×
login
'ഉപരാഷ്ട്രപതി സ്ഥാനത്തേയ്ക്ക് ബിജെപി പരിഗണിച്ചിരുന്നു; തനിക്ക് ലഭിക്കേണ്ട രാജ്യസഭാ സീറ്റും ഉമ്മന്‍ചാണ്ടി‍ ഇടപെട്ട് ഇല്ലാതാക്കി'യെന്ന് പി.ജെ. കുര്യന്‍

വെങ്കയ്യ നായിഡു ഒരിക്കല്‍ കേരളത്തില്‍ വന്നപ്പോള്‍ പി.ജെ. കുര്യന്‍ ഉപരാഷ്ട്രപതിയാകേണ്ട ആളാണെന്നും പ്രസംഗിച്ചിരുന്നു. ഈ പ്രസംഗം രാഷ്ട്രീയ ആയുധമാക്കി ഉമ്മന്‍ ചാണ്ടി തനിക്കെതിരെ ഉപയോഗിക്കുകായയിരുന്നു. പ്രസംഗം ഗാന്ധി കുടുംബത്തിന്റെ മുന്നിലേക്ക് എത്തിച്ച് അതിനെ തെറ്റായി വ്യാഖ്യാനിക്കുകയായിരുന്നു.

ന്യൂദല്‍ഹി : ഉപരാഷ്ട്രപതി തെരഞ്ഞെടുപ്പില്‍ ബിജെപി തന്നെ പരിഗണിച്ചിരുന്നു. ഉമ്മന്‍ചാണ്ടി ഇടപെട്ട് അതില്ലാതാക്കിയെന്ന് വിമര്‍ശനവുമായി പി.ജെ. കുര്യന്‍. അദ്ദേഹത്തിന്റെ ജീവിതാനുഭവങ്ങള്‍ പങ്കുവെയ്ക്കുന്ന സത്യത്തിലേക്കുള്ള സഞ്ചാരമെന്ന പുതിയ പുസ്തത്തിലൂടെയാണ് ഇത്തരത്തില്‍ ഉമ്മന്‍ചാണ്ടിക്കെതിരെ വിമര്‍ശനം ഉയര്‍ത്തിയിരിക്കുന്നത്. പി.ജെ. കുര്യന്റെ എണ്‍പതാം ജന്മദിനം പ്രമാണിച്ച് സുഹൃത്തുക്കള്‍ പ്രസിദ്ധീകരിച്ചതാണ് ഈ പുസ്തകം.  

കോണ്‍ഗ്രസ് പാര്‍ട്ടി നേതൃത്വ നിരയില്‍ നെഹ്‌റു കുടുംബത്തിന് പുറത്തുനിന്നുള്ള വ്യക്തി അധികാരത്തില്‍ വരണമെന്ന് ആവശ്യപ്പെടുന്ന മുതിര്‍ന്ന നേതാക്കളില്‍ ഒരാളാണ് പി.ജെ. കുര്യന്‍. രാഹുലിന് പാര്‍ട്ടിയെ നയിക്കാന്‍ സാധിക്കില്ലെന്ന് പറയുന്ന അദ്ദേഹം ജി23 നേതാക്കളെ പിന്തുണയ്ക്കുന്നുമുണ്ട്.  

ഒന്നാം മോദി സര്‍ക്കാരിന്റെ കാലത്ത് രാഷ്ട്രപതി- ഉപരാഷ്ട്രപതി തെരഞ്ഞെടുപ്പില്‍ ബിജെപി സ്ഥാനാര്‍ത്ഥിയായി തന്നെ പരിഗണിച്ചിരുന്നു. ഇക്കാര്യം ബിജെപി നേതാവും കേന്ദ്രമന്ത്രിയുമായിരുന്ന മുക്താര്‍ അബ്ബാസ് നഖ്വി നേരില്‍ കണ്ട് അറിയിക്കുകയും, തുടര്‍ ചര്‍ച്ചകള്‍ക്കായി തന്നോട് പ്രധാനമന്ത്രിയെ കാണാനും അദ്ദേഹം ആവശ്യപ്പെട്ടു.

ഉപരാഷ്ട്രപതിയായി തന്നെ കൊണ്ടുവരാന്‍ മോദിക്ക് താത്പ്പര്യമുള്ളതായി നഖ്വി രണ്ട് തവണ അറിയിച്ചിരുന്നു. ഇക്കാര്യം നഖ്വിയുടെ പുസ്തകത്തിലും പരാമര്‍ശിച്ചിരുന്നു. ഉമ്മന്‍ചാണ്ടിയുടെ ഇടപെടലുകളാണ് ഇതെല്ലാം ഇല്ലാതായത്. വെങ്കയ്യ നായിഡു ഒരിക്കല്‍ കേരളത്തില്‍ വന്നപ്പോള്‍ പി.ജെ. കുര്യന്‍ ഉപരാഷ്ട്രപതിയാകേണ്ട ആളാണെന്നും പ്രസംഗിച്ചിരുന്നു. രാജ്യസഭയില്‍ കുര്യന്‍ ഉണ്ടാവണമായിരുന്നു, രാജ്യസഭാ ചെയര്‍മാനാവേണ്ടിയിരുന്ന ആളാണ് അദ്ദേഹമെന്നായിരുന്നു വെങ്കയ്യ നായിഡു അറിയിച്ചത്. ഈ സദസ്സില്‍ ഉമ്മന്‍ചാണ്ടിയും ഉണ്ടായിരുന്നു.  

