×
login
ഇന്ന് താനെങ്കില്‍ പിന്നെ ഞാന്‍; ശിവന്‍കുട്ടിയെ രാജിവെയ്പ്പിക്കാതെ സംരക്ഷണം നല്‍കുന്നതിന് പിന്നില്‍ പിണറായിയുടെ ലാവ്‌ലിന്‍ ഭയം

പള്ളിവാസല്‍, ചെങ്കുളം, പന്നിയാര്‍ ജലവൈദ്യുത പദ്ധതികളുടെ നവീകരണത്തിനായി കനേഡിയന്‍ കമ്പനിയായ എസ്എന്‍സി ലാവ്‌ലിനുമായി ഉണ്ടാക്കിയ കരാറില്‍ ക്രമക്കേട് ഉണ്ടെന്നാണ് സിബിഐ കണ്ടെത്തല്‍.

തിരുവനന്തപുരം: നിയമസഭയിലെ അഴിഞ്ഞാട്ടക്കേസില്‍ സുപ്രീംകോടതി വിധി വന്നിട്ടും വിദ്യാഭ്യാസ മന്ത്രി വി. ശിവന്‍കുട്ടിയെ  മുഖ്യമന്ത്രി പിണറായി വിജയന്‍ സംരക്ഷിക്കുന്നതിനു പിന്നില്‍  ലാവ്‌ലിന്‍ കേസ്. അഴിഞ്ഞാട്ട ക്കേസിലെ സുപ്രീംകോടതിയുടെ നിരീക്ഷണം പോലെയൊന്ന് ലാവ്‌ലിന്‍ കേസിലും ഉണ്ടാകുമെന്ന് മുഖ്യമന്ത്രി ഭയക്കുന്നു. എതിരായ കോടതി പരാമര്‍ശം ഉണ്ടായാല്‍ മുഖ്യമന്ത്രിക്കസേരയില്‍ തുടരാന്‍ അര്‍ഹനാണോ എന്ന ചോദ്യമുയരും. സ്വാഭാവികമായും രാജിവയ്‌ക്കേണ്ടി വരും. അതിനാല്‍ വി.ശിവന്‍കുട്ടിയെ മുന്‍നിര്‍ത്തി കരുക്കള്‍ നീക്കുകയാണ്  മുഖ്യമന്ത്രി.  

374 കോടി രൂപയുടെ  അഴിമതി കേസാണ് എസ്എന്‍സി ലാവ്ലിനിലേത്.  ഏപ്രില്‍ ആറിനാണ് കേസ് അവസാനമായി സുപ്രീം കോടതി പരിഗണിച്ചത്. പ്രധാനപ്പെട്ട കൂടുതല്‍ രേഖകള്‍ സമര്‍പ്പിക്കാന്‍ സമയം വേണമെന്ന് ആവശ്യപ്പെട്ട്, ഹൈക്കോടതി കുറ്റവിമുക്തനാക്കിയ എ. ഫ്രാന്‍സിസ് നല്‍കിയ അപേക്ഷ പരിഗണിച്ചാണ് കേസ് വീണ്ടും മാറ്റിയത്. നിരവധി തവണ കേസ് മാറ്റിയതിനാല്‍ ഇനി മാറ്റിവയ്‌ക്കേണ്ട സാഹചര്യം ഉണ്ടാക്കരുതെന്ന് സുപ്രീംകോടതി കര്‍ശന താക്കീതും നല്‍കിയിട്ടുണ്ട്. ഉടന്‍ വിചാരണ തുടങ്ങും. മുഖ്യമന്ത്രി പിണറായി വിജയന്‍, മുന്‍ ഊര്‍ജ്ജ സെക്രട്ടറി കെ. മോഹനചന്ദ്രന്‍, ജോയിന്റ് സെക്രട്ടറി എ. ഫ്രാന്‍സിസ് എന്നിവരെ കുറ്റവിമുക്തരാക്കിയ ഹൈക്കോടതി വിധിക്കെതിരെയുള്ള സിബിഐ അപ്പീലാണ് കോടതി പരിഗണിക്കുന്നത്.  

