login
ഒന്നാം പിണറായി സര്‍ക്കാരിന്റെ അവസാന കാലത്ത് കാടിന്റെ തലയറത്തു; വയനാട്ടില്‍ മാത്രം മുറിച്ചത് 400 കോടിയുടെ ഈട്ടി; ഞെട്ടിക്കുന്ന കണക്കുകള്‍ പുറത്ത്

350 ഏക്കര്‍ കുപ്പമുടി എസ്റ്റേറ്റില്‍ നിന്ന് മാത്രം മുറിച്ച് കടത്തിയത് 250 കോടിയുടെ കൂറ്റന്‍ ഈട്ടിമരങ്ങളാണ്. ഈ എസ്റ്റേറ്റിന് മാത്രം മേപ്പാടി റെയ്ഞ്ച് ഓഫീസറും സൗത്ത് വയനാട് ഡിഎഫ്ഒയും കൂടി നല്‍കിയത് മുന്നൂറോളം പാസാണ്. നൂറുകണക്കിന് കോടികളുടെ മരം കടത്തിയെന്നും അന്വേഷണം മറ്റു കച്ചവടക്കാരിലേക്ക് എത്താതിരിക്കാന്‍ വയനാട് ടിമ്പര്‍ മര്‍ച്ചന്റസ് അസോസിയേഷന്റെ അക്കൗണ്ടിലേക്ക് എറണാകുളത്തെ തടി എക്സ്‌പോര്‍ട്ടിങ് കമ്പനികളും വ്യാപാരികളും അയച്ച് കൊടുത്തത് ലക്ഷങ്ങളാണ് എന്നും ഫോണ്‍ സംഭാഷണത്തിലുണ്ട്.

എം.എസ്. ജയ്‌സണ്‍

കല്‍പ്പറ്റ: ആദ്യ പിണറായി സര്‍ക്കാരിന്റെ അവസാന കാലത്ത് വയനാട്ടില്‍ നിന്ന് മാത്രം മുറിച്ചു കടത്തിയത് 400 കോടിയോളം രൂപയുടെ മരം. ജില്ലയിലെ 12 ഡിവിഷനുകളിലായി മുറിച്ച തടികള്‍ അധികവും കാട്ടില്‍ കിടക്കുന്നുണ്ട്. മുറിച്ചതില്‍ ഒരംശം മാത്രമാണ് പിടിച്ചത്. അതിനിടെ, മരംമുറിക്കേസില്‍ പ്രതിസ്ഥാനത്തുള്ള ഫോറസ്റ്റ് ഓഫീസര്‍ എന്‍.ടി. സാജന്‍, 2001ല്‍ അനധികൃതമായി ചന്ദനത്തൈല ഫാക്ടറി നടത്തിയ കേസില്‍ വിജിലന്‍സിന്റെ നോട്ടപ്പുള്ളിയായിരുന്നുവെന്ന വിവരവും പുറത്തുവന്നു. മരം മുറിച്ച കരാര്‍ തൊഴിലാളി ഹംസക്കുട്ടിയും മരക്കച്ചവടക്കാരന്‍ ചന്ദ്രനും തമ്മിലുള്ള ഫോണ്‍ സംഭാഷണം പുറത്തു വന്നതിലും 400 കോടിയുടെ ഈട്ടി മുറിച്ച വിവരങ്ങളുണ്ട്. മുട്ടില്‍ മരം മുറിയില്‍ നടന്നത് വന്‍ ഗൂഢാലോചനയാണെന്നാണ് ഫോണ്‍ സംഭാഷണം വ്യക്തമാക്കുന്നത്.

മുട്ടില്‍ സൗത്ത് വില്ലേജില്‍ നിന്ന് മാത്രം 15 കോടിയിലധികം രൂപയുടെ ഈട്ടി മരങ്ങളാണ് കടത്തിയത്.  മരം മുറി വിവാദമായതോടെ മുറിച്ച തടി കാട്ടില്‍ നിന്ന് കൊണ്ടുപോകാന്‍ വനം വകുപ്പ് അനുവാദം നല്‍കുന്ന ഫോം ഫോര്‍ പാസുകള്‍ കൂട്ടത്തോടെ റദ്ദാക്കി. അതിനാല്‍ മുറിച്ച മരം കടത്താന്‍ കഴിഞ്ഞിട്ടില്ല. ഈ വിവരം പുറത്ത് വരാതിരിക്കാനാണ് ഉദ്യോഗസ്ഥരും കച്ചവടക്കാരും ഇപ്പോള്‍ ശ്രമിക്കുന്നത്.

