിച്ചവര്‍ എസ്ഡിപിഐക്കാര്‍; ക്രിമിനല്‍ പശ്ചാത്തലം;ലക്ഷ്യം സ്വര്‍ണക്കടത്തെന്ന് സൂചന;അന്വേഷണം ചരല്‍ ഫൈസലിലേക്ക്


    യോഗയെ ആത്മീയതയുമായോ മതവുമായോ ബന്ധപ്പെടുത്തി കാണേണ്ട; ആരോഗ്യ പരിപാലന രീതിയായി കാണണമെന്ന് മുഖ്യമന്ത്രി പിണറായി വിജയന്‍


    കൊല്ലത്ത് യുവതി ഭര്‍തൃഗൃഹത്തില്‍ തൂങ്ങി മരിച്ച നിലയില്‍; സ്ത്രീധന പീഡനത്തെ തുടര്‍ന്നുള്ള കൊലപാതകമെന്ന് ബന്ധുക്കള്‍; പോലീസില്‍ പരാതി


    രോഗാണുവിനെ ശ്വസിക്കേണ്ടിവരുന്ന ഈ ദശാസന്ധിയേയും നാം മറികടക്കും; ലോക യോഗാ ദിനത്തില്‍ സ്വയം പ്രകാശിക്കാം, മറ്റുള്ളവര്‍ക്ക് പ്രകാശമാകാമെന്നും മോഹന്‍ലാല്‍


    മലപ്പുറത്ത് വൃദ്ധയെ തലയ്‌ക്കടിച്ച്‌ കൊ​ന്ന അയല്‍വാസി പിടിയില്‍; കൊലപാതകം മോഷണശ്രമത്തിനിടെ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.