പള്ളിവാസല്‍, ചെങ്കുളം, പന്നിയാര്‍ ജലവൈദ്യുത പദ്ധതികളുടെ നവീകരണത്തിനായി കനേഡിയന്‍ കമ്പനിയായ എസ്എന്‍സി ലാവ്‌ലിനുമായി ഉണ്ടാക്കിയ കരാറില്‍ ക്രമക്കേട് ഉണ്ടെന്നാണ് സിബിഐ കണ്ടെത്തല്‍.  

യുഡിഎഫ് സര്‍ക്കാരാണ് പദ്ധതി നടപ്പാക്കാനുള്ള നീക്കം തുടങ്ങിയതെങ്കിലും ഇ.കെ. നായനാര്‍ മന്ത്രിസഭയിലെ വൈദ്യുത മന്ത്രി ആയിരുന്ന പിണറായി വിജയനായിരുന്നു കരാറില്‍ ഒപ്പുവച്ചത്. ലാവ്‌ലിന്‍ കമ്പനിക്ക് കരാര്‍ നല്‍കുന്നതിന് പ്രത്യേക താല്പര്യം കാണിച്ചുവെന്നും കുറ്റപത്രത്തില്‍ പറയുന്നു. മലബാര്‍ കാന്‍സര്‍ സെന്ററിന് വേണ്ടി കനേഡിയന്‍ ഏജന്‍സി, സര്‍ക്കാര്‍ ഏജന്‍സികള്‍ക്ക് നല്‍കേണ്ടിയിരുന്ന 98 കോടി രൂപയില്‍ 12 കോടി രൂപ മാത്രമാണ് നല്‍കിയതെന്നതും സിഎജിയുടെ പരിശോധനയിലാണ് പുറത്ത് വന്നത്.

 

    comment

    LATEST NEWS


    ഇന്ന് 11,196 പേര്‍ക്ക് കൊറോണ; ആകെ മരണം 24,810 ആയി; അഞ്ചു ജില്ലകളില്‍ പ്രതിദിന രോഗികള്‍ ആയിരത്തിനുമുകളില്‍; 10,506 പേര്‍ക്ക് സമ്പര്‍ക്കത്തിലൂടെ രോഗം


    ചെമ്പോല തിട്ടൂരം: ശബരിമലക്കെതിരെ വാര്‍ത്ത ചമയ്ക്കാന്‍ 24ന്യൂസ് കൂട്ടുപിടിച്ചത് തട്ടിപ്പുകാരനെ; ആധികാരിക രേഖയായി അവതരിപ്പിച്ചത് മോന്‍സന്റെ ചെമ്പ് തകിട്


    മാധുര്യമുള്ള ശബ്ദം ലോകമെമ്പാടും മുഴങ്ങട്ടെ; ആയുര്‍ ആരോഗ്യസൗഖ്യം നേരുന്നു; ലതാ മങ്കേഷ്‌കറിന്റെ ജന്മദിനത്തില്‍ ആശംസ നേര്‍ന്ന് പ്രധാനമന്ത്രി


    അസമിലെ ധല്‍പൂരില്‍ 800 അനധികൃത മുസ്ലിം കുടുംബങ്ങള്‍ കയ്യേറിയത് 1122 ഏക്കര്‍; മറ്റൊരു 800 അനധികൃത മുസ്ലിം കുടുംബങ്ങള്‍ കയ്യേറിയത് 900 ഏക്കര്‍


    ഞാന്‍ അന്നേ പറഞ്ഞില്ലേ, നവജോത് സിദ്ധു സ്ഥിരതയുള്ള വ്യക്തിയല്ലെന്ന്...കോണ്‍ഗ്രസ് അധ്യക്ഷപദവി രാജിവെച്ച സിദ്ദുവിനെ വിമര്‍ശിച്ച് അമരീന്ദര്‍


    'കൊച്ചിയിലെ വീട്ടില്‍ മുഖ്യമന്ത്രിയെത്തും', തട്ടിപ്പിനായി മോന്‍സന്‍ പിണറായിയുടെ പേരും ഉപയോഗപ്പെടുത്തി; പല നുണകളും പ്രചരിപ്പിച്ചു, ശബ്ദരേഖ പുറത്ത്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.