×
login
പിണറായി വിളിച്ചു; മാന്യമായി സംസാരിച്ചു; ചര്‍ച്ച ചെയ്യാമെന്ന് പറഞ്ഞെന്ന് ജിഫ്രി മുത്തുകോയ തങ്ങള്‍; വഖഫ് പ്രതിഷേധം പള്ളികളില്‍ വേണ്ടെന്ന് സമസ്ത

വഖഫ് ബോര്‍ഡ് നിയമനം പി എസ് സി ക്ക് വിട്ട തീരുമാനം പിന്‍വലിക്കണമെന്നു തന്നെയാണ് ആവശ്യം. നിലവിലെ രീതി പിന്തുടരുന്നതാണ് നല്ലത്. പ്രതിഷേധങ്ങള്‍ ഉചിതമായ രീതിയില്‍ അവതരിപ്പിക്കും.

കോഴിക്കോട്: വഖഫ് പ്രതിഷേധം പള്ളികളില്‍ വേണ്ട എന്ന നിലപാടുമായി സമസ്ത. ഈ വിഷയം സംസാരിക്കാന്‍ മുഖ്യമന്ത്രി പിണറായി വിജയന്‍ തന്നെ വിളിച്ചിരുന്നെന്ന് സമസ്ത പ്രസിഡന്റ് ജിഫ്രി മുത്തുകോയ തങ്ങള്‍ പറഞ്ഞു. . മുഖ്യമന്ത്രി മാന്യമായി സംസാരിച്ചു. ചര്‍ച്ച ചെയ്യാം എന്നും പറഞ്ഞു. ചര്‍ച്ചക്ക് ശേഷം പ്രതിഷേധം തീരുമാനിക്കും. പരിഹാരം ആയില്ല എങ്കില്‍ പ്രതിഷേധിക്കേണ്ടിവരും. അതിന് സമസ്ത മുന്നില്‍ ഉണ്ടാകും. വഖഫ് നിയമനത്തില്‍ പള്ളിയില്‍ നിന്ന് പ്രതിഷേധിക്കാന്‍ സാധിക്കില്ല. പള്ളിയില്‍ പ്രതിഷേധം ആകരുത്. അത് അപകടം ചെയ്യും. പള്ളി ആദരിക്കപ്പെടേണ്ടത് ആണ്. പള്ളിയുടെ പവിത്രതയ്ക്ക് യോജിക്കാത്ത കാര്യങ്ങള്‍ പാടില്ല. പ്രകോപനപരമായ കാര്യങ്ങല്‍ അവിടെ നിന്ന് ഉണ്ടാകരുത്. കൂട്ടായി എടുത്ത തീരുമാനം ആകാം എങ്കിലും കഴിഞ്ഞ ദിവസങ്ങളിലെ പരസ്പരം ഉള്ള പ്രസ്താവനകളുടെ അടിസ്ഥാനത്തില്‍ കുഴപ്പം ഉണ്ടാകാന്‍  സാധ്യതയുണ്ട്. പലരും കുഴപ്പമുണ്ടാക്കാന്‍ സാധ്യതയുണ്ട്. അതിന്റെ ഉത്തരവാദിത്തം സമസ്തക്കാവും.  

വഖഫ് ബോര്‍ഡ് നിയമനം പി എസ് സി ക്ക് വിട്ട തീരുമാനം പിന്‍വലിക്കണമെന്നു തന്നെയാണ് ആവശ്യം. നിലവിലെ രീതി പിന്തുടരുന്നതാണ് നല്ലത്. പ്രതിഷേധങ്ങള്‍ ഉചിതമായ രീതിയില്‍ അവതരിപ്പിക്കും.

വഖഫ് പവിത്രമായ മുതല്‍ ആണ്. അത് ഉള്‍ക്കൊണ്ടാവണം പ്രവര്‍ത്തിക്കേണ്ടത്. ആശങ്കകള്‍ സര്‍ക്കാരിന് മുന്നില്‍ അവതരിപ്പിക്കും. പരിഹാരമായില്ലെങ്കില്‍ പ്രതിഷേധം ശക്തമാക്കുമെന്നും തങ്ങള്‍.  

 

 

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.