×
login
സന്ദീപിന്റെ കൊലപാതകത്തിന് രാഷ്ട്രീയ വിരോധവും കാരണമായെന്ന് കൂട്ടിച്ചേര്‍ത്ത് റിമാന്‍ഡ് റിപ്പോര്‍ട്ട്‍; മുഖ്യപ്രതി ജിഷ്ണുവിന് വ്യക്തി വൈരാഗ്യവുമുണ്ടായി

സിപിഎം നേതാക്കള്‍ ഇത് രാഷ്ട്രീയകൊലപാതകമാണെന്ന് ആവര്‍ത്തിക്കുകയാണ് ചെയ്തത്. അതിനു പിന്നാലെയാണ് രാഷ്ട്രീയ വിരോധമെന്ന് റിമാന്‍ഡ് റിപ്പോര്‍ട്ടില്‍ നല്‍കിയിരിക്കുന്നത്.

തിരുവല്ല : സിപിഎം പെരിങ്ങര ലോക്കല്‍ സെക്രട്ടറി പി.ബി. സന്ദീപ് കുമാറിനെ കൊലപ്പെടുത്താന്‍ രാഷ്ട്രീയ വിരോധമെന്നും കൂട്ടിച്ചേര്‍ത്ത് റിമാന്‍ഡ് റിപ്പോര്‍ട്ട്. സന്ദീപിന്റേത് രാഷ്ട്രീയകൊലയല്ല, വ്യക്തി വൈരാഗ്യമാണ് ഇതിനു പിന്നിലെന്ന് പോലീസ് നേരത്തെ തന്നെ അറിയിച്ചിരുന്നു. എന്നാല്‍ സിപിഎം നേതാക്കള്‍ ഇത് രാഷ്ട്രീയകൊലപാതകമാണെന്ന് ആവര്‍ത്തിക്കുകയാണ് ചെയ്തത്. അതിനു പിന്നാലെയാണ് രാഷ്ട്രീയ വിരോധമെന്ന് റിമാന്‍ഡ് റിപ്പോര്‍ട്ടില്‍ നല്‍കിയിരിക്കുന്നത്.  

ഒന്നാംപ്രതി ജിഷ്ണുവിന് സന്ദീപിനോട് വ്യക്തിവൈരാഗ്യവും രാഷ്ട്രീയ വിരോധവും ഉണ്ടായിരുന്നെന്നാണ് റിമാന്‍ഡ് റിപ്പോര്‍ട്ടില്‍ പറയുന്നത്.  സന്ദീപിനെ മാരകമായി കുത്തി പരിക്കേല്‍പ്പിച്ചത് ഒന്നാം പ്രതി ജിഷ്ണു രഘുവാണ്. കൊലപ്പെടുത്താനുള്ള ഉദ്ദേശത്തോടുകൂടിയാണ് പ്രതികള്‍ പ്രവര്‍ത്തിച്ചതെന്നും റിമാന്‍ഡ് റിപ്പോര്‍ട്ടിലുണ്ട്.

വ്യാഴാഴ്ച രാത്രി എട്ട് മണിയോടെയാണ് തിരുവല്ല ചാത്തങ്കരിയിലെ മേപ്രാലില്‍ വയലില്‍ വച്ച് സന്ദീപിനെ ഒരു സംഘമാളുകള്‍ ബൈക്കിലെത്തി വെട്ടിക്കൊലപ്പെടുത്തിയത്. നെഞ്ചില്‍ ഒമ്പത് വെട്ടേറ്റ സന്ദീപ് ആശുപത്രിയിലെത്തും മുമ്പ് തന്നെ മരിച്ചു. അക്രമികള്‍ സ്ഥലത്ത് നിന്ന് രക്ഷപ്പെട്ടെങ്കിലും 24 മണിക്കൂറിനുള്ളില്‍ അഞ്ചുപ്രതികളെയും പോലീസ് പിടികൂടുകയായിരുന്നു. പ്രധാന പ്രതി ജിഷ്ണു രഘു, നന്ദു, പ്രമോദ് എന്നിവരെ കരുവാറ്റയില്‍ നിന്നും കണ്ണൂര്‍ സ്വദേശിയായ മുഹമ്മദ് ഫൈസലിനെ തിരുവല്ല കുറ്റൂറില്‍ വാടക മുറിയില്‍ നിന്നും അഞ്ചാം പ്രതി അഭിയെ എടത്വയില്‍ നിന്നുമാണ് പോലീസ് പിടികൂടിയത്. പ്രതികളുടെ മൊബൈല്‍ ഫോണ്‍ അടക്കം കേന്ദ്രീകരിച്ചായിരുന്നു അന്വേഷണം.


സന്ദീപിന്റെ കൊലപാതകം വ്യക്തിവൈരാഗ്യമായണെന്ന് പോലീസ് വ്യക്താക്കിയിട്ടും ഇത്  സിപിഎം തള്ളുകയായിരുന്നു. കൊലപാതകത്തില്‍ ആര്‍എസ്എസിന് ബന്ധമില്ലെന്ന് ജില്ലാ കാര്യവാഹ് ജി. രജീഷ് അറിയിച്ചിരുന്നു. ആര്‍എസ്എസിന്റെ തലയില്‍ കെട്ടിവെയ്ക്കാനുള്ള ഗൂഢാലോചനയാണ് നടക്കുന്നത്. ശരിയായ അന്വേഷണം നടത്തി കൊലയ്ക്ക് പിന്നിലുള്ള ശക്തികളെ പുറത്തുകൊണ്ടുവരണമെന്നും ജി. രജീഷ് ആവശ്യപ്പെട്ടു. കൊലപാതകത്തില്‍ പങ്കില്ലെന്ന്  ബിജെപിയും വ്യക്തമാക്കിയിട്ടുണ്ട്.  

എന്നാല്‍ കേസില്‍ അന്വേഷണം തീരുന്നതിന് മുമ്പേ തന്നെ ആര്‍എസ്എസിന് ഇതില്‍ ബന്ധമില്ലായിരുന്നുവെന്ന് പോലീസ് പറയരുതായിരുന്നുവെന്നാണ് സിപിഎം സംസ്ഥാന സെക്രട്ടറി സ്ഥാനത്തേയ്ക്ക് തിരിച്ചെത്തിയ കോടിയേരി ബാലകൃഷ്ണന്‍ പ്രതികരിച്ചത്.  

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.