എന്നാല്‍ ഈ പ്രസംഗം രാഷ്ട്രീയ ആയുധമാക്കി ഉമ്മന്‍ ചാണ്ടി തനിക്കെതിരെ ഉപയോഗിക്കുകായയിരുന്നു. പ്രസംഗം ഗാന്ധി കുടുംബത്തിന്റെ മുന്നിലേക്ക് എത്തിച്ച് അതിനെ തെറ്റായി വ്യാഖ്യാനിക്കുകയായിരുന്നു.  


രാജ്യസഭയിലേക്ക് മത്സരിക്കാന്‍ താന്‍ താത്പ്പര്യം പ്രകടിപ്പിച്ചെങ്കിലും ഉമ്മന്‍ചാണ്ടി അത് നഷ്ടപ്പെടുത്തി. തനിക്ക് വേണ്ടി സംസാരിക്കാമെന്ന് രമേശ് ചെന്നിത്തല വാക്ക് നല്‍കിയെങ്കിലും പിന്ന്ീട് ഉമ്മന്‍ചാണ്ടിക്കൊപ്പം ചേര്‍ന്ന് ഒഴിവാക്കുകയായിരുന്നു. കുര്യനെ ഒഴിവാക്കാനായി രാജ്യസഭാ സീറ്റ് തങ്ങള്‍ക്ക് ഇങ്ങോട്ട് നിര്‍ബന്ധിച്ച് തരികയായിരുന്നുവെന്ന് ജോസ് കെ. മാണി വെളിപ്പെടുത്തിട്ടുണ്ട്. തങ്ങളുമൊരു രാഷ്ട്രീയ പാര്‍ട്ടിയാണെന്നും ഒരു രാജ്യസഭാ സീറ്റ് ഇങ്ങോട്ട് വാഗ്ദാനം ചെയ്യുമ്പോള്‍ വേണ്ടെന്ന് വയ്ക്കാന്‍ പറ്റില്ലെന്ന് ജോസ് കെ മാണി പറഞ്ഞതായും കുര്യന്റെ പുസ്തകത്തില്‍ പറയുന്നുണ്ട്. 

എ.കെ. ആന്റണിയും തനിക്ക് വേണ്ടി ഇടപെട്ടില്ല. അതേസമയം രാഹുല്‍ ഗാന്ധി തികഞ്ഞ പരാജയം ആണെന്നും അതില്‍ വിമര്‍ശിക്കുന്നുണ്ട്.  രാഹുലിന് പാര്‍ട്ടിയെ ഏകോപിപ്പിക്കാന്‍ സാധിക്കുന്നില്ല. മുതിര്‍ന്ന നേതാക്കളേയും യുവ നേതാക്കളേയും ഒരേ പോലെ ഒപ്പം നിര്‍ത്തുന്നതില്‍ രാഹുല്‍ പരാജയമാണെന്നും കുര്യന്‍ വിമര്‍ശിച്ചു.  

 

 

 

 

    comment

    LATEST NEWS


    ടി.കെ രാജീവ് കുമാര്‍-ഷൈന്‍ നിഗം സിനിമ 'ബര്‍മുഡ'; ആഗസ്റ്റ് 19ന് തീയേറ്ററുകളില്‍; ചിത്രത്തില്‍ മോഹന്‍ലാല്‍ പാടിയ ഗാനവും ഏറെ ശ്രദ്ധയം


    പാകിസ്താനോട് കൂറ് പുലര്‍ത്തുന്ന ജലീലിനെ മഹാനാക്കിയത് പിണറായി ചെയ്ത പാപമെന്ന് ചെറിയാന്‍ ഫിലിപ്പ്


    1947ല്‍ വാങ്ങി; സ്വാതന്ത്ര്യം പ്രഖ്യാപിച്ച് 75 വര്‍ഷം പഴക്കമുള്ള പത്രം സംരക്ഷിച്ച് ഡോ. എച്ച്.വി.ഹന്ദേ; അഭിനന്ദിച്ച് പ്രധാനമന്ത്രി ( വീഡിയോ)


    സിപിഎം സൈബര്‍ കടന്നലുകളുടെ 'കുഴി' ആക്രമണം ഏശിയില്ല; 'ന്നാ താന്‍ കേസ് കൊട്' ബോക്‌സ് ഓഫീസില്‍ സൂപ്പര്‍ ഹിറ്റ്; കുഞ്ചാക്കോ ബോബന്‍ വാരിയത് കോടികള്‍


    സ്പോര്‍ട്സ് താരങ്ങള്‍ക്ക് മോദി പ്രധാനമന്ത്രിയല്ല, അരികെയുള്ള സുഹൃത്ത്; മോദിയെ ഗംച ഷാള്‍ പുതപ്പിച്ച് ഹിമദാസ്; ബോക്സിങ് ഗ്ലൗസ് നല്‍കി നിഖാത് സറീന്‍


    ഷാജഹാന്‍ കൊലക്കേസ്: 'എല്ലാ കൊലയും ബിജെപിയുടെ തലയില്‍ വയ്ക്കണ്ട'; സിപിഎം പാര്‍ട്ടി അംഗങ്ങള്‍ തന്നെയാണ് ഇതിന് പിന്നിലെന്ന് കെ. സുധാകരന്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.