350 ഏക്കര്‍ കുപ്പമുടി എസ്റ്റേറ്റില്‍ നിന്ന് മാത്രം മുറിച്ച് കടത്തിയത് 250 കോടിയുടെ കൂറ്റന്‍ ഈട്ടിമരങ്ങളാണ്. ഈ എസ്റ്റേറ്റിന് മാത്രം മേപ്പാടി റെയ്ഞ്ച് ഓഫീസറും സൗത്ത് വയനാട് ഡിഎഫ്ഒയും കൂടി നല്‍കിയത് മുന്നൂറോളം  പാസാണ്. നൂറുകണക്കിന് കോടികളുടെ മരം  കടത്തിയെന്നും അന്വേഷണം മറ്റു കച്ചവടക്കാരിലേക്ക് എത്താതിരിക്കാന്‍ വയനാട് ടിമ്പര്‍ മര്‍ച്ചന്റസ് അസോസിയേഷന്റെ അക്കൗണ്ടിലേക്ക് എറണാകുളത്തെ തടി എക്സ്‌പോര്‍ട്ടിങ് കമ്പനികളും വ്യാപാരികളും അയച്ച് കൊടുത്തത് ലക്ഷങ്ങളാണ് എന്നും ഫോണ്‍ സംഭാഷണത്തിലുണ്ട്.

    comment

    LATEST NEWS


    ഒടുവില്‍ ട്വിറ്റര്‍ വഴങ്ങുന്നു; മുസ്ലിം വൃദ്ധന്‍റെ വ്യാജവീഡിയോ കേസില്‍ യുപി പൊലീസിന്‍റെ ചോദ്യം ചെയ്യലിന് ഹാജരാകാമെന്ന് ട്വിറ്റര്‍ ഇന്ത്യ എംഡി


    ചിന്തകള്‍ക്ക് യോഗ കരുത്തേകുമ്പോള്‍ വിഷാദചിന്തകള്‍ക്ക് നമ്മെ തകര്‍ക്കാനാവില്ലെന്ന് മോദി; യുഎന്നുമായി ചേര്‍ന്ന് ഇന്ത്യ യോഗ ആപ് പുറത്തിറക്കുന്നു


    കൊവിഡ് വ്യാപനം കുറയുന്നു: ഇന്ത്യക്കാര്‍ക്ക് വിസ അനുവദിച്ച്‌ വിവിധ രാജ്യങ്ങൾ, ടൂറിസ്റ്റ് വിസയിൽ റഷ്യയിലും ഈജിപ്തിലും ഇന്ത്യാക്കാർക്ക് പ്രവേശിക്കാം


    കിരണിന് സ്ത്രീധനമായി നല്‍കിയത് പന്ത്രണ്ടര ലക്ഷത്തിന്റെ കാര്‍; വിസ്മയയെ മര്‍ദിച്ചത് തന്റെ സ്റ്റാറ്റസിനു പറ്റിയ കൂടിയ കാര്‍ വേണമെന്ന് ആവശ്യപ്പെട്ട്


    പിണറായി വിജയനെതിരെ ഗുരുതര ആരോപണവുമായി പി.സി. ജോര്‍ജ്; കേരളം ഭരിക്കുന്നത് നാലംഗസംഘം


    മമതാ ബാനര്‍ജിക്ക് തിരിച്ചടി; തെരഞ്ഞെടുപ്പ് അക്രമങ്ങള്‍ അന്വേഷിക്കണമെന്ന് മനുഷ്യാവകാശ കമ്മിഷനോട് നിര്‍ദേശിക്കുന്ന ഉത്തരവ് റദ്ദാക്കണമെന്ന ഹര്‍ജി തള്ളി


    രാമനാട്ടുകര അപകടത്തില്‍ ദുരൂഹതയേറുന്നു; മരിച്ചവര്‍ എസ്ഡിപിഐക്കാര്‍; ക്രിമിനല്‍ പശ്ചാത്തലം;ലക്ഷ്യം സ്വര്‍ണക്കടത്തെന്ന് സൂചന;അന്വേഷണം ചരല്‍ ഫൈസലിലേക്ക്


    യോഗയെ ആത്മീയതയുമായോ മതവുമായോ ബന്ധപ്പെടുത്തി കാണേണ്ട; ആരോഗ്യ പരിപാലന രീതിയായി കാണണമെന്ന് മുഖ്യമന്ത്രി പിണറായി വിജയന